રેપર બાદશાહની નાઈટ ક્લબમાં વિસ્ફોટ, પોલીસે કર્યો આ દાવો
ચંદીગઢ, તા. 26 નવેમ્બર, 2024: ચંદીગઢની એક નાઈટ ક્લબમાં મંગળવારે સવારે વિસ્ફોટ થયો હતો. આ ક્લબ રેપર બાદશાહની હોવાનું કહેવાય છે. આ બ્લાસ્ટ દેશી બોમ્બથી કરવામાં આવ્યો હતો. મામલાની તપાસ પર એનઆઈએની ટીમ સ્થળ પર પહોંચી છે.
ક્યારે થયો હુમલો
અજાણ્યા બાઈક સવારોએ સેક્ટર 26 સ્થિત નાઈટ ક્લબ પર વિસ્ફોટક પદાર્થ ફેંક્યો હતો. શંકાસ્પદોએ મંગળવારે સવારે 4 વાગ્યા આસપાસ આ હુમલો કર્યો હતો. ખૂબ ઓછી તીવ્રતાનો આ બ્લાસ્ટ હતો. આ ઘટનામાં કોઈ ઘાયલ થયું નથી.
View this post on Instagram
જે ક્લબમાં બ્લાસ્ટ થયો તે રેપર બાદશાહની હોવાનું કહેવાય છે. ઘટના સ્થળના વીડિયો પણ સામે આવ્યા છે. જેમાં ક્લબની તૂટેલી બારીઓ જોઈ શકાય છે.
View this post on Instagram
પોલીસે શું કહ્યું
સૂત્રોના કહેવા મુજબ, ખંડણી વસૂલવાના ઈરાદે દેશી બોમ્બ ફેંકવામાં આવ્યા હતા. તેમ છતાં પોલીસ આ હુમલા પાછળ કોનો શું ઈરાદો છે તેની તપાસ કરી રહી છે. ચંદીગઢ પોલીસ ફોરેન્સિક ટીમોની મદદથી મામલાની તપાસ કરી રહી છે.
આ પણ વાંચોઃ PAN 2.0 ને કેબિનેટની મંજૂરી, શું બેકાર થઈ જશે વર્તમાન પાન કાર્ડ? જાણો
