નવી દિલ્હી, તા. 25 નવેમ્બર, 2024: સંસદનું શિયાળુ સત્ર આજથી શરૂ થઈ રહ્યું છે. આ સત્ર 20 ડિસેમ્બર સુધી ચાલશે. આ દરમિયાન પાંચ નવા બિલ રજૂ કરવામાં આવશે. જ્યારે વક્ફ (સુધારા) બિલ સહિત અન્ય 11 બિલ ચર્ચા માટે સૂચિબદ્ધ કરવામાં આવ્યા છે. એટલે કે કુલ 16 બિલ આવશે, જેને સરકાર આ સત્રમાં પસાર કરવાની તૈયારી કરી રહી છે. વિપક્ષી દળોના વલણથી સ્પષ્ટ છે કે શિયાળુ સત્ર તોફાની બની શકે છે.
PM મોદીએ શું કહ્યું
સંસદના શિયાળુ સત્ર પહેલા પ્રધાનમંત્રી નરેન્દ્ર મોદીએ રાષ્ટ્રને સંબોધન કર્યું હતું. જેમને 80 વખત જનતાએ નકાર્યા છે, તેઓ સંસદનું કામ રોકી દે છે. કમનસીબે, કેટલાક લોકોએ પોતાના રાજકીય હિતો માટે સંસદને નિયંત્રિત કરવાનો પ્રયાસ કર્યો છે.’
પીએમ મોદીએ કહ્યું, શિયાળાની મોસમ છે અને હવામાન ઠંડુ રહેશે. 2024નો આ છેલ્લો સમયગાળો ચાલી રહ્યો છે, દેશ પણ ઉત્સાહ અને ઉમંગ સાથે 2025નું સ્વાગત કરવાની તૈયારી કરી રહ્યો છે. સંસદનું આ સત્ર ઘણી રીતે વિશેષ છે. સૌથી મોટી વાત એ છે કે આપણા બંધારણની યાત્રાના 75મા વર્ષમાં પ્રવેશ કરવો એ પોતે જ લોકશાહી માટે ખૂબ જ ઉજ્જવળ તક છે.
#WATCH | Delhi: On #ParliamentWinterSession, PM Narendra Modi says, “The voters of India are dedicated to democracy, their dedication to the Constitution, their faith in the parliamentary working system, all of us sitting in the Parliament will have to live up to the sentiments… pic.twitter.com/30ulGcqAOn
— ANI (@ANI) November 25, 2024
તેમણે કહ્યું કે આવતીકાલે દરેક વ્યક્તિ બંધારણના 75મા વર્ષની ઉજવણીની શરૂઆત કરશે. બંધારણના ઘડવૈયાઓએ બંધારણની રચના કરતી વખતે દરેક મુદ્દા પર ખૂબ વિગતવાર ચર્ચા કરી છે અને પછી આપણને આટલો સુંદર દસ્તાવેજ મળ્યો છે.આપણા બંધારણના મહત્વપૂર્ણ એકમો સંસદ અને આપણા સાંસદો છે. સંસદમાં તંદુરસ્ત ચર્ચા થવી જોઈએ, વધુને વધુ લોકોએ ચર્ચામાં યોગદાન આપવું જોઈએ.
કમનસીબે, કેટલાક લોકો મુઠ્ઠીભર લોકોની ગુંડાગીરીથી સતત તેમના રાજકીય હિતો માટે સંસદને નિયંત્રિત કરવાનો પ્રયાસ કરી રહ્યા છે. તેમનો પોતાનો હેતુ સફળ થતો નથી, પરંતુ દેશના લોકો તેમની બધી વર્તણૂક જૂએ છે અને જ્યારે સમય આવે છે, ત્યારે તેમને સજા પણ આપે છે.
આ પણ વાંચોઃ કોરોનાથી વધ્યો આ જીવલેણ રોગનો ખતરો, અભ્યાસમાં થયો ખુલાસો
