વિદાય સમયે રડવાને બદલે આ નવોઢાએ એવું તે શું કર્યું કે ફેમસ થઈ ગઈ? જુવો વીડિયો
HD News, 24 નવેમ્બર, 2024, ઈન્સ્ટાગ્રામ આજે ફેમસ થવા માટેનું એક મોટું મીડિયમ સાબિત થઈ રહ્યું છે. આ ઉપરાંત લોકપ્રિયતાની સાથે સાથે હવે તો ઈન્સ્ટાગ્રામ પર લોકો કમાણી પણ કરી શકે છે. સોશિયલ મીડિયાના જમાનામાં આજે લોકો ફેમસ થવા માટે અવનવા નુસખા અપનાવતા હોય છે. ત્યારે તાજેતરમાં દુલ્હનની વિદાઈનો એક વીડિયો વાયરલ થઈ રહ્યો છે. જેમાં છોકરી વિદાય સમયે રડવાને બદલે કંઈક રસપ્રદ કરતી જોવા મળી રહી છે. જેણે જોઈને યુઝર્સને નવાઈ લાગી રહી છે. અને અલગ અલગ પ્રતિક્રિયા આપી રહ્યા છે. આ રીલ ઇન્સ્ટાગ્રામ પર @flywiser1 નામના યુઝરે પોસ્ટ કરી છે. સમાચાર પ્રકાશિત થયા ત્યાં સુધી, આ વીડિયોને ૩૨ હજારથી વધુ વ્યૂઝ મળી ચૂક્યા છે.
View this post on Instagram
લગ્નનો દિવસ એ દરેક દીકરી માટે ખાસ હોય છે. લગ્નનો દિવસ એ દરેક કપલ માટે ખાસ હોય છે. છોકરીની વિદાય એ લગ્નની સૌથી હૃદયસ્પર્શી ક્ષણ છે. ક્યારેક તો લોકો અજાણ્યા દીકરીની લગ્નની વિદાય જોઈને પણ ભાવુક થઈને રડી પડતાં હોય છે. તે દરમિયાન કન્યાના પરિવારથી લઈને સંબંધીઓ અને ભાઈઓ સુધી દરેક ભાવુક થઈ જાય છે. પરંતુ ઈન્ટરનેટ પર વાઈરલ થયેલા એક વીડિયોમાં વિદાય સમયે આવી અનોખી વાત જોવા મળે છે. આ જોઈને પહેલા તો યુઝર્સને લાગે છે કે દુલ્હન રડી રહી હશે. પરંતુ પછીથી ક્લિપમાં, લોકોના ચહેરા ચમકી ઉઠે છે જ્યારે તેઓ જુએ છે કે શું થાય છે. વિદાય સમયે દુલ્હન કંઈક એવું કરે છે જેનાથી તેના પરિવારના સભ્યો પણ હસવા લાગે છે. કોમેન્ટ સેક્શનમાં યુઝર્સે પણ આ વીડિયો પર પોતાનો અભિપ્રાય આપ્યો છે.
જાણો વીડિયોમાં શું છે ?
ઇન્સ્ટાગ્રામ પર વાયરલ થઈ રહેલા આ વીડિયોમાં જોવા મળે છે કે, કન્યા વિદાય સમયે તેના પરિવારના સભ્યોને સૌથી પહેલા ગળે લગાવે છે. જેને જોઈને લાગે છે કે તે રડી રહી હશે. પરંતુ પછી બીજી જ ક્ષણે મરૂન રંગના લહેંગામાં સજ્જ દુલ્હન ડાન્સ કરવા લાગે છે. તેનો ડાન્સ એટલો જોરદાર અને જુસ્સાદાર છે કે નજીકમાં ઉભેલા પરિવારના સભ્યો પણ તેનો આનંદ લેતા જોવા મળે છે. દુલ્હન પોતે વિદાયની આ ક્ષણ માણી રહી છે. ડાન્સ દરમિયાન એક મહિલા પણ છોકરીના લહેંગાને એડજસ્ટ કરતી જોવા મળે છે. વિદાય સમયે દુલ્હન ડાન્સ કરીને પોતાની ખુશી વ્યક્ત કરવા માંગતી હતી. ઉપરાંત, તેણી તેના જીવનના આગલા પ્રકરણમાં આગળ વધવા માટે ખુશ લાગે છે. આ સાથે લગભગ 27 સેકન્ડની આ ક્લિપ પૂરી થાય છે.
આ પણ વાંચો….૨3 કરોડનો અનમોલ પાડો: દરરોજ ખાય છે ૨૦ ઈંડા અને ડ્રાયફ્રૂટ, જાણો તેની ખાસિયત
