કોઈ 7 સ્ટાર હોટલથી ઓછી નથી આ ગોલ્ડન ચૈરિયટ લગ્ઝરી ટ્રેન, જાણો ટ્રેક પર ક્યારે ઉતરશે?
HD ન્યૂઝ : ભારતીય રેલવે અને IRCTCની લક્ઝરી ટ્રેનોમાંની એક ગોલ્ડન ચૈરિયેટ લક્ઝરી ટ્રેન ફરી એકવાર પાટા પર ઉતરવા માટે તૈયાર છે. કર્ણાટકના સમૃદ્ધ સાંસ્કૃતિક વારસાને દર્શાવતી Golden Chariot Luxury Tourist Train આ વખતે 14મી ડિસેમ્બરે રવાના થઈ રહી છે. ટ્રેનમાં 13 ડબલ બેડ કેબિન, 26 ટ્વીન બેડ કેબિન અને 1 કેબિન વિકલાંગ ગેસ્ટ માટે છે. 40 કેબિનવાળી આ રોયલ ટ્રેનમાં 80 મુસાફરો મુસાફરી કરી શકશે.
કેબિન એર કન્ડીશનર અને Wi-Fi થી સજ્જ
આ ટ્રેનનું નામ ગોલ્ડન ચૈરિયેટ છે જેનો અર્થ થાય છે ગોલ્ડન રથ. મુસાફરોને શાહી અનુભૂતિ આપવા માટે, ટ્રેનની તમામ લક્ઝુરિયસ કેબિન એર કંડિશનર અને વાઇ-ફાઇથી સજ્જ છે. તમામ કેબિનમાં ગાદીવાળું ફર્નિચર, વૈભવી બાથરૂમ, આરામદાયક બેડ, વૈભવી ટીવી છે જ્યાં ઘણા OTTનો આનંદ લઈ શકાય છે. ટ્રેનમાં સલૂન માટે પણ ખાસ વ્યવસ્થા છે.
દેશી-વિદેશી વાનગીઓની ખાસ વ્યવસ્થા
ગોલ્ડન ચૈરિયટ લક્ઝરી ટ્રેનમાં દેશી-વિદેશી ભોજનની ખાસ વ્યવસ્થા કરવામાં આવી છે. જેના માટે રૂચી અને નાલપાક નામની બે મહાન રેસ્ટોરન્ટ છે. આ રેસ્ટોરાંમાં શાકાહારી અને માંસાહારી બંને પ્રકારની વાનગીઓ આંતરરાષ્ટ્રીય બ્રાન્ડની ક્રોકરી અને કટલરીમાં પીરસવામાં આવશે. આ સાથે બારમાં શ્રેષ્ઠ અને બ્રાન્ડેડ વાઈન, બિયર અને લિકર ઉપલબ્ધ છે.
મુસાફરોના સ્વાસ્થ્ય અને આરામદાયક મુસાફરી માટે, આ ગોલ્ડન ચૈરિેયેટ ટ્રેનમાં આરોગ્ય સ્પા પણ છે, જ્યાં સ્પા થેરાપી સહિત અનેક સ્પાનો આનંદ માણી શકાય છે. આટલું જ નહીં સ્વાસ્થ્યનું ધ્યાન રાખવા માટે એક હાઈટેક જિમ પણ છે જ્યાં વર્કઆઉટ કરવા માટે ખૂબ જ આધુનિક એક્સરસાઇઝ મશીનો છે. મહેમાનોને વધુ સારી સુરક્ષા પૂરી પાડવા માટે આખી ટ્રેન સીસીટીવી કેમેરા અને ફાયર એલાર્મ સિસ્ટમથી સજ્જ છે. આખી ટ્રેન કોઈ 7 સ્ટાર હોટલથી ઓછી નથી. લક્ઝરી ટ્રેનમાં 5 રાત અને 6 દિવસ પસાર કરવા માટે તમારે માત્ર 4,00,530 રૂપિયા અને 5% GST ચૂકવવો પડશે. જેમાં રહેઠાણ, ભોજન, આલ્કોહોલ, પ્રવેશ ટિકિટ, ગાઈડ વગેરેનો સમાવેશ થાય છે.
2024-25 માટે રૂટ
કર્ણાટકનું ગૌરવ (5 રાત/6 દિવસ) – બેંગલુરુ, બાંદીપુર, મૈસૂર, હલેબીડુ, ચિકમગલુર, હમ્પી, ગોવાથી શરૂ થઈને બેંગલુરુ સુધી.
દક્ષિણના રત્નો (5 રાત/6 દિવસ) – બેંગલુરુથી શરૂ કરીને મૈસૂર, કાંચીપુરમ, મહાબલીપુરમ, તંજાવુર, ચેટ્ટીનાડ, કોચીન, ચેરથલા અને પાછા બેંગલુરુ.
14 ડિસેમ્બર, 2024- કર્ણાટકનું ગૌરવ (5N/6D)
21 ડિસેમ્બર, 2024 – દક્ષિણના રત્નો (5 રાત/6 દિવસ)
4 જાન્યુઆરી, 2025- કર્ણાટકનું ગૌરવ (5N/6D)
ફેબ્રુઆરી 1, 2025 – કર્ણાટકનું ગૌરવ (5 રાત/6 દિવસ)
ફેબ્રુઆરી 15, 2025 – દક્ષિણના રત્નો (5 રાત/6 દિવસ)
1 માર્ચ, 2025- કર્ણાટકનું ગૌરવ (5 રાત/6 દિવસ)
આ પણ વાંચો : અદાણી કેસ પર વ્હાઇટ હાઉસનું નિવેદન, કહ્યું: ‘ અમારી નજર છે, પરંતુ બંને દેશો વચ્ચેના સંબંધો…’
