મહારાષ્ટ્રના પૂર્વ ગૃહમંત્રી અનિલ દેશમુખ ઉપર હુમલો : માથામાં ઈજા
- અનિલ દેશમુખ ચૂંટણી પ્રચાર કરી પરત આવતા હતા
- નાગપુર નજીક કાર ઉપર પથ્થરમારો કરાયો હતો
નાગપુર, 18 નવેમ્બર : મહારાષ્ટ્રના પૂર્વ ગૃહમંત્રી અનિલ દેશમુખ વિશે મોટા સમાચાર આવી રહ્યા છે કે તેમની કાર પર પથ્થરમારો કરવામાં આવ્યો છે અને આ હુમલામાં તેઓ ઘાયલ થયા છે. કહેવામાં આવી રહ્યું છે કે આ હુમલામાં અનિલ દેશમુખના માથામાં ઈજા થઈ છે.
હુમલા બાદ સોશિયલ મીડિયા પર કેટલીક તસવીરો અને વીડિયો વાયરલ થઈ રહ્યા છે. જેમાં અનિલ દેશમુખ પર થયેલો હુમલો કેટલો ખતરનાક છે તે જોઈ શકાય છે. તસવીરમાં સ્પષ્ટ દેખાઈ રહ્યું છે કે અનિલ દેશમુખ કારમાં ડ્રાઈવરની બાજુની સીટ પર બેઠેલા છે અને તેમની કારનો કાચ તૂટી ગયો છે.
મળતી માહિતી મુજબ અનિલ દેશમુખ ચૂંટણી પ્રચારમાંથી પરત ફરી રહ્યા હતા. મહારાષ્ટ્રમાં વિધાનસભા ચૂંટણી માટે મતદાન પહેલા પ્રચારનો આજે છેલ્લો દિવસ હતો. અનિલ દેશમુખ પર આ હુમલો નાગપુર નજીક થયો હતો.
સોશિયલ મીડિયા પર ઉપલબ્ધ કેટલીક તસવીરોમાં સ્પષ્ટ દેખાઈ રહ્યું છે કે અનિલ દેશમુખના માથામાંથી લોહી વહી રહ્યું છે અને કેટલાક લોકો તેને લઈ જઈ રહ્યા છે. આ સિવાય અન્ય એક તસવીરમાં તે કેટલાક લોકો સાથે બેઠો છે અને તેના માથા પર સફેદ રંગનો ટુવાલ બાંધેલો છે.
આ પણ વાંચો :- કચ્છની ધરા ધ્રુજી ઉઠી : 4.0ની તીવ્રતાનો ભૂકંપનો આંચકો નોંધાયો
