આરાધ્યાના જન્મદિન પર દાદી જયા ઉત્સાહિત, એશ્વર્યા સાથે કાપી કેક, શું છે આ વાયરલ વીડિયોનું સત્ય? જાણો
મુંબઈ, 18 નવેમ્બર: અભિષેક બચ્ચન અને ઐશ્વર્યા રાયના સંબંધો છેલ્લા કેટલાક મહિનાઓથી ચર્ચામાં છે. આ કપલના અલગ થવાની વાતો સતત ચાલી રહી છે, પરંતુ અભિષેક બચ્ચનથી લઈને સમગ્ર બચ્ચન પરિવાર અને ઐશ્વર્યા રાય આ મુદ્દે મૌન સેવી રહ્યા છે. એક સમયે બોલિવૂડનું પાવર કપલ કહેવાતા અભિષેક બચ્ચન અને ઐશ્વર્યા રાયનો હાલમાં એક વીડિયો વાયરલ થઈ રહ્યો છે જેમાં તેમની પુત્રી આરાધ્યા બચ્ચનના જન્મદિવસની ઉજવણી કરવામાં આવી રહી છે. આ વીડિયોમાં એક પાર્ટી થઈ રહી છે, જેમાં જયા બચ્ચન પણ ઉત્સાહિત જોવા મળી રહી છે, પરંતુ આ વીડિયો સાથે એક મોટો વિવાદ પણ જોડાયેલો છે.
જૂઓ અહીં વીડિયો
View this post on Instagram
આરાધ્યા માટે પરિવારનો પ્રેમ વીડિયોમાં દેખાઈ રહ્યો છે
આ વીડિયોમાં આરાધ્યા બચ્ચનની બર્થડે પાર્ટીનું સેલિબ્રેશન જોવા મળે છે. ઐશ્વર્યા બચ્ચન સફેદ ડ્રેસમાં જોવા મળી રહી છે. અભિષેક બચ્ચન પણ તેની પાછળ સફેદ હૂડીમાં ઉભો છે. ઐશ્વર્યા પોતાના હાથે કેક કાપી રહી છે. જયા બચ્ચન પણ તેની બાજુમાં વાદળી આઉટફિટમાં ઉભેલા જોવા મળે છે. આરાધ્યા પણ ફુલ વ્હાઇટ આઉટફિટમાં છે. માતા, પિતા અને પુત્રી, ત્રણેએ ટ્વિનિંગ કર્યું છે. ઐશ્વર્યા પોતાના હાથ વડે કેક પર મીણબત્તીઓ પ્રગટાવે છે અને પછી આરાધ્યા કેક કાપે છે. આખો પરિવાર એકસાથે ખૂબ જ ખુશ દેખાય છે. આ વીડિયો જોયા બાદ લોકો વિચારી રહ્યા છે કે, આ વીડિયો તાજેતરમાં જ થયેલા બર્થડે સેલિબ્રેશનનો છે, પરંતુ એવું નથી. આ વીડિયો ઘણા વર્ષો જૂનો છે, જ્યારે સમગ્ર બચ્ચન પરિવારે આરાધ્યાનો જન્મદિવસ એકસાથે સેલિબ્રેટ કર્યો હતો અને તેના વિશે કરવામાં આવી રહેલા દાવાઓ પણ ખોટા છે.
બચ્ચન પરિવારમાંથી માત્ર એક જ વ્યક્તિએ અભિનંદન પાઠવ્યા હતા
ઉલ્લેખનીય છે કે, આરાધ્યા બચ્ચનનો જન્મ 16 નવેમ્બર 2011ના રોજ થયો હતો. આવી સ્થિતિમાં, બે દિવસ પહેલા જ આરાધ્યા બચ્ચનનો જન્મદિવસ હતો, પરંતુ જન્મદિવસની ઉજવણીની કોઈ તસવીરો અને વીડિયો બહાર આવ્યા ન હતા. મોટી વાત એ છે કે, આ વખતે પિતા અભિષેકે પણ આરાધ્યા બચ્ચનને જન્મદિવસની શુભેચ્છા પાઠવી નથી. પાપા અભિષેક દર વર્ષે દીકરી આરાધ્યા માટે ખાસ પોસ્ટ શેર કરતા હતા, પરંતુ આ વખતે તેમનું સોશિયલ મીડિયા નિર્જન રહ્યું છે, જેના પર લોકો પ્રશ્ન કરી રહ્યા છે કે, તેમણે તેમની દીકરીને તેના જન્મદિવસ પર શા માટે શુભેચ્છા ન આપી. જો કે આ વખતે ઐશ્વર્યા રાયે પણ આરાધ્યા બચ્ચન માટે સોશિયલ મીડિયા પર કોઈ પોસ્ટ નથી કરી, પરંતુ અમિતાભ બચ્ચને ખૂબ જ સુંદર વીડિયો પોસ્ટ કરીને તેમની પૌત્રીને અભિનંદન પાઠવ્યા છે.
આ પણ જૂઓ: Pushpa 2: The Rule Trailer: અલ્લુ અર્જુનની ‘પુષ્પા 2’નું ટ્રેલર લોન્ચ, જુઓ VIDEO
