શું હિંમત, શું સંતુલન… 8 હજાર ફૂટ ઉંચાઈએ થયેલું પરાક્રમ કલ્પના બહારનું.. જૂઓ વીડિયો
નવી દિલ્હી, 17 નવેમ્બર : જર્મન સ્લેકલાઇન એથ્લેટ્સ ફ્રેડી કુએન અને લુકાસ ઇર્લ્મરે એક એવું પરાક્રમ કર્યું જેણે દરેકને તેમની હિંમત અને સંતુલનથી દંગ કરી દીધા હતા. બંનેએ 2,500 મીટર (8,202 ફીટ)ની ઉંચાઈએ બે હોટ એર બલૂન વચ્ચે બાંધેલી સ્લેકલાઈન પર ચાલીને પોતાનો જ વિશ્વ રેકોર્ડ તોડ્યો હતો. આ હાર્ટબીટ્સ થંભાવી દે તેવી ક્ષણ એક વીડિયોમાં કેદ કરવામાં આવી છે. જે ઈન્ટરનેટ પર વાયરલ થઈ રહી છે.
RECORD ⬇️Los funambulistas alemanes Lukas Irmler y Friedi Kuehne establecen un nuevo récord mundial atravesando una cuerda floja tendida a 2.500 metros de altura entre dos globos aerostáticos. 👍 pic.twitter.com/exOvLsBJog
— José Alvarez (@IngJoseAlvarez) November 14, 2024
વર્ષ 2021માં બ્રાઝિલમાં 1900 મીટરની ઉંચાઈએ સ્લેકલાઈન પર ચાલવાનો રેકોર્ડ બનાવનારા આ બંને એથ્લેટ્સ હવે 2500 મીટરની ઊંચાઈએ પહોંચી ગયા છે. ઇન્ટરનેશનલ સ્લેકલાઇન એસોસિએશને તેને સ્લેકલાઇનિંગ માટેનું સૌથી મોટું સ્થળ ગણાવ્યું છે.
આ ચેલેન્જમાં પવનની ઝડપ, ઊંચાઈનું દબાણ અને સંતુલન જાળવવા જેવી ઘણી મુશ્કેલીઓનો સામનો કરવો પડ્યો હતો. સ્લેકલાઈન બે મોટા હોટ એર બલૂન વચ્ચે બાંધેલી હતી અને તેમની વચ્ચે ક્રોસિંગ કરવું એ કોઈ ખતરનાક મિશનથી ઓછું ન હતું. ઉપર ખુલ્લું આકાશ અને નીચે અફાટ ઊંડાઈ – જો સંતુલન સહેજ પણ ખોરવાઈ ગયું હોત તો કોઈનો જીવ ગયો હોત.
જૂના રેકોર્ડના ધુરંધર
આ પહેલીવાર નથી જ્યારે ક્યુને અને ઇરલામર હેડલાઇન્સમાં આવ્યા હોય. અગાઉ વર્ષ 2019 માં ઇર્લમારે 2 કિલોમીટરનું અંતર કાપીને સૌથી લાંબી સ્લેકલાઇન વોક માટે વિશ્વ વિક્રમ સ્થાપ્યો હતો. 2017 માં ક્યુને સલામતીના માપદંડ વિના 250 મીટરની ઊંચાઈએ 110 મીટર લાંબી સ્લેકલાઈન પર ચાલીને તેની ક્ષમતા સાબિત કરી હતી.
સ્લેકલાઇનિંગ શું છે?
સ્લેકલાઇનિંગ એ એક રમત છે જેમાં બે બિંદુઓ વચ્ચે બાંધેલી ફ્લેટ વેબિંગ લાઇન પર ચાલવાનો સમાવેશ થાય છે. આ રમત અદ્ભુત સંતુલન, શક્તિ અને ધ્યાનની માંગ કરે છે. આ સિદ્ધિ પછી, ક્યુને કહ્યું કે તેનું આગામી સ્વપ્ન સ્લેકલાઇનથી સ્કાયડાઇવિંગ કરવાનું છે. તેણે કહ્યું, ‘આ અમારો અત્યાર સુધીનો સૌથી ક્રેઝી રેકોર્ડ છે!’
આ પણ વાંચો :- ગુજરાતના ખેડૂતો માટે વધુ એક સારા સમાચાર, પાક સંગ્રહ સ્ટ્રક્ચરની સહાયમાં વધારો
