ધનુષે 10 કરોડનો કેસ કરતા, નયનતારાએ કહ્યું, આટલા નીચે ઉતરી ગયા!
- એક્ટર ધનુષે ડોક્યુમેન્ટ્રીને લઈને નયનતારા અને મેકર્સ વિરુદ્ધ 10 કરોડ રૂપિયાનો કોપીરાઈટ કેસ દાખલ કર્યો છે. હવે નયનતારાએ ધનુષ પર પોતાનો ગુસ્સો ઠાલવ્યો છે
16 નવેમ્બર, ચેન્નઈઃ સાઉથ ઈન્ડસ્ટ્રીની સૌથી લોકપ્રિય અભિનેત્રી નયનતારાની લાઈફ અને કરિયર પર બનેલી ડોક્યુમેન્ટ્રી ‘નયનતારા: બિયોન્ડ ધ ફેરી ટેલ’ 15 નવેમ્બરના રોજ નેટફ્લિક્સ પર રિલીઝ કરવામાં આવી છે. નયનતારા તેને લઈને ચર્ચામાં આવી છે. એક્ટર ધનુષે ડોક્યુમેન્ટ્રીને લઈને નયનતારા અને મેકર્સ વિરુદ્ધ 10 કરોડ રૂપિયાનો કોપીરાઈટ કેસ દાખલ કર્યો છે. હવે નયનતારાએ ધનુષ પર પોતાનો ગુસ્સો ઠાલવ્યો છે.
ફિલ્મનો સીન લેવા પર વિવાદ
નયનતારાની ડોક્યુમેન્ટ્રીમાં ફિલ્મ ‘નાનુમ રાઉડી ધાન’ની 3 સેકન્ડની ક્લિપનો ઉપયોગ કરવામાં આવ્યો છે. આ ફિલ્મમાં ધનુષ લીડ રોલમાં હતો. અભિનેતા એ વાતે નારાજ થયો હતો કે ફિલ્મના દ્રશ્યોને ડોક્યુમેન્ટરીમાં સામેલ ન કરવા જોઈએ. હવે તેણે અભિનેત્રીને 10 કરોડ રૂપિયાના કોપીરાઈટની લીગલ નોટિસ મોકલી છે. સોશિયલ મીડિયા પર નોટ શેર કરતી વખતે નયનતારાએ ધનુષની ખૂબ ટીકા કરી છે.
નયનતારાએ લખ્યું છે કે, “તમારા જેવા સ્થાપિત અભિનેતા જે પિતા અને ભાઈના એક મોટા સ્ટાર છે, તેમણે એ સમજવાની જરૂર છે કે મારા જેવા લોકો સિનેમામાં અસ્તિત્વની લડાઈ લડી રહ્યા છે. એક સેલ્ફ મેડ વુમન પાસે કંઈ જ નહોતું. ફિલ્મ ઈન્ડસ્ટ્રી સાથે સંબંધ ન હોવા છતાં આજે હું જે સ્થાન પર છું ત્યાં સુધી પહોંચવા માટે મારે સખત સંઘર્ષ કરવો પડ્યો છે
મારા ચાહકો મારું કામ જાણે છે અને મારી ડોક્યુમેન્ટરીની રાહ જોઈ રહ્યા છે, પરંતુ તેની રિલીઝમાં અવરોધોએ ટીમ પર પ્રતિકૂળ અસર કરી છે. તમારા વલણથી માત્ર મને અને મારા પાર્ટનરને જ નહીં, પરંતુ આ પ્રોજેક્ટ માટે સખત મહેનત કરનારા લોકોને પણ દુઃખ થયું છે.
નયનતારાએ પોસ્ટમાં આગળ લખ્યું છે કે, તમે મને એનઓસી માટે બે વર્ષ સુધી અટકાવીને રાખી, તેથી હવે અમે તેને ફરીથી એડિટ કરીશું, 3 સેકન્ડના વિઝ્યુઅલ માટે 10 કરોડ રૂપિયાની કાનૂની નોટિસનો નિર્ણય હવે કોર્ટમાં લેવામાં આવશે અને તમારી નોટિસનો કાયદેસર રીતે જવાબ આપવામાં આવશે. જો તમે પૈસા માટે કેસ કર્યો હોત તો તે સમજી શકાય તેવું હતું, પરંતુ આ અત્યાર સુધીનું સૌથી નીચું સ્તર છે. તે તમારા કેરેક્ટર વિશે ઘણું કહી જાય છે. આ ઉપરાંત અભિનેત્રીએ ધનુષને ઈર્ષ્યાળુ અને ઘમંડી ગણાવ્યો હતો. અભિનેત્રીએ એવો પણ આક્ષેપ કર્યો હતો કે ધનુષ અને તેની ટીમે તેની ડોક્યુમેન્ટ્રીને લાંબા સમય સુધી રોકી રાખી હતી અને બિનજરૂરી રીતે ફિલ્મમાંથી ગીતના દ્રશ્યો લેવાની ના પાડી હતી. અત્યાર સુધી ધનુષ તરફથી આ પોસ્ટ પર કોઈ પ્રતિક્રિયા સામે આવી નથી.
આ પણ વાંચોઃ પલક તિવારી-ઈબ્રાહિમ ખાનની રિલેશનશીપ કન્ફર્મ: માલદીવ વેકેશનની તસવીરો જોઈ ચાહકોએ કહી આ વાત
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
