વાયનાડનું પરિણામ આવે તે પહેલા જ રાહુલ ગાંધીએ પ્રિયંકાને આ ‘ટાસ્ક’ આપ્યો, શેર કર્યો VIDEO
વાયનાડ, 13 નવેમ્બર: કોંગ્રેસ સાંસદ રાહુલ ગાંધી(Congress MP Rahul Gandhi)એ પ્રિયંકા ગાંધી(Priyanka Gandhi)ને ભૂસ્ખલનથી પ્રભાવિત વાયનાડને શ્રેષ્ઠ પ્રવાસન સ્થળ બનાવવા માટે પડકાર આપ્યો છે. કોંગ્રેસ નેતાએ બુધવારે તેમની યુટ્યુબ ચેનલ પર એક વીડિયો શેર કર્યો હતો, જેમાં તે કેરળની સૌથી લાંબી ઝિપલાઈન પર સવારી કરતા જોવા મળ્યા હતા. આ વર્ષે જુલાઈમાં કેરળના મેપ્પડીના ચૂરમાલામાં ભૂસ્ખલન અને પૂર આવ્યું હતું.
આ કુદરતી આફતમાં 200 થી વધુ લોકોના મોત થયા હતા અને મોટા પાયે નુકસાન થયું હતું. હવે ધીમે ધીમે લોકો આ તબાહીમાંથી આગળ વધી રહ્યા છે અને સ્થિતિ સામાન્ય બની રહી છે. આજે વાયનાડમાં પેટાચૂંટણી છે. અહીંના પરિણામો 23 નવેમ્બરે જાહેર કરવામાં આવશે. કોંગ્રેસના ઉમેદવાર પ્રિયંકા ગાંધી પહેલીવાર ચૂંટણી લડી રહ્યા છે, તેઓ ભાજપના ઉમેદવાર નવ્યા હરિદાસ અને એલડીએફના ઉમેદવાર સત્યન મોકેરી સામે લડી રહ્યા છે.
સોશિયલ મીડિયા પર વીડીયો વાયરલ
મંગળવારે રાહુલ ગાંધી, પ્રિયંકા ગાંધી સહિત કોંગ્રેસના કાર્યકરોએ કરપુઝા ડેમ સાઇટ પર સ્થિત ઝિપલાઇનની મુલાકાત લીધી હતી. અહીં તે ઝિપલાઈનમાં કામ કરતા લોકોને મળ્યા હતા. આ વિસ્તારના દુકાનદારો અને હોટલ સંચાલકો સાથે વાત કરી. તેનો વીડિયો સોશિયલ મીડિયા પર વાયરલ થઈ રહ્યો છે.
પૂર પછી પણ લોકોએ હાર ન માની
વાયરલ વીડિયોમાં રાહુલ ગાંધીએ કહ્યું કે વાયનાડમાં પ્રિયંકાના ચૂંટણી પ્રચાર દરમિયાન મને કેટલાક ખરેખર પ્રેરણાદાયી સ્થાનિક લોકો સાથે જોડાવાની તક મળી. તેમણે કહ્યું કે તાજેતરના પડકારો છતાં, સ્થાનિક લોકોએ હાર માની નથી, તેઓ આગળ વધવા માટે અવિશ્વસનીય આત્મવિશ્વાસ ધરાવે છે.
વાયનાડને શ્રેષ્ઠ પ્રવાસન સ્થળ બનાવવું પડશે
વીડિયોમાં રાહુલ ગાંધી સ્થાનિક લોકો સાથે વાત કરતા પણ જોવા મળ્યા હતા અને કહ્યું હતું કે વાયનાડમાં કોઈ સમસ્યા નથી. ભૂસ્ખલન એક કુદરતી ઘટના હતી, તેથી પ્રવાસનને નુકસાન ન થવું જોઈએ. તેમણે પ્રિયંકા ગાંધીને વાયનાડને પ્રવાસન સ્થળ બનાવવાની જવાબદારી સોંપી હતી.
આ પણ વાંચો : 2 રૂપિયાના શેરમાં વિદેશી રોકાણકારોને પડ્યો રસ, ભાવ પહોંચ્યો આસમાને, શું છે તમારી પાસે?
આ 3 બેંકમાં રાખેલા પૈસા ક્યારેય ડૂબશે નહીં, રિઝર્વ બેંક પણ તેને સૌથી સુરક્ષિત ગણે છે
કમાવવાની તક…!/ BlackBuck IPO આ તારીખે આવી રહ્યો છે, જાણો તેના વિષે વિગતે
₹2000ની નોટ: RBIએ કરી નવી જાહેરાત, જાણો શું છે ખાસ?
જાણો Honda Activa EV ની કિંમત અને રેન્જ, કઈ તારીખે થશે લોન્ચ?
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
