મોંઘા પોપકોર્ન લેવાથી બચવા માટે છોકરીએ કર્યો અદ્ભૂત જુગાડ: લોકોએ આપી આવી પ્રતિક્રિયા, જૂઓ વીડિયો
- જ્યારે પણ લોકો પૈસા બચાવવાનું ઈચ્છે છે, ત્યારે તેમનું ધ્યાન જુગાડ તરફ જ જાય છે
HD ન્યૂઝ ડેસ્ક, 13 નવેમ્બર: આપણા દેશમાં જુગાડુ લોકોની કમી નથી. જ્યારે પણ લોકો પૈસા બચાવવાનું ઈચ્છે છે ત્યારે તેમનું ધ્યાન જુગાડ તરફ જ જાય છે. ઘણા લોકો જુગાડમાં એટલા એક્સપર્ટ હોય છે કે, અન્ય લોકો પણ તે જુગાડ જોઈને આશ્ચર્યચકિત થઈ જાય છે. ઘણી વખત લોકો તેમના જુગાડનો વીડિયો બનાવીને સોશિયલ મીડિયા પર પોસ્ટ કરે છે અને કેટલાક જુગાડવાળા વીડિયો સોશિયલ મીડિયા પર વાયરલ પણ થાય છે. હાલમાં જ સોશિયલ મીડિયા પર આવો જ એક વીડિયો જોવા મળી રહ્યો છે. સિનેમા હોલમાંથી મોંઘા પોપકોર્ન ખરીદવા ન પડે તે માટે છોકરીએ એક અદ્ભુત ઉપાય શોધી કાઢ્યો. જેનો વીડિયો બનાવીને તેણીએ પોસ્ટ કર્યો, જેને જોયા બાદ લોકોએ અલગ-અલગ પ્રતિક્રિયાઓ આપી છે.
જૂઓ અહીં આ વાયરલ વીડિયો
View this post on Instagram
છોકરીએ અદ્ભુત ઉપાય કર્યો
સોશિયલ મીડિયા પર વાયરલ થઈ રહેલા વીડિયોમાં પોપકોર્ન જુગાડ જોવા મળ્યો હતો. વીડિયોમાં જોવા મળે છે કે, એક છોકરી સૌથી પહેલા પોતાના ઘરે પોપકોર્ન બનાવે છે. આ સિવાય તે પોતાના ઘરમાં પડેલા જૂતાના બોક્સને પણ સાફ કરે છે. આ પછી, તે બોક્સમાં ટિશ્યુ પેપર ફેલાવે છે, તેના પર પોપકોર્ન રાખે છે, તેમાં કોક પણ રાખે છે અને પછી તેને બંધ કરે છે. આ પછી, છોકરી બોક્સને બેગમાં મૂકીને મૂવી જોવા જાય છે. આગળ વીડિયોમાં જોવા મળે છે કે, તે સિનેમા હોલમાં બેસીને આ જ પોપકોર્ન ખાય છે.
આ વીડિયોને payallogy નામના એકાઉન્ટ દ્વારા ઇન્સ્ટાગ્રામ પર પોસ્ટ કરવામાં આવ્યો હતો. અત્યાર સુધીમાં આ વીડિયોને 10 લાખથી વધુ લોકોએ લાઈક કર્યો છે. વીડિયો જોયા બાદ ઘણા લોકોએ તેના પર પ્રતિક્રિયા આપી છે અને પોતાના વિચારો વ્યક્ત કર્યા છે. એક યુઝરે લખ્યું કે, “આ ખૂબ જ અનહાઇજેનિક છે.” અન્ય એક યુઝરે લખ્યું કે, “આજે મને મારા બુટનું બોક્સ ફેંકી દેવાનો અફસોસ થઈ રહ્યો છે.” ત્રીજા યુઝરે લખ્યું કે, “આ મેં જોયેલી અત્યાર સુધીની સૌથી મૂર્ખ વસ્તુ છે.” જ્યારે એક યુઝરે મજાકિયા અંદાજમાં લખ્યું કે, “આ ખૂબ જ ખોટું છે, તમે તેમની સાથે છેતરપિંડી કરી રહ્યા છો, શું આ ટ્રિક એડિડાસના જૂતાના બોક્સ સાથે પણ કામ કરશે.“
આ પણ જૂઓ: દીકરાનો પિતા સાથે અદ્ભૂત ડાન્સ! જોઈને લોકો થઈ ગયા ભાવુક, જૂઓ વીડિયો
