દીકરાનો પિતા સાથે અદ્ભૂત ડાન્સ! જોઈને લોકો થઈ ગયા ભાવુક, જૂઓ વીડિયો
- બાળકો જ્યારે તેમનો પિતા પ્રત્યેનો પ્રેમ વ્યક્ત કરે છે ત્યારે પિતા ઘણીવાર લાગણીશીલ બની જાય છે
HD ન્યૂઝ ડેસ્ક, 12 નવેમ્બર: પિતા અને પુત્રનો સંબંધ ખૂબ જ ખાસ હોય છે. પિતા પોતાનો પ્રેમ બતાવતા નથી. પરંતુ તે પોતાના બાળકો માટે ઘણું કરે છે. પરંતુ જ્યારે બાળકો તેમનો પ્રેમ વ્યક્ત કરે છે ત્યારે પિતા ઘણીવાર લાગણીશીલ બની જાય છે. હાલમાં જ એક છોકરાએ ડાન્સ દ્વારા તેના પિતા પ્રત્યેનો પ્રેમ વ્યક્ત કર્યો છે. એનિમલ ફિલ્મના ગીત ‘યુ હી રોને નહીં દુંગા’ પર પુત્રએ પિતા માટે એવી રીતે ડાન્સ કર્યો કે લોકો તેને જોતાં જ રહી ગયા. હકીકતમાં, પુત્રએ તેના લગ્નમાં તેના પિતા માટે એવો ડાન્સ કર્યો કે, દરેકની આંખોમાં આંસુ આવી ગયા. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેના પર લોકો ઘણી કોમેન્ટ કરીને પોતાનો પ્રેમ વરસાવી રહ્યા છે.
અહીં જૂઓ વીડિયો
View this post on Instagram
વીડિયો થયો વાયરલ
સોશિયલ મીડિયા પર વાયરલ થઈ રહેલા આ વીડિયોમાં કુર્તા પાયજામા પહેરેલો એક છોકરો ડાન્સ કરતો જોવા મળી રહ્યો છે. વીડિયોમાં જોઈ શકાય છે કે, છોકરાના પિતા પણ તેની સાથે ડાન્સ ફ્લોર પર ઉભા છે. પરંતુ તેના ચહેરા પરથી સ્પષ્ટ દેખાય છે કે તે કેટલો ભાવુક બની રહ્યો છે. વીડિયોમાં વાગતું આ ગીત ઘણા લોકોનું ફેવરિટ છે, જેને મોટાભાગના લોકો તેમના માતા-પિતાને ઘણી વખત સમર્પિત પણ કરે છે. જે લોકોએ આ વીડિયો જોયો છે તેઓ તેના પર ઘણી કોમેન્ટ કરી રહ્યા છે. કેટલાક લોકો એવા છે જે કહેતા દેખાયા કે, લગ્ન પછી બદલાશો નહીં.
પ્રતિક્રિયાઓ થઈ વાયરલ
ડાન્સ વીડિયો પર લોકો ઘણી કોમેન્ટ કરી રહ્યા છે. એક યુઝરે લખ્યું કે, “જો અમે અમારા પિતા સાથે આવો ડાન્સ કર્યો હોત તો અમને 5થી 7 થપ્પડ પડ્યા હોત.” જ્યારે બીજાએ લખ્યું કે, “જો દીકરો આટલું કરે દે તો પિતા તેના થાકને દૂર કરીને પરિવાર માટે બમણી મહેનત કરે છે.” જ્યારે ત્રીજા યુઝરે લખ્યું કે, “મને આશા છે ભાઈ, લગ્ન પછી પણ પિતા માટે આવો જ પ્રેમ અને આદર રહેશે, ભગવાન તમારું ભલું કરે.” ઉલ્લેખનીય છે કે, આ ગીત રણબીર કપૂરની ફિલ્મ એનિમલનું છે, જેમાં રણબીર સાથે રશ્મિકા મંદન્ના લીડ રોલમાં જોવા મળી રહી છે. આ ફિલ્મમાં અનિલ કપૂરે તેના પિતાની ભૂમિકા ભજવી હતી.
