અંકલેશ્વર: ONGCના તત્કાલીન મેનેજરને CBI કોર્ટે 25 લાખનો દંડ અને 3 વર્ષ કેદની સજા ફટકારી

અંકલેશ્વર, તા.12 નવેમ્બરઃ અંકલેશ્વરમાં ઓએનજીસીના તત્કાલીન મેનેજર(એફ એન્ડ એ)ને અપ્રમાણસર સંપત્તિના કેસમાં 25 લાખ રૂપિયાના દંડ સાથે 03 વર્ષની સખત કેદની સીબીઆઈની નિયુક્ત અદાલતે સજા ફટકારી હતી.

અમદવાદમાં સીબીઆઈ કેસો માટેના વિશેષ ન્યાયાધીશે તત્કાલીન મેનેજર કિશનરામ હીરાલાલ સોનકર, F&A, ONGC અંકલેશ્વર એસેટને અપ્રમાણસર સંપત્તિના કબજા સાથે સંબંધિત કેસમાં 03 વર્ષની સખત કેદ) સાથે રૂ. 25 લાખના દંડની સજા ફટકારી હતી.

સીબીઆઈએ 29.06.2006 ના રોજ આરોપી કિશનરામ હીરાલાલ સોનકર વિરુદ્ધ 01.10.2002 થી  21.06.2006ના સમયગાળા દરમિયાન સંપત્તિની ઉચાપત કરી હોવાના આરોપો પર તાત્કાલિક કેસ નોંધ્યો હતો. તેમની આવકનો સ્ત્રોત રૂ. 14,11,310 હતો, જે તેની જાણીતી આવકના સ્ત્રોત કરતાં 84% વધુ હતી. તપાસ પૂર્ણ થયા બાદ, CBI દ્વારા 24.01.2008 ના રોજ તત્કાલીન મેનેજર સામે 2215609  રૂપિયાની મિલકતો બનાવવા બદલ ચાર્જશીટ દાખલ કરવામાં આવી હતી. જે તેની આવકના જાણીતા સ્ત્રોત કરતાં 62% વધારે છે.  ટ્રાયલ બાદ કોર્ટે આરોપીને દોષિત ઠેરવ્યો હતો અને તે મુજબ તેને સજા ફટકારી હતી.

આ પણ વાંચોઃ

USA: ડોનાલ્ડ ટ્રમ્પે રાષ્ટ્રીય સુરક્ષા સલાહકાર તરીકે કોની વરણી કરી? જાણો કોણ છે