‘પુષ્પા 2’માં સામંથા નહિ, આ અભિનેત્રી લગાવશે આઈટમ સોંગનો તડકો
- ચાહકોના ઉત્સાહને બમણો કરતા નિર્માતાઓએ ફિલ્મમાં અન્ય અભિનેત્રીની એન્ટ્રીની જાહેરાત કરી છે, પરંતુ આ અભિનેત્રી ‘પુષ્પા 2’માં તેના આઈટમ સોંગ માટે હશે
HD ન્યુઝ ડેસ્કઃ ‘પુષ્પા 2’, આ વર્ષની મચ અવેઈટેડ ફિલ્મોમાંની એક છે. ટૂંક સમયમાં રિલીઝ માટે તૈયાર છે. અલ્લુ અર્જુન અને રશ્મિકા મંદાના સ્ટારર ‘પુષ્પાઃ ધ રાઇઝ’ (2021) પછી હવે બંને ફરી એકવાર તેની સિક્વલમાં આગળની વાર્તા કહેતા જોવા મળશે. ફિલ્મને લઈને ચાહકોમાં પહેલેથી જ ભારે ઉત્તેજના છે. આ દરમિયાન ચાહકોના ઉત્સાહને બમણો કરતા નિર્માતાઓએ ફિલ્મમાં અન્ય અભિનેત્રીની એન્ટ્રીની જાહેરાત કરી છે, પરંતુ આ અભિનેત્રી ‘પુષ્પા 2’માં તેના આઈટમ સોંગ માટે હશે.
બનશે ડાન્સિંગ ક્વીન
આ અભિનેત્રી બીજી કોઈ નહીં, પરંતુ દક્ષિણ સિનેમાની લોકપ્રિય અભિનેત્રી શ્રીલીલા છે, જે ‘પુષ્પા 2: ધ રૂલ’માં એક સ્પેશિયલ સોંગ દ્વારા દર્શકોનું દિલ જીતવાની છે . જે રીતે સામંથા રૂથ પ્રભુએ ‘ઓમ અંટવાં…’ ગીતથી ‘પુષ્પા’માં હલચલ મચાવી હતી, તે જ રીતે શ્રીલીલા તેની સિક્વલમાં તેના આઈટમ સોંગ દ્વારા હલચલ મચાવશે. આ ગીતને પ્રખ્યાત કોરિયોગ્રાફર ગણેશ આચાર્યએ કોરિયોગ્રાફ કર્યું છે.
Team #Pushpa2TheRule welcomes The Dancing Queen @sreeleela14 on board for the #Kissik Song of the Year❤🔥
This song is going to be a dance feast and a musical delight 💥💥💥
GRAND RELEASE WORLDWIDE ON 5th DECEMBER, 2024.#Pushpa2TheRuleOnDec5th
Icon Star @alluarjun… pic.twitter.com/liaIZQCL3s
— Pushpa (@PushpaMovie) November 10, 2024
નિર્માતાઓએ ‘પુષ્પા 2’માં શ્રીલીલાના ડાન્સ નંબરની જાહેરાત કરીને ચાહકોનું એક્સાઈટમેન્ટ વધારી દીધું છે. આ સાથે તેમણે અભિનેત્રીનું એક પોસ્ટર પણ જાહેર કર્યું છે જેમાં તે આઈટમ સોંગના સિગ્નેચર સ્ટેપમાં જોવા મળી રહી છે. ફિલ્મમાં શ્રીલીલાના ગીતની જાહેરાત કરતી વખતે, નિર્માતાઓએ કહ્યું છે કે આ ગીત આ વર્ષનું એક જોરદાર હિટ ડાન્સ નંબર હશે. અત્યારે તો એ સ્પષ્ટ છે કે અભિનેત્રી ફિલ્મમાં જોરદાર ડાન્સ કરીને ચાહકોના દિલ જીતવા જઈ રહી છે, પરંતુ તેને સામંથા જેટલી હાઈપ મળશે કે નહીં તે તો ગીત રિલીઝ થયા પછી જ ખબર પડશે.
નિર્માતાઓ ટૂંક સમયમાં પુષ્પા 2 ના ટ્રેલરની પણ જાહેરાત કરવા જઈ રહ્યા છે. આ ફિલ્મ 5 ડિસેમ્બર, 2024ના રોજ વિશ્વભરના થિયેટર્સમાં રિલીઝ થશે. ફિલ્મમાં અલ્લુ અર્જુન ઉપરાંત રશ્મિકા મંદાના, ફહાદ ફાસિલ પણ મહત્ત્વની ભૂમિકામાં જોવા મળશે.
આ પણ વાંચોઃ ‘શક્તિમાન’ બનીને ફરી ધૂમ મચાવશે મુકેશ ખન્ના: સુપરહીરોની પહેલી ઝલક રિલીઝ, જૂઓ વીડિયો
