ભારતીય ટીમની પ્રથમ બેચ ઓસ્ટ્રેલિયા જવા રવાના, વીડિયોમાં જૂઓ કોણ કોણ ગયું

• બોર્ડર-ગાવસ્કર ટ્રોફીમાં પ્રથમ ટેસ્ટ મેચ 22 નવેમ્બરે પર્થના મેદાન પર રમાશે

મુંબઈ, 11 નવેમ્બર: નવેમ્બરથી ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફી રમાશે. બધા ચાહકો આની આતુરતાથી રાહ જોઈ રહ્યા છે. આવું પહેલીવાર બની રહ્યું છે કે બોર્ડર-ગાવસ્કર ટ્રોફીમાં પાંચ ટેસ્ટ મેચની સિરીઝ રમાશે. ભારતીય ટીમ છેલ્લી ચાર વખત ઓસ્ટ્રેલિયા સામે બોર્ડર-ગાવસ્કર ટ્રોફી જીતી ચુકી છે. પરંતુ આ વખતે ભારતીય ટીમ માટે ત્યાં જીત મેળવવી આસાન દેખાઈ રહી નથી, કારણ કે ભારતીય ટીમને તેના હોમ ગ્રાઉન્ડ પર ન્યૂઝીલેન્ડ સામે 3-0થી ક્લીયર સ્વીપનો સામનો કરવો પડ્યો હતો. ઓસ્ટ્રેલિયા પ્રવાસ માટે ટીમ ઈન્ડિયા ત્યાં બે બેચમાં જશે. આ માટે ટીમની પ્રથમ બેચ 10 નવેમ્બરે મુંબઈ એરપોર્ટથી ઓસ્ટ્રેલિયા જવા રવાના થઈ ગઈ હતી. તેનો વીડિયો બહાર આવ્યો છે.

જૂઓ વીડિયો

#WATCH | Indian Cricket Team leaves for Australia from Mumbai Airport.

The Indian team will face Australia for the Border-Gavaskar Trophy later this month, from November 22 onwards. pic.twitter.com/CwjZVrdl4U

— ANI (@ANI) November 10, 2024

મોહમ્મદ સિરાજ અને જયસ્વાલ ઓસ્ટ્રેલિયા જવા થયા રવાના 

આકાશદીપ, મોહમ્મદ સિરાજ, વોશિંગ્ટન સુંદર, યશસ્વી જયસ્વાલ, શુભમન ગિલ પ્રથમ બેચમાં ઓસ્ટ્રેલિયા જવા રવાના થયા છે. સિરાજ એરપોર્ટ પર બધા સાથે હાથ મિલાવતો જોવા મળે છે. જયસ્વાલ ચાહકોને ઓટોગ્રાફ આપતા જોવા મળ્યા હતા. આ ખેલાડીઓની સાથે ભારતીય ટીમના સહાયક કોચ અભિષેક નાયર પણ હતા. બીજી બેચમાં મુખ્ય કોચ ગૌતમ ગંભીર અને સુપરસ્ટાર બેટ્સમેન વિરાટ કોહલી જેવા ખેલાડીઓ ઓસ્ટ્રેલિયા જવા રવાના થશે.

WTC ફાઈનલ માટે ટેસ્ટ સિરીઝ ખૂબ મહત્ત્વની છે

ઓસ્ટ્રેલિયા સામેની શ્રેણી ટીમ ઈન્ડિયા માટે ઘણી મહત્ત્વની છે, કારણ કે આ પહેલા જ વર્લ્ડ ટેસ્ટ ચેમ્પિયનશિપની ફાઇનલમાં જવાનો રસ્તો ખુલી જશે. ભારતીય ટીમ પોઈન્ટ ટેબલમાં બીજા સ્થાને છે. ટીમે અત્યાર સુધીમાં 14 મેચ રમી છે, જેમાંથી તેણે 8મા જીત મેળવી છે અને તેનું PCT 58.330 છે. હવે તેને ફાઇનલમાં પહોંચવા માટે બોર્ડર-ગાવસ્કર ટ્રોફીમાં ઓછામાં ઓછી 4 મેચ જીતવી પડશે, જે બિલકુલ આસાન નથી લાગતું.

બોર્ડર-ગાવસ્કર ટ્રોફી માટે ભારતીય ટીમની જાહેરાત થઈ ચૂકી છે, પરંતુ કેપ્ટન રોહિત શર્માના પ્રથમ ટેસ્ટ મેચમાં રમવા પર શંકા છે. બીજી તરફ ઓસ્ટ્રેલિયાએ અત્યાર સુધી માત્ર પ્રથમ ટેસ્ટ મેચ માટે જ ટીમની જાહેરાત કરી છે.

બોર્ડર-ગાવસ્કર શ્રેણી માટે ભારતીય ટીમ:

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), રવિચંદ્રન અશ્વિન, મોહમ્મદ શમી, અભિમન્યુ ઈશ્વરન, શુભમન ગિલ, રવિન્દ્ર જાડેજા, યશસ્વી જયસ્વાલ, ધ્રુવ જુરેલ (વિકેટકીપર), સરફરાઝ ખાન, વિરાટ કોહલી, પ્રસિદ્ધ કૃષ્ણા, ઋષભ પંત (વિકેટકીપર), કે.એલ.રાહુલ, હર્ષિત રાણા, નીતિશ કુમાર રેડ્ડી, મોહમ્મદ સિરાજ, વોશિંગ્ટન સુંદર.

ભારત અને ઓસ્ટ્રેલિયા વચ્ચેની પ્રથમ ટેસ્ટ મેચ માટેની સ્કવોડ:

• પ્રથમ ટેસ્ટઃ 22-26 નવેમ્બરઃ પર્થ
• બીજી ટેસ્ટ: 6-10 ડિસેમ્બર: એડિલેડ
• ત્રીજી ટેસ્ટ: 14-18 ડિસેમ્બર: બ્રિસ્બેન
• ચોથી ટેસ્ટ: 26-30 ડિસેમ્બર: મેલબર્ન
• પાંચમી ટેસ્ટ: 3-7 જાન્યુઆરી: સિડન

આ પણ જૂઓ: બોર્ડર-ગાવસ્કર ટ્રોફી પહેલા ગૌતમ ગંભીરે આપ્યા તમામ પ્રશ્નોના જવાબ: રોહિત વિશે ખોલ્યું રહસ્ય, જાણો