પાકિસ્તાનના બલૂચિસ્તાનમાં રેલવે સ્ટેશન પર બોમ્બ વિસ્ફોટ, 20થી વધુ લોકો માર્યા ગયા

• ટ્રેન પ્લેટફોર્મ પર પહોંચે તે પહેલા જ રેલવે સ્ટેશનની બુકિંગ ઓફિસમાં બ્લાસ્ટ થયો

બલૂચિસ્તાન, 9 નવેમ્બર: પાકિસ્તાનના અશાંત પ્રાંત બલૂચિસ્તાનમાં જોરદાર બોમ્બ બ્લાસ્ટ થયાની માહિતી બહાર આવી રહી છે. આ ઘટનામાં ઓછામાં ઓછા 20 લોકોના મૃત્યુ થયા છે. જ્યારે 30થી વધુ લોકો ઘાયલ થયા છે. આ બોમ્બ બ્લાસ્ટ બલૂચિસ્તાનના ક્વેટા રેલવે સ્ટેશન પાસે થયો હતો. અહેવાલો મુજબ, ટ્રેન પ્લેટફોર્મ પર પહોંચે તે પહેલા જ રેલવે સ્ટેશનની બુકિંગ ઓફિસમાં બ્લાસ્ટ થયો હતો. બ્લાસ્ટ સમયે સ્ટેશન પર ભીડ સામાન્ય હતી. આમ છતાં વધુ જાનહાનિનો ખતરો છે.

#BREAKING 21 killed and over 30 injured in a bomb blast at #QuettaRailwayStation in #Balochistan #BalochLiberationArmy claims responsibility for the attack on #Pakistan #Army’s unit while they were in Jaffer Express Train. Casualties likely to increase pic.twitter.com/2J1uSHa9Rd

— Online24x7 (@ComOnline24x7) November 9, 2024

વિસ્ફોટમાં મૃત્યુઆંક વધી શકે છે

વિસ્ફોટની માહિતી મળતા જ પોલીસ અને બચાવકર્મીઓ વિસ્ફોટના સ્થળે પહોંચી ગયા હતા. ક્વેટાની સિવિલ હોસ્પિટલમાં ઈમરજન્સી લાદવામાં આવી હતી અને ઘાયલોની સારવાર માટે વધારાના ડોકટરો અને પેરામેડિક્સને બોલાવવામાં આવ્યા હતા. રેલવે અધિકારીઓના જણાવ્યા અનુસાર, જાફર એક્સપ્રેસ સવારે 9 વાગ્યે પેશાવર જવા રવાના થવાની હતી. અધિકારીઓએ જણાવ્યું કે જ્યારે બ્લાસ્ટ થયો ત્યારે ટ્રેન પ્લેટફોર્મ પર પહોંચી ન હતી. વિસ્ફોટમાં મૃત્યુઆંક વધી શકે છે કારણ કે ઘાયલોમાં ઘણાની હાલત ગંભીર છે.

કાર્યવાહક પ્રમુખે ઘટનાની નિંદા કરી હતી

કાર્યવાહક પ્રમુખ સૈયદ યુસુફ રઝા ગિલાનીએ આ ઘાતક ઘટનાની નિંદા કરતા કહ્યું કે, આતંકવાદીઓ માનવતાના દુશ્મનો છે જેમણે નિર્દોષ લોકોને નિશાન બનાવ્યા. ગિલાનીએ આતંકવાદને સંપૂર્ણ રીતે નષ્ટ કરવા માટે દરેક સંભવિત પગલાં લેવાના તેમના સંકલ્પનો પુનરોચ્ચાર કર્યો હતો. આ દરમિયાન બલૂચિસ્તાનના મુખ્યમંત્રી સરફરાઝ બુગતીએ સંબંધિત અધિકારીઓને આ જીવલેણ ઘટનાની તપાસ કરવાનો નિર્દેશ આપ્યો છે. મુખ્યમંત્રીએ પ્રાંતમાંથી આતંકવાદના જોખમને નાબૂદ કરવાના તેમના સંકલ્પનો પુનરોચ્ચાર કર્યો હતો.

આ પણ જૂઓ: આગરા-લખનૌ એક્સપ્રેસ વે પર બસ અને ડમ્પર વચ્ચે જોરદાર ટક્કર, 5ના મૃત્યુ