પાકિસ્તાની સિરીઝ ‘કભી મેં કભી તુમ’નો સિનેમેટિક અંત જોઈને રડી પડ્યા ચાહકો, હાનિયા આમિર ટ્રેન્ડમાં
- ભારતમાં પણ લોકોએ શરજીના અને મુસ્તફાની જોડીને ઘણો પ્રેમ આપ્યો છે, આ શો શરૂઆતથી જ હિટ રહ્યો છે
HD ન્યૂઝ ડેસ્ક, 06 નવેમ્બર: ચાહકો હાનિયા આમિર અને ફહાદ મુસ્તફા સ્ટારર પાકિસ્તાની ટીવી શો ‘કભી મેં કભી તુમ‘નો ફાઇનલ એપિસોડ જોવા માટે આતુર હતા. આ શો શરૂઆતથી જ હિટ રહ્યો છે. આ સીરિયલને ભારતની સાથે પાકિસ્તાનમાં પણ ઘણી પસંદ કરવામાં આવી છે. પાકિસ્તાનથી લઈને ભારત સુધીના લોકો ફહાદના પાત્ર મુસ્તફા અને હાનિયા આમિરના પાત્ર શરજીનાની જોડીને ઘણો પ્રેમ આપી રહ્યા છે. શોનો છેલ્લો એપિસોડ 5 નવેમ્બરે રિલીઝ થવાનો હતો. આવી સ્થિતિમાં, અંતે શું થશે તે વિચારીને દરેકના હૃદયના ધબકારા વધી ગયા હતા.
જૂઓ ફાઇનલ એપિસોડ
‘કભી મેં કભી તુમ’માં આવ્યો મોટો ટ્વિસ્ટ
‘કભી મેં કભી તુમ’નો છેલ્લો એપિસોડ પાકિસ્તાનના સિનેમાઘરોમાં પ્રિમિયર કરવામાં આવ્યો હતો. જ્યારે ભારતીય ચાહકો માટે યુટ્યુબ પર તેનું લાઇવ સ્ટ્રીમિંગ કરવામાં આવ્યું હતું. શોમાં ચાલી રહેલી સ્ટોરી, મુસ્તફા-શરજીનાના અલગ થવા અને અન્ય બાબતોને જોઈને ચાહકો અંતિમ એપિસોડને લઈને અલગ-અલગ અટકળો લગાવી રહ્યા હતા. એવું માનવામાં આવતું હતું કે, છેલ્લા એપિસોડમાં એક ટ્રેજિક ટ્વિસ્ટ બતાવવામાં આવશે. જેનાથી મુસ્તફા અથવા શરજીનાનું મૃત્યુ થઈ શકે છે. જોકે, શોનો અંત સાવ અલગ રહ્યો.
ફાઇનલ એપિસોડે ચાહકોને ખુશ કરી દીધા
નિર્માતાઓએ શોનો સુખદ અંત આપ્યો છે. એપિસોડના અંતે, મુસ્તફા અને શરજીના એક બીજાને ગળે લગાવતા જોવા મળ્યા હતા. તો અન્ય એક સીનમાં બંને હસતા અને પ્રેમથી વાત કરતા જોવા મળે છે. શરજીના મુસ્તફાની સામે સતત વાત કરી રહી છે, જ્યારે મુસ્તફા તેના ચહેરા તરફ પ્રેમથી જોઈ રહ્યો છે. શોના આ અંત અને હાનિયા આમિર-ફહાદ મુસ્તફાની કેમેસ્ટ્રીએ ચાહકોનું દિલ જીતી લીધું છે. આ એપિસોડ જોયા બાદ યુઝર્સ ખૂબ જ ઉત્સાહિત અને ભાવુક પણ છે.
X (પ્રથમ ટ્વિટર) પર #KabhiMainKabhiTum સતત ટ્રેન્ડ કરી રહ્યું છે. એક યુઝરે લખ્યું છે કે, ‘કભી મેં કભી તુમ’ પાકિસ્તાની ટીવીની અત્યાર સુધીની સૌથી શ્રેષ્ઠ સિરિયલોમાંની એક છે. આ શોની સ્ટોરી ખૂબ જ મીઠી છે. હાનિયા આમિર અને ફહાદ મુસ્તફાએ પોતાના પાત્રોને સુંદર રીતે ભજવ્યા છે. તે જ સમયે, યુઝર્સ શરજીના અને મુસ્તફાના રોમાંસ પર પણ ટિપ્પણી કરી રહ્યા છે. યુઝરે લખ્યું કે, શરજીના અને મુસ્તફાને માત્ર એકબીજાનો સાથ જોઈએ છે. તેમને અંતમાં એકબીજાનો સાથ અને તેમનું પોતાનું નાનું ઘર જોઈએ છે. ચાહકો માટે આ પૂરતું છે.
