મનીષા કોઈરાલાએ યાદ કર્યા કેન્સર સામે લડાઈના દિવસો, કહ્યું: ભૂલનો થયો અહેસાસ

• જ્યારે મને આ બીમારીની ખબર પડી ત્યારે મને લાગ્યું કે હું મરી જશે: મનીષા કોઈરાલા

મુંબઈ, 6 નવેમ્બર: મનીષા કોઈરાલા કેન્સર સર્વાઈવર છે. તેણીને 2012માં ઓવેરિયન કેન્સર થયું હતું. તે પહેલા પણ ઘણી વખત તેના જીવનના મુશ્કેલ સમય વિશે વાત કરી ચૂકી છે. તાજેતરના એક ઈન્ટરવ્યુમાં મનીષા કોઈરાલાએ જણાવ્યું હતું કે, જ્યારે તેને આ બીમારીની ખબર પડી ત્યારે તેને લાગ્યું કે તે મરી જશે. મનીષાએ જણાવ્યું કે, તેમના માતાએ ડોક્ટરોને રૂદ્રાક્ષ આપ્યો હતો. જ્યારે ઓપરેશન સફળ થયું, ત્યારે ડોકટરોએ આવીને કહ્યું કે માળાએ અજાયબી કરી.

મનીષા કોઈરાલાએ એક ઇન્ટરવ્યૂમાં કહ્યું કે, “2012માં મને ખબર પડી, પરંતુ મને તે ખબર નહોતી કે મને છેલ્લા સ્ટેજ ઓવેરિયન કેન્સર થયું છે. જ્યારે નેપાળમાં ડાયગ્નોસ થયું ત્યારે હું ખૂબ ડરી ગઈ હતી. સ્વાભાવિક છે, અન્ય લોકો પણ થાય છે. અમે જસલોક હોસ્પિટલમાં હતા. બે-ત્રણ ડોકટરો આવ્યા, ટોચના ડોકટરો આવ્યા અને મેં તેમની સાથે વાત કરી. મને લાગ્યું કે, હું મરી જઈશ. જિંદગી પૂરી થઈ ગઈ હોય એવું લાગ્યું.”

મનીષાએ કહ્યું કે, ‘અમે બે-ત્રણ જાણીતા લોકોને ઓળખતા હતા. તેઓએ ન્યુયોર્ક જઈને સારવાર કરાવી હતી. મારા દાદા પણ Sloan Kettering (ન્યુયોર્કની પ્રખ્યાત કેન્સર હોસ્પિટલ) ગયા હતા અને સારવાર કરાવી હતી.

મનીષાએ ન્યૂયોર્કમાં 5-6 મહિના સુધી સારવાર કરાવી હતી. તેણીએ કહ્યું કે, ‘મારી માતાએ મહામૃત્યુંજય પૂજા પછી નેપાળથી રુદ્રાક્ષ લીધું હતું. તેને સારવાર દરમિયાન પોતાની સાથે રાખવા માટે ડૉક્ટરને આપ્યું હતું. ખબર નથી કે, તેઓએ તેને કેવી રીતે સાથે રાખ્યો. 11 કલાક પછી તેમણે કહ્યું કે, માળાએ ચમત્કાર કર્યો છે.

મનીષાએ કહ્યું કે, “કીમોની પણ મારા પર સકારાત્મક અસર થવા લાગી. તેમણે મને પંજાબી-અમેરિકન ડૉક્ટર વિકી મક્કર સાથે પરિચય કરાવ્યો. તેમણે મારી સારવાર શરૂ કરી અને મને ઘણી આશાઓ આપી. ઘણી વખત એવું થયું કે, હું તૂટી જઈશ. મને માત્ર અંધકાર, નિરાશા, પીડા અને ભય દેખાતો હતો. તેઓ કહેતા રહેતા કે, મનીષા, તું સાજી થઈ રહી છે. દવાઓ તમને અસર કરી રહી છે.”

અભિનેત્રીએ કહ્યું કે, ‘મને એક વાત ખબર હતી, જો જીવન મને બીજી તક આપે છે, તો મારે તેનો બદલો ચુકવવો પડશે કારણ કે જિંદગીએ મને ઘણું આપ્યું છે. મને લાગ્યું કે મેં જ બધું બરબાદ કરી દીધું હતું. તેથી જ હું ભૂલ સુધારવા માંગતી હતી. મેં પ્રાર્થના કરી કે જો મને બીજી તક મળશે તો હું મારું સર્વશ્રેષ્ઠ પ્રદર્શન કરીશ કારણ કે મેં મારા ચાહકોને નિરાશ કર્યા છે.