J&K ના બડગામમાં ફરી પ્રવાસી મજૂરો ઉપર ફાયરિંગ, સારવારમાં ખસેડાયા
બડગામ, 2 નવેમ્બર : જમ્મુ-કાશ્મીરના બડગામ જિલ્લાના મગામ વિસ્તારમાં પ્રવાસી મજૂરોને ગોળી મારવાનો મામલો સામે આવ્યો છે. મળતી માહિતી મુજબ, આતંકવાદીઓએ 2 પ્રવાસી શ્રમિકો પર ગોળીબાર કર્યો છે. ઘટના બાદ ક્વિક રિસ્પોન્સ ટીમ ઘટનાસ્થળે પહોંચી હતી અને સર્ચ ઓપરેશન શરૂ કરવામાં આવ્યું હતું. ઘાયલોને સારવાર માટે હોસ્પિટલમાં મોકલવામાં આવ્યા છે.
ઘાયલ લોકો કોણ છે?
ઉત્તર પ્રદેશના સહનપુરના રહેવાસી એમ ઝુલ્ફાન મલિકના પુત્ર ઉસ્માન મલિક (ઉ.વ.20) અને એમ ઇનામ ઇલ્યાસના પુત્ર સુફિયા (ઉ.વ.25)ને ગોળી વાગી હતી. ઉસ્માનને જમણા હાથમાં અને સુફીયાનને જમણા પગમાં ઈજા થઈ છે. બંને જલ શક્તિ વિભાગમાં દૈનિક વેતન તરીકે કામ કરતા હતા. બંને કામદારોને ગોળી વાગી હતી, પરંતુ તેમની હાલત સ્થિર હોવાનું કહેવાય છે. બંને ઘાયલોને JVC હોસ્પિટલ બેમિનામાં દાખલ કરવામાં આવ્યા છે.
તાજેતરના દિવસોમાં અનેક હુમલા
ઉલ્લેખનીય છે કે, આ પહેલીવાર નથી જ્યારે જમ્મુ-કાશ્મીરમાં પ્રવાસી મજૂરો પર ગોળીબારનો મામલો સામે આવ્યો છે. આ પહેલા પણ અનેક વખત આતંકવાદીઓ દ્વારા બિન-કાશ્મીરી નાગરિકોને નિશાન બનાવવામાં આવ્યા છે. ગયા અઠવાડિયે બાટાગુંડ ત્રાલમાં ગોળીબારમાં એક વ્યક્તિ ઘાયલ થયાના અહેવાલ છે. તેને ઈજાગ્રસ્ત હાલતમાં સારવાર માટે હોસ્પિટલમાં દાખલ કરવામાં આવ્યો હતો.
તાજેતરમાં આ ત્રીજો કિસ્સો બન્યો હતો. આનો અર્થ એ થયો કે આજની ઘટનાને લઈને તાજેતરમાં જ આવા કુલ ચાર કિસ્સા પ્રકાશમાં આવ્યા છે, જેમાં આતંકવાદીઓ બિન-કાશ્મીરીઓને નિશાન બનાવી રહ્યા છે. જમ્મુ-કાશ્મીરમાં સંગઠિત આતંકવાદમાં ઘટાડો થયા બાદ સતત ટાર્ગેટ કિલિંગની ઘટનાઓ સામે આવી રહી છે. ગયા વર્ષે પણ આતંકવાદીઓએ અલગ-અલગ વિસ્તારોમાં બિન-કાશ્મીરીઓને પસંદ કરીને માર્યા હતા. અનંતનાગ, પુલવામા અને પૂંચમાં ટાર્ગેટ કિલિંગની ઘણી ઘટનાઓ નોંધાઈ છે.
આ પણ વાંચો :- મુહૂર્ત ટ્રેડિંગમાં રોકાણકારો માલામાલ થયા, 1 કલાકમાં 4 લાખ કરોડની કમાણી થઈ
