જમ્મુ-કાશ્મીરના નગરોટાથી ભાજપના MLA દેવેન્દ્ર સિંહ રાણાનું નિધન, દિલ્હીમાં લીધા અંતિમ શ્વાસ

દેવેન્દ્ર સિંહ રાણા ભાજપના અગ્રણી ચહેરાઓમાંના એક હતા અને કાશ્મીરના લોકો પ્રત્યે તેમની સમર્પિત સેવાઓ માટે ઓળખાતા હતા

નવી દિલ્હી, 1 નવેમ્બર: ભાજપના વરિષ્ઠ નેતા અને જમ્મુ-કાશ્મીરની નગરોટા વિધાનસભાના ધારાસભ્ય દેવેન્દ્ર સિંહ રાણાનું 59 વર્ષની ઉંમરે લાંબી માંદગી બાદ દિલ્હીના ફરીદાબાદની એક હોસ્પિટલમાં નિધન થયું છે. તેઓ ભાજપના અગ્રણી ચહેરાઓમાંના એક હતા અને જમ્મુ-કાશ્મીરના લોકો પ્રત્યે તેમની સમર્પિત સેવાઓ માટે તેમને ઓળખવામાં આવ્યા હતા. તેમના નિધનથી પાર્ટી અને તેના સમર્થકોમાં શોકનું મોજુ ફરી વળ્યું છે.

#WATCH | Jammu, J&K: Union Minister Jitendra Singh arrives at his residence as his brother and BJP MLA from Nagrota Devender Singh Rana passes away pic.twitter.com/NyPL3x5ssa

— ANI (@ANI) October 31, 2024

દેવેન્દ્ર સિંહ રાણા કેન્દ્રીય મંત્રી જીતેન્દ્ર સિંહના ભાઈ હતા. પોતાના ભાઈના નિધનની માહિતી મળતા તેઓ તેમના ઘરે પહોંચ્યા અને તેમના પરિવારને મળ્યા હતા. તેમના મતવિસ્તાર માટે તેમની સમર્પિત સેવા અને પક્ષના આદર્શો પ્રત્યે પ્રતિબદ્ધતા માટે જાણીતા એવા દેવેન્દ્ર સિંહ રાણા જમ્મુ અને કાશ્મીરમાં ભાજપના અગ્રણી નેતા હતા.

LG મનોજ સિંહાએ શોક વ્યક્ત કર્યો હતો

જમ્મુ અને કાશ્મીરના રાજ્યપાલ મનોજ સિંહાએ પણ તેમના શોક સંદેશમાં દેવેન્દ્ર સિંહ રાણાને દેશભક્ત અને આદરણીય નેતા તરીકે યાદ કર્યા હતા. તેમણે લખ્યું કે, “દેવેન્દ્ર સિંહ રાણાના નિધનથી અમે એક પ્રિય નેતા ગુમાવ્યા છે જે જમ્મુ અને કાશ્મીરના લોકોના કલ્યાણ માટે પ્રતિબદ્ધ હતા.”

I am deeply grieved to learn of the untimely demise of Shri Devender Singh Rana Ji. In his passing away, we have lost a patriotic & widely respected leader, who was committed to well-being of the people of J&K. I extend my deepest condolences to his family & friends. Om Shanti.

— Office of LG J&K (@OfficeOfLGJandK) October 31, 2024

તે જ સમયે, જમ્મુ યુનિવર્સિટીના પૂર્વ વાઇસ ચાન્સેલર અમિતાભ મટ્ટુએ પણ દેવેન્દ્ર સિંહ રાણાના નિધન પર શોક વ્યક્ત કર્યો છે. મટ્ટુએ લખ્યું કે, દેવેન્દ્ર રાણા એક સમયે ઓમર અબ્દુલ્લાની નજીક હતા. તેમણે નગરોટા બેઠક જીતી હતી અને રાજ્યના લોકોની સેવા કરવાની તેમની પ્રતિજ્ઞા અતૂટ હતી.

આ પણ જૂઓ: દિવાળી પર ધુમાડો-ધુમાડો થઈ દિલ્હી, જાણો AQI કયા સ્તરે પહોંચ્યો