LPG સિલિન્ડરના ભાવમાં ભડકો, કોમર્શિયલ બાટલો રૂ.62 મોંઘો થયો

નવી દિલ્હી, 1 નવેમ્બર : દિવાળી બાદ મોંઘવારીનો માર ગ્રાહકો પર પડ્યો છે. આજે 1 નવેમ્બરે કોમર્શિયલ એલપીજી સિલિન્ડરની કિંમતમાં લગભગ 62 રૂપિયાનો વધારો કરવામાં આવ્યો છે. ઈન્ડિયન ઓઈલ દ્વારા જારી કરાયેલા લેટેસ્ટ રેટ મુજબ, દિલ્હીમાં કોમર્શિયલ એલપીજી સિલિન્ડરની કિંમત આજથી 1802 રૂપિયા થઈ ગઈ છે. જ્યારે કોલકાતામાં 19 કિલોના એલપીજી ગેસ સિલિન્ડરની કિંમત 1911.50 રૂપિયા થઈ ગઈ છે.

મુંબઈમાં એલપીજી સિલિન્ડર મોંઘું થઈ ગયું છે અને 1754.50 રૂપિયા પર પહોંચી ગયું છે. જ્યારે ચેન્નાઈમાં કોમર્શિયલ સિલિન્ડરની કિંમત વધીને 1964.50 રૂપિયા થઈ ગઈ છે. મુંબઈમાં કોમર્શિયલ એલપીજી સિલિન્ડરના ગ્રાહકોને પણ 62 રૂપિયાનો આંચકો લાગ્યો છે. 1 ઓક્ટોબરે કોમર્શિયલ સિલિન્ડરની કિંમત 1692.50 રૂપિયા હતી જે હવે 1754.50 રૂપિયા થઈ ગઈ છે.

જ્યારે કોલકાતામાં પહેલા તે 1850.50 રૂપિયા હતો અને હવે તે 1911.50 રૂપિયા થઈ ગયો છે. ચેન્નાઈમાં જે બ્લુ સિલિન્ડર 1903 રૂપિયામાં મળતું હતું તે આજે 1964.50 રૂપિયામાં ઉપલબ્ધ થશે.

ઘરેલુ LPG સિલિન્ડરના દરમાં કોઈ ફેરફાર નથી

દરમિયાન ઘરેલુ એલપીજી સિલિન્ડરની કિંમતોમાં કોઈ ફેરફાર કરવામાં આવ્યો નથી. આજે ચેન્નાઈમાં પણ, ઘરેલુ સિલિન્ડર સપ્ટેમ્બરના દરે 818.50 રૂપિયામાં જ ઉપલબ્ધ છે. દિલ્હીમાં 14.2 કિલોનું ઘરેલું એલપીજી સિલિન્ડર તેના જૂના 803 રૂપિયાના દરે ઉપલબ્ધ છે. તે કોલકાતામાં 829 રૂપિયા અને મુંબઈમાં 802.50 રૂપિયામાં ઉપલબ્ધ છે.

આ પણ વાંચો :- ભારત અને અમિત શાહ ઉપર સાયબર જાસૂસી કરવાનો કેનેડાનો આરોપ, જાણો શું કહ્યું