સિદ્ધાર્થ મલ્હોત્રાએ એટિટ્યૂડ બતાવ્યો, લોકોએ ટ્રોલ કરી નાખ્યો; ગણાવ્યો ફ્લોપ એક્ટર
મુંબઈ, 31 ઓકટોબર : બોલિવૂડ એક્ટર સિદ્ધાર્થ મલ્હોત્રાએ 12 વર્ષમાં એક ખાસ સ્થાન હાંસલ કર્યું છે. તેને પોતાના કરિયરમાં ઘણી સુપરહિટ ફિલ્મો આપી અને સુપરસ્ટાર બન્યો. તેના લાખો ફેન છે. પરંતુ હાલમાં જ સિદ્ધાર્થ મલ્હોત્રા ફેન્સના ગુસ્સાનો શિકાર બન્યો હતો. તેના એક ચાહકની અવગણના કરી. તેનો વીડિયો વાયરલ થતા જ લોકો ગુસ્સે થઈ ગયા હતા. આ વાયરલ વીડિયો પર લોકોએ એક્ટરને ફટકાર લગાવી હતી.
View this post on Instagram
ચાહકે પેઇન્ટિંગ બનાવ્યું હતું
અભિનેતાના એક ચાહકે તેની પેઇન્ટિંગ બનાવી હતી. ફેન હાથમાં પેઇન્ટિંગ લઈને સિદ્ધાર્થ પાસે જાય છે. પરંતુ અભિનેતા ફેનને અવગણીને આગળ વધે છે. પ્રશંસક તેની પેઇન્ટિંગ માટે તેમની સામે જોતો જ રહે છે. ત્યાં ઉભેલા લોકોએ આ સમગ્ર ઘટનાનો વીડિયો રેકોર્ડ કરી સોશિયલ મીડિયા પર પોસ્ટ કરી દીધો. હવે આ વીડિયો વાયરલ થતાં જ ચાહકોમાં રોષ ભભૂકી ઉઠ્યો છે. ફેન્સે કોમેન્ટમાં અભિનેતા ની ટીકા કરી હતી.
સિદ્ધાર્થ મલ્હોત્રા 12 વર્ષમાં સુપરસ્ટાર બની ગયો
સિદ્ધાર્થ મલ્હોત્રાએ 2012માં રિલીઝ થયેલી ફિલ્મ ‘સ્ટુડન્ટ ઑફ ધ યર’થી પોતાના કરિયરની શરૂઆત કરી હતી. કરણ જોહરના નિર્દેશનમાં બનેલી આ ફિલ્મ બોક્સ ઓફિસ પર હિટ રહી હતી. આ પછી સિદ્ધાર્થ લોકોના દિલમાં વસી ગયો અને ફિલ્મો કરતો રહ્યો. એક્ટરે તેની 12 વર્ષની કારકિર્દીમાં 28 થી વધુ ફિલ્મો અને સિરીઝ કરી છે. આમાંથી ઘણી ફિલ્મો બોક્સ ઓફિસ પર સુપરહિટ રહી છે. આ વર્ષે તે રોહિત શેટ્ટીની સિરીઝ ઈન્ડિયન પોલીસ ફોર્સમાં જોવા મળ્યો હતો. આ સિરીઝમાં શિલ્પા શેટ્ટી પણ મહત્ત્વના રોલમાં જોવા મળી હતી. અભિનેતાએ બોલીવુડ અભિનેત્રી કિયારા અડવાણી સાથે લગ્ન કર્યા છે. ગયા વર્ષે 2023 માં આ બોલિવૂડ કપલે તેમના નવા જીવનની શરૂઆત કરી હતી. હવે આ બોલિવૂડ કપલ ફિલ્મી દુનિયાનું સ્ટાર છે. તેના ખાતામાં 8 થી વધુ પ્રોજેક્ટ છે જેની જાહેરાત ટૂંક સમયમાં કરવામાં આવશે.
આ પણ વાંચો : VIDEO/ ‘જય શ્રી રામ’ બોલો તો જ ભોજન મળશે, હોસ્પિટલની બહાર મહિલાને ભોજન ન આપ્યું
