સારા અલી ખાને બોયફ્રેન્ડ સાથે કેદારનાથના દર્શન કર્યા, કોણ છે અર્જુન પ્રતાપ બાજવા?

• સારા અલી ખાને તાજેતરમાં અર્જુન પ્રતાપ બાજવા સાથે કેદારનાથના દર્શન કર્યા છે. લોકો અટકળો લગાવી રહ્યા છે કે આ મોડલ તેનો બોયફ્રેન્ડ છે

31 ઓક્ટોબર, મુંબઈઃ સારા અલી ખાન એક ફેમસ સેલિબ્રિટી છે, તેથી ચાહકો સતત તેની રોમેન્ટિક લાઈફ વિશે જાણવા માંગે છે. સારા તેના સંબંધોને ખાનગી રાખવાનું પસંદ કરે છે, જેના કારણે વધુ ને વધુ અટકળો થાય છે. તાજેતરમાં સારાએ કેટલાક મિત્રો સાથે કેદારનાથની યાત્રા કરી હતી અને સુપર મોડલ અર્જુન પ્રતાપ બાજવા સાથેની તેની તસવીરો વાયરલ થઈ છે. સારા અને અર્જુન ડેટિંગ કરી રહ્યા છે કે કેમ તેની અટકળો લાગી રહી છે.

વાયરલ તસવીરોમાં સારા અલી ખાન અને અર્જુન એકબીજાની બાજુમાં ઉભા રહીને પૂજા કરતા જોવા મળે છે. ઉલ્લેખનીય છે કે આ અંગે કોઈ પુષ્ટિ થઈ નથી. અર્જુન સારાને ઈન્સ્ટાગ્રામ પર પણ ફોલો પણ કરે છે. ફોટો જોઈને એક ફેને કમેન્ટ કરી છે કે, અર્જુન પંજાબી રાજનેતાનો દીકરો છે. તે સારો છોકરો છે. હું તેને મિત્રો દ્વારા ઓળખું છું. તે દયાળુ છે. તે મુંબઈમાં એક મોડલ છે. તે ખૂબ પૈસાવાળો પણ છે. એક પ્રશંસકે લખ્યું છે, તે ખૂબ જ સુંદર છે. અન્યે એકે લખ્યું છે હાલમાં તેઓ ડેટિંગ કરી રહ્યા નથી, પરંતુ સેમ ફિલ્ડ છે તો કંઈ કહી ન શકાય.

કોણ છે અર્જુન પ્રતાપ બાજવા?

અર્જુન પ્રતાપ બાજવા સુપર મોડલ અને એક્ટર છે. તેણે રોહિત અને વરુણ બાલ જેવા ડિઝાઇનરો માટે રેમ્પ વોક કર્યું છે. અર્જુન ઓસ્કાર નોમિનેટેડ ડાયરેક્ટર ગિરીશ મલિકની ‘બેન્ડ ઓફ મહારાજા’માં પણ જોવા મળ્યો હતો. તેણે 2013ની ફિલ્મ સ્લિંગ માટે પણ પ્રભુ દેવાને મદદ કરી હતી. તે 2022 સુધી પંજાબ જિલ્લા પરિષદમાં કોંગ્રેસ પાર્ટીના સૌથી યુવા પ્રતિનિધિ પણ હતો. અર્જુને સનાવરની લોરેન્સ સ્કૂલમાંથી રાજકારણ અને કૃષિમાં ડિગ્રી લીધી છે. તે જિમ્નાસ્ટ અને એમએમએ ફાઇટર પણ છે.

આ પણ વાંચોઃ બિગ બીએ વરુણ ધવનને શીખવ્યો ગોલ્ડન રુલ, પત્નીને હંમેશા ખુશ રાખો