બિગ બીએ વરુણ ધવનને શીખવ્યો ગોલ્ડન રુલ, પત્નીને હંમેશા ખુશ રાખો

• વરુણ ધવન 30 ઓક્ટોબરે કેબીસીના મહેમાન તરીકે જોવા મળ્યો હતો. આ દરમિયાન તેણે બિગ બી પાસે પેરેન્ટિંગ ટીપ માંગી હતી

HD ન્યુઝ ડેસ્કઃ ક્વિઝ રિયાલિટી શો ‘કૌન બનેગા કરોડપતિ’ની 16મી સીઝનમાં અમિતાભ બચ્ચન પોતાની અદભૂત શૈલીથી દર્શકોનું મનોરંજન કરી રહ્યા છે. વરુણ ધવન 30 ઓક્ટોબરે કેબીસીના મહેમાન તરીકે જોવા મળ્યો હતો. આ દરમિયાન અભિનેતાએ અમિતાભ બચ્ચન પાસેથી પત્ની અને નવજાત બાળક વિશે કેટલીક સલાહ માંગી હતી, જેના પર બિગ બીએ તેમને એક મજેદાર ટિપ આપી હતી.

દિવાળી સ્પેશિયલ એપિસોડમાં વરુણ ધવન

‘KBC 16’માં વરુણ આગામી વેબ શો ‘સિટાડેલ: હની બની’નું પ્રમોશન કરતો જોવા મળ્યો હતો. તેની સાથે ડાયરેક્ટર રાજ અને ડીકેની જોડી પણ જોવા મળી હતી. મેગાસ્ટાર તેમની સાથે સેટ પર મસ્તીભર્યા અંદાજમાં જોવા મળ્યા હતા. આ દરમિયાન અમિતાભ બચ્ચન વરુણને પિતા બનવા પર અભિનંદન આપતાં કહે છે કે આ દિવાળી તેમના માટે ખૂબ જ ખાસ રહેશે કારણ કે હાલમાં જ લક્ષ્મીજી પધાર્યા છે. બિગ બીએ પૂછ્યું કે શું તેમણે તેમની પુત્રી માટે કોઈ નામ વિચાર્યું છે? તેના જવાબમાં એક્ટર હસીને કહે છે કે હા અમે નામ વિચાર્યું છે પરંતુ હજુ સુધી જાહેર કર્યું નથી. વરુણે કહ્યું કે તે તેમની સાથે જોડાઈ રહ્યો છે અને પેરેન્ટહુડની જર્નીને ફોલો કરી રહ્યો છે.

અમિતાભ બચ્ચને આપી પેરેન્ટિંગ પર સલાહ

જ્યારે વરુણે બિગ બીને પૂછ્યું કે તેના વ્યસ્ત શિડ્યુલને કારણે તે પત્ની અને પુત્રી વચ્ચે ટાઈમ બેલેન્સ નથી કરી શકતો, તો કૃપા કરીને આ અંગે થોડી સલાહ આપો. તો અમિતાભ બચ્ચન કહે છે, ફક્ત એક જ ગોલ્ડન રુલ છે. તમારી પત્નીને હંમેશા ખુશ રાખો. જ્યાં સુધી તે ખુશ છે ત્યાં સુધી બધું સારું થઈ જાય છે. જો તમારી પત્ની ખુશ છે, તો તમારી દીકરી પણ ખુશ રહેશે. પત્ની સૌથી પહેલા આવે છે.

આ પણ વાંચોઃ સલમાન ખાનને ધમકી આપનાર શખસ ઝડપાયો, 2 કરોડની ખંડણી માંગી હતી