MLA જીગ્નેશ મેવાણી અને તેના મળતીયાઓ સામે ત્રાસ આપવાની ફરિયાદ
- વડગામના સકલાણામાં ચાલતા મનરેગાના કામમાં હેરાન કરતા હોવાની ફરિયાદ
- કોંગ્રેસના પૂર્વ કાર્યકર્તાએ પોલીસમાં લેખિત અરજી આપી
પાલનપુર, 29 ઓક્ટોબર : બનાસકાંઠા જિલ્લાના વડગામના કોંગ્રેસ MLA જીગ્નેશ મેવાણી સામે એક મહિલાએ આક્ષેપો સાથે એસપી અને વડગામ પોલીસ મથકે લેખિતમાં રજૂઆત કરી છે. મહિલાના આક્ષેપો મુજબ વડગામના સકલાણા ગામમાં મનરેગા મેટનું કામ કરે છે. ત્યારે અવારનવાર જીગ્નેશ મેવાણીના માણસો તેમની મનરેગાની સાઈટ ઉપર આવી હેરાન કરતા હોવાના કરતા હોવાના આક્ષેપો કર્યા છે.
મહિલાએ શું આરોપ મુક્યા?
અરુણાબેન પરમાર નામના મહિલાએ વડગામ ધારાસભ્યના PA સતીશ વણસોલા અને શૈલેષ સોલંકી દ્વારા સકલાણાની મનરેગા સાઈડ ઉપર આવીને માનસિક રીતે પરેશાન કરતા હોવાના આક્ષેપો સાથે રજુઆત કરી છે. લેખિતમાં રજૂઆત કરનારા મહિલા અરુણાબેન પરમાર અગાઉ કોંગ્રેસમાં વડગામ એસી મોરચાના મહિલા પ્રમુખ રહી ચૂક્યા છે. મહિલાએ જણાવ્યું કે, કે કોંગ્રેસ પક્ષ છોડી દેતા વિધાનસભાની ચૂંટણી બાદ જીગ્નેશ મેવાણીના કહેવાથી તેમના માણસો દ્વારા હેરાન કરાતી હોવાના આક્ષેપ કરાયા છે.
કાર્યવાહીની માંગ સાથે પોલીસમાં રજૂઆત
અરુણાબેન પરમારે જીગ્નેશ મેવાણી સામે ગંભીર આક્ષેપો સાથે ધારાસભ્યના માણસો સામે વડગામ પોલીસમથક અને જિલ્લા એસપીને લેખિત અરજી આપી કાર્યવાહી કરવાની કરી માંગ કરી છે. આ મહિલાએ એક વીડિયો પણ મીડિયા સમક્ષ રજુ કર્યો છે. જેમાં બે માણસો દેખાઈ રહ્યા છે. જેમાંથી એક વ્યક્તિ કહે છે કે, અમે ધારાસભ્ય જીગ્નેશ મેવાણીના ત્યાથી આવ્યા છીએ તેવું કહેતો જણાઈ રહ્યો છે. જોકે મહિલાની રજુઆત બાદ આગામી દિવસોમાં આ મામલે પોલીસ તપાસમાં શું તથ્ય સામે આવે છે.
આ પણ વાંચો :- મુંબઈ ટેસ્ટ માટે ભારતની ટીમમાં ફેરફાર, આ ફાસ્ટ બોલરને સમાવાયો
