બાબા સિદ્દીકીના પુત્ર ઝીશાનને જાનથી મારી નાખવાની ધમકી, નોઈડામાંથી આરોપીની ધરપકડ
- જાનથી મારી નાખવાની ધમકી મળ્યા બાદ તેમના નિવાસસ્થાન અને ઓફિસ પર સુરક્ષા વધારી દેવામાં આવી
મુંબઈ, 29 ઓકટોબર:બાબા સિદ્દીકીની હત્યા બાદ હવે તેમના પુત્ર અને ધારાસભ્ય ઝીશાન સિદ્દીકીને જાનથી મારી નાખવાની ધમકી મળી છે. ઓફિસના લેન્ડલાઈન નંબર પર ફોન કરીને કોઈ અજાણ્યા વ્યક્તિએ ઝીશાન સિદ્દીકીને આ ધમકી આપી અને પૈસાની માંગણી કરી છે. મળતી માહિતી મુજબ, ધમકીભર્યો ફોન બાંદ્રા પૂર્વમાં ઝીશાન સિદ્દીકીના જનસંપર્ક કાર્યાલયના ફોન પર આવ્યો હતો. જાનથી મારી નાખવાની ધમકી મળ્યા બાદ તેમના નિવાસસ્થાન અને ઓફિસ પર સુરક્ષા વધારી દેવામાં આવી છે. આ દરમિયાન ઝીશાન સિદ્દીકી અને સલમાન ખાનને ધમકી આપનાર વ્યક્તિની ઉત્તરપ્રદેશના નોઈડાથી ધરપકડ કરવામાં આવી છે.
Mohammad Tayyab, a 24-year-old resident of Delhi, was arrested by the Bandra police in the Noida Sector 39 after making a threatening call to Zeeshan Siddique and Salman Khan. The call originated from Noida, and authorities believe it was made as a prank. Tayyab has been brought… pic.twitter.com/QVRfJ42tPh
— IANS (@ians_india) October 29, 2024
ધમકી આપનાર આરોપીની ધરપકડ
ઝીશાન સિદ્દીકીની ઓફિસના કર્મચારીએ આપેલી ફરિયાદના આધારે નિર્મલનગર પોલીસ સ્ટેશનમાં અજાણ્યા લોકો વિરુદ્ધ કેસ નોંધવામાં આવ્યો છે. પોલીસે આરોપીની નોઈડાથી ધરપકડ કરી છે. ધમકી આપનાર વ્યક્તિની ઉંમર 24 વર્ષ છે. તેનું નામ ગુરફાન ખાન ઉર્ફે મોહમ્મદ તૈયબ છે. મુંબઈની નિર્મલનગર પોલીસે નોઈડાથી તેની ધરપકડ કરી છે.
Noida, Uttar Pradesh: Accused Mohammad Tayyab, who made a threatening call to Zeeshan Siddique and Salman Khan, is originally from Bareilly. Tayyab resides in Jaffrabad, Delhi. The Noida Police will present him in Surajpur Court, after which the Mumbai Police will take him on… pic.twitter.com/jIqJWvJwVJ
— IANS (@ians_india) October 29, 2024
અગાઉ પણ ધમકીઓ મળી છે
મુંબઈ પોલીસે જણાવ્યું હતું કે, ઝીશાન સિદ્દીકીને મુંબઈમાં તેના પિતાની ગોળી મારીને હત્યા કરવાના થોડા દિવસો પહેલા જ જાનથી મારી નાખવાની ધમકીઓ મળી હતી અને હવે ફરી એકવાર તેને જાનથી મારી નાખવાની ધમકી મળી છે.
બંનેને મારવા માટે કોન્ટ્રાક્ટ આપવામાં આવ્યો
બાબા સિદ્દીકી હત્યા કેસમાં ધરપકડ કરાયેલા આરોપીઓએ પૂછપરછ દરમિયાન જણાવ્યું હતું કે, ઝીશાન અને બાબા સિદ્દીકી બંને તેમના નિશાના પર હતા. તેઓને જે પણ મળે તેના પર ગોળીબાર કરવાનો આદેશ આપવામાં આવ્યો હતો. આ રીતે ઝીશાન સિદ્દીકી પણ આરોપીઓના નિશાના પર હતો. આરોપીએ પોલીસ પૂછપરછ દરમિયાન એ પણ જણાવ્યું કે, ઝીશાન અને બાબા સિદ્દીકીને મારવાનો કોન્ટ્રાક્ટ આપવામાં આવ્યો હતો.
આ પણ જૂઓ: કેરળના CM પિનરાઈ વિજયનના કાફલાની સામે આવી પાપાની પરી! માંડ માંડ બચ્યા મુખ્યમંત્રી, જૂઓ વીડિયો
