બ્લેંકેટ, રજાઈ કાઢવાનો સમય આવી ગયો, યૂઝ પહેલા કરો સ્મેલ-બેક્ટેરિયા ફ્રી

• બ્લેંકેટ, રજાઈ, ધાબળાનો તમારે સીધો ઉપયોગ કરવાને બદલે તમારે તેને એક વખત બેક્ટેરિયા ફ્રી કરવા જોઈએ, ભલે તમે તેને ક્લિન કરીને રાખ્યા હોય તો પણ

HD ન્યુઝ ડેસ્કઃ શિયાળાની ઋતુની શરૂઆત સાથે આખા વર્ષ દરમિયાન સ્ટોર કરેલા ધાબળા અને રજાઈ બહાર આવી જાય છે. તેનો સીધો ઉપયોગ કરવાને બદલે તમારે તેને એક વખત બેક્ટેરિયા ફ્રી કરવા જોઈએ, ભલે તમે તેને ક્લિન કરીને રાખ્યા હોય તો પણ. ધાબળા અને રજાઈના સતત ઉપયોગને કારણે ક્યારેક તેમાંથી દુર્ગંધ આવવા લાગે છે. આવી સ્થિતિમાં પણ, કેટલીક પદ્ધતિઓ તેને દુર્ગંધને દૂર કરવામાં અને બેક્ટેરિયા મુક્ત બનાવવામાં મદદ કરે છે. ધાબળા અને રજાઇમાંથી દુર્ગંધ એ એક સામાન્ય સમસ્યા છે, ખાસ કરીને શિયાળામાં. તેને દૂર કરવા માટે ઘણા ઘરગથ્થુ ઉપચાર છે જે તમારા કપડાને નુકસાન પહોંચાડ્યા વિના કામ કરે છે. જાણો કેટલીક સરળ રીતો.

સૂર્યપ્રકાશનો ઉપયોગ

કુદરતી રીત: સૂર્યપ્રકાશ બેક્ટેરિયાને દૂર કરવામાં મદદ કરે છે, જે તેની ખરાબ સ્મેલનું કારણ હોય છે
પ્રક્રિયા: ધાબળો અથવા રજાઈને તડકામાં ફેલાવીને સૂકવી દો. સૂર્યની ગરમીથી માત્ર દુર્ગંધ જ નહીં, પરંતુ ભેજ પણ દૂર થશે. સૂર્યપ્રકાશના સંપર્કમાં આવવાથી માત્ર ગંધ જ ઓછી થતી નથી પણ કપડાંમાં રહેલો ભેજ પણ દૂર થાય છે.

બેકિંગ સોડાનો જાદુ

ગંધ શોષે છેઃ ખાવાનો સોડા એક શક્તિશાળી ગંધ શોષક છે.
પ્રક્રિયા: ધાબળો અથવા રજાઈ પર ખાવાનો સોડા છાંટીને થોડા કલાકો માટે છોડી દો. પછી તેને સારી રીતે હલાવીને તડકામાં સૂકવી લો.

વિનેગર સોલ્યુશન

બેક્ટેરિયાને મારી નાખે છે: વિનેગરમાં એન્ટિસેપ્ટિક ગુણ હોય છે જે બેક્ટેરિયાને મારી નાખે છે.
પ્રક્રિયા: એક સ્પ્રે બોટલમાં વિનેગર અને પાણી સરખા પ્રમાણમાં મિક્સ કરો. આ લિક્વિડને ધાબળો અથવા રજાઈ પર છાંટો અને તેને હવામાં સૂકવવા દો.

સુગંધિત તેલ

સુગંધ બનાવે છે: સુગંધિત તેલના થોડા ટીપાં જેમ કે લવંડર, લીંબુ અથવા ટી ટ્રી ઓઈલ કપડાને તાજી ખુશ્બુ આપી શકે છે.
પ્રક્રિયા: તેલના થોડા ટીપા પાણીમાં ભેળવી, તેને સ્પ્રે બોટલમાં ભરીને બ્લેન્કેટ અથવા રજાઈ પર સ્પ્રે કરો.

કપૂર

જંતુઓ અને દુર્ગંધ બંનેને દૂર રાખે છે:
કપૂરની તીવ્ર ગંધ જંતુઓને દૂર રાખે છે અને દુર્ગંધને પણ ઘટાડે છે.
પ્રક્રિયા: કપૂરના નાના ટુકડાને કાપડની થેલીમાં બાંધીને તેને ધાબળો અથવા રજાઈ સાથે રાખો.

આ પણ વાંચોઃ ધોયા વગર જ ઓફિસ-સ્કુલ બેગને કરો ક્લિન, આ છે સરળ ટ્રિક્સ