નાગા ચૈતન્યના બીજા લગ્ન કરતા પહેલા લીધો મોટો નિર્ણય, સામંથાની છેલ્લી નિશાની દૂર કરી

મુંબઈ, 28 ઓકટોબર :   નાગા ચૈતન્ય અને સામંથા રૂથ પ્રભુએ 2021 માં તેમના અલગ થવાની જાહેરાત કરી હતી, ત્યારબાદ બંનેએ તેમના સોશિયલ મીડિયા એકાઉન્ટમાંથી એકબીજા સાથે વિતાવેલી તમામ પળોને ડિલીટ કરી દીધી હતી. નાગા ચૈતન્ય અને સામંથા રૂથના ફેન્સ તેમના છૂટાછેડાના સમાચાર સાંભળીને ચોંકી ગયા હતા. હવે ચૈતન્યએ શોભિતા ધુલીપાલા સાથે લગ્ન કરતા પહેલા એક આશ્ચર્યજનક પગલું ભર્યું છે, જેણે ચર્ચા જગાવી છે. નાગા ચૈતન્યએ તેના પ્રથમ લગ્નના છેલ્લા નિશાન પણ ભૂંસી નાખ્યા છે.

નાગા ચૈતન્યએ સામંથાની તસવીર હટાવી હતી
જ્યારે આ વર્ષે ઓગસ્ટમાં ચૈતન્ય અને શોભિતાની સગાઈ થઈ ત્યારે લોકોએ અભિનેતાના ઈન્સ્ટાગ્રામ ફીડ પર તેની પૂર્વ પત્ની સામંથા સાથે સંબંધિત ત્રણ પોસ્ટ જોઈ, જે છૂટાછેડા પછી પણ દેખાઈ રહી હતી. આમાંની એક પોસ્ટ ઓક્ટોબર 2021માં તેમના અલગ થવાની જાહેરાત કરવાની હતી. બીજી પોસ્ટ ડિસેમ્બર 2018ની ફિલ્મ ‘મજીલી’નું પોસ્ટર હતું, જેમાં બંને લીડ રોલમાં જોવા મળ્યા હતા. બંને પોસ્ટ તેના ફીડ પર હાજર છે. ત્રીજી પોસ્ટ રેસ ટ્રેક પર લીધેલો ફોટો હતો. તેણે આ તસવીર હટાવી દીધી.

સામંથા-નાગા કનેક્શન સમાપ્ત થયું
નાગા ચૈતન્યએ તેની પૂર્વ પત્ની સામંથાની જે તસવીર ડિલીટ કરી છે તેમાં બંને લાલ રંગની રેસ કારની પાસે ઉભા જોવા મળે છે. તસવીર પોસ્ટ કરતી વખતે, અભિનેતાએ લખ્યું હતું, ‘થ્રોબેક…મિસિસ અને ગર્લફ્રેન્ડ.’ હવે શોભિતા સાથેના બીજા લગ્ન પહેલા આ ફોટો હટાવી દેવામાં આવ્યો છે. નાગા ચૈતન્ય અને સામંથા રૂખ પ્રભુના છૂટાછેડાએ ચાહકોને ખૂબ જ નિરાશ કરી દીધા હતા. હવે બંને પોતપોતાના જીવનમાં આગળ વધી ગયા છે અને એકબીજા સાથેના તમામ સંબંધો તોડી નાખ્યા છે.

નાગા ચૈતન્ય બીજી વખત વર બનવા તૈયાર છે
તમને જણાવી દઈએ કે નાગા ચૈતન્ય અને સામંથા રૂથ પ્રભુએ વર્ષ 2017માં ખૂબ જ ધામધૂમથી લગ્ન કર્યા હતા, પરંતુ લગ્નના 4 વર્ષ પછી બંનેના છૂટાછેડા થઈ ગયા હતા. ઉલ્લેખનીય છે કે નાગા ચૈતન્યએ 8 ઓગસ્ટના રોજ શોભિતા સાથે સગાઈની જાહેરાત કરી હતી. નાગા ચૈતન્ય પહેલા, તેના પિતા અને દક્ષિણના સુપરસ્ટાર નાગાર્જુને તેના પુત્ર અને ભાવિ પુત્રવધૂની સગાઈની તસવીરો શેર કરી હતી.

આ પણ વાંચો : દિલજીતનો કોન્સર્ટ ઘરની બાલ્કનીમાંથી જોઈ રહી હતી નાની છોકરી, સિંગરે શું કર્યું? જૂઓ