રૉયલ એનફિલ્ડની પહેલી ઈલેક્ટ્રિક બાઈકની લોન્ચ તારીખની જાહેરાત, ફોટો પણ થયો લીક

HD ન્યૂઝ ડેસ્ક, 24 ઓકટોબર :  રૉયલ એનફિલ્ડની બાઈક ભારતીય બજારમાં ઘણી લોકપ્રિય છે. હવે બ્રિટિશ ઓટોમેકર પ્રથમ ઇલેક્ટ્રિક બાઇક લોન્ચ કરવાની તૈયારીમાં છે. ઈલેક્ટ્રિક મોટરસાઈકલના લોન્ચિંગમાં માત્ર થોડા જ દિવસો બાકી છે, પરંતુ તે પહેલા આ ઈવીનો પહેલો ફોટો સામે આવ્યો છે. આ તસવીર MCN દ્વારા શેર કરવામાં આવી છે. Royal Enfield Electricનું આ મોડલ બાઇકનું પ્રોટોટાઇપ બની શકે છે.

રૉયલ એનફિલ્ડ ઇલેક્ટ્રિક ક્યારે લોન્ચ થશે?
બાઈક મેન્યુફેક્ચરિંગ કંપનીએ હાલમાં જ Royal Enfield Electric વિશે એક ટીઝર શેર કર્યું હતું, જેમાં ઓટોમેકરે 4 નવેમ્બરની ખાસ તારીખ આપી છે, જેના પરથી અંદાજ લગાવી શકાય છે કે આ EV આ દિવસે માર્કેટમાં લોન્ચ થઈ શકે છે. બાઇક નિર્માતાએ આ બાઇકની રેન્જ તેમજ પર્ફોમન્સ પર ધ્યાન કેન્દ્રિત કર્યું છે.

રૉયલ એનફિલ્ડ ઇલેક્ટ્રિક રેન્જ
રૉયલ એનફિલ્ડ ઇલેક્ટ્રિક આ બ્રાન્ડની અન્ય બાઇક્સની સરખામણીમાં સ્લિમ બોડી સાથે આવી શકે છે. આ EV શહેરની સવારી માટે વધુ સારો વિકલ્પ બની શકે છે. રૉયલ એનફિલ્ડની અન્ય બાઈકની સરખામણીમાં આ મોટરસાઈકલનો દેખાવ પણ અલગ હોઈ શકે છે. Royal Enfieldની આ ઇલેક્ટ્રિક બાઇકની રેન્જ 100 થી 160 કિલોમીટરની વચ્ચે હોઇ શકે છે.

રૉયલ એનફિલ્ડ ev ની કિંમત
રૉયલ એનફિલ્ડ ઇલેક્ટ્રિકની પાવરટ્રેન અને તેની રેન્જ વાહનની કિંમતમાં વધારો કરી શકે છે. આ EVની કિંમત પરંપરાગત બાઇક કરતાં વધુ હોઈ શકે છે. રૉયલ એનફિલ્ડ આ બાઇકમાં ઘણા ફીચર્સનો સમાવેશ કરી શકે છે, જેમાં રાઇડિંગ મોડની સાથે ડ્યુઅલ-ચેનલ ABS પણ સામેલ હોઈ શકે છે. આ મોટરસાઇકલમાં એલોય વ્હીલ્સની સાથે ડિસ્ક બ્રેક પણ મળી શકે છે.

આ પ્રથમ ઈલેક્ટ્રિક બાઈક લૉન્ચ કર્યા બાદ Royal Enfield બજારમાં વધુ મોડલ રજૂ કરી શકે છે. આ પછી રૉયલ એનફિલ્ડ હિમાલયનનું ઇલેક્ટ્રિક મોડલ લાવી શકાય છે.

આ પણ વાંચો : લોરેન્સ બિશ્નોઈ આ મહિલા IPSની દેખરેખ હેઠળ છે, જાણો કોણ છે સાબરમતી જેલના અધિક્ષક?