ભારતીય નૌસેનાની તાકાત વધી: ભારતે લોન્ચ કરી પોતાની ચોથી ન્યુક્લિયર સબમરીન, જાણો ખાસિયત

• આ ન્યુક્લિયર સબમરીન 75% સામાન ભારતમાં જ બન્યો છે

નવી દિલ્હી, 22 ઓકટોબર: ભારતે તેના વિરોધીઓ વિરુદ્ધ તેની પરમાણુ પ્રતિરોધ ક્ષમતાને મજબૂત કરવા વિશાખાપટ્ટનમમાં શિપ બિલ્ડિંગ સેન્ટર (SBC) ખાતે આજે મંગળવારે તેની ચોથી પરમાણુ સંચાલિત બેલિસ્ટિક મિસાઇલ (SSBN) સબમરીન લોન્ચ કરી છે. 16 ઓક્ટોબરે રક્ષા મંત્રી રાજનાથ સિંહે તેને વિશાખાપટ્ટનમમાં શિપ બિલ્ડિંગ સેન્ટરમાં લોન્ચ કરી હતી. તેનો 75% સામાન ભારતમાં જ બન્યો છે. તેનું કોડનેમ “S4” છે. ભારતીય નૌસેનાના INS અરિધમાનને અપગ્રેડ કરવામાં આવ્યું છે અને તે હવે K-4 બેલિસ્ટિક મિસાઈલ લઈ જઈ શકે છે. તે 3500 કિલોમીટરની રેન્જ સાથે ન્યુક્લિયર બેલેસ્ટિક મિસાઈલથી પણ સજ્જ છે. જેને વર્ટિકલ લોન્ચિંગ સિસ્ટમ દ્વારા ફાયર કરી શકાય છે. જ્યારે INS અરિહંત, તેની પ્રથમ શ્રેણી, 750 કિમીની રેન્જ સાથે K-15 પરમાણુ મિસાઈલ લઈ જઈ શકે છે. INS અરિહંત અને INS અરિઘાટ બંને પહેલાથી જ ઊંડા સમુદ્રમાં પેટ્રોલિંગ કરી રહી છે.

INS Aridhamanને S4 નામ આપવામાં આવ્યું

રાષ્ટ્રીય સુરક્ષા આયોજકોએ ભારતની પ્રથમ પરમાણુ સબમરીન INS ચક્રને S1, INS અરિહંતને S2, INS અરિઘાટને S3, INS અરિધમાનને S4 નામ આપ્યું છે. તેના વર્ગની છેલ્લી સબમરીન S4 છે જેનું નામ ઔપચારિક રીતે જાહેર કરવાનું બાકી છે.

કેન્દ્ર સરકાર ચીન જેવા શક્તિશાળી વિરોધીઓ સામે સબમરીન પર વિશેષ ધ્યાન આપી રહી છે. આ કારણે જ સરકારે ભારતીય નૌકાદળ માટે ત્રીજા એરક્રાફ્ટ કેરિયર પર પરમાણુ હુમલો અને બેલિસ્ટિક મિસાઈલ સબમરીનને પ્રાથમિકતા આપી છે. સરકારે આ વર્ષે ડિસેમ્બરમાં ચાલુ થનારી કલવરી વર્ગની સબમરીન INS વાગ્શીર સાથે પરંપરાગત સબમરીન ક્ષમતામાં પણ વધારો કર્યો છે.

આ પણ જુઓ: ભારત-ચીન વચ્ચે LAC પર પેટ્રોલિંગ મુદ્દે થયો કરાર, વિદેશ સચિવે આપી જાણકારી