કૃષ્ણ ભક્તિમાં ડુબ્યાં વિરાટ- અનુષ્કા, કરવાચોથ પર ભજન-કીર્તન કરતાં દેખાયાં મિસ્ટર એન્ડ મિસિસ કોહલી
મુંબઈ, 21 ઓકટોબર : ટીમ ઈન્ડિયાને ન્યૂઝીલેન્ડ સામેની પ્રથમ ટેસ્ટમાં કારમી હારનો સામનો કરવો પડ્યો હતો. આ હાર બાદ ક્રિકેટર વિરાટ કોહલી તેની પત્ની અને અભિનેત્રી અનુષ્કા શર્મા સાથે 20 ઓક્ટોબરે મુંબઈના નેસ્કોમાં અમેરિકન સિંગર કૃષ્ણા દાસ દ્વારા આયોજિત કીર્તનમાં સામેલ થયા હતા. ઈવેન્ટના આયોજકોએ અનુષ્કા શર્મા અને વિરાટ કોહલીની કરવા ચોથની રાત્રે લાઈવ ઈવેન્ટની મજા લેતા તસવીરો શેર કરી હતી. સોશિયલ મીડિયા પર વાયરલ થઈ રહેલી એક તસવીરમાં અનુષ્કા ભીડ સાથે ઊભી રહીને તાળીઓ પાડતી જોઈ શકાય છે. વિરાટ પણ કીર્તનનો આનંદ લેતો જોવા મળે છે.
View this post on Instagram
વિરાટ અને અનુષ્કા શર્માની ખાસ કરવા ચોથ
તસવીરો શેર કરતાં આયોજકોએ લખ્યું – “વિરાટ અને અનુષ્કા આજે મુંબઈના કૃષ્ણદાસ લાઈવમાં આશીર્વાદ લેવા અને શાંત વાતાવરણ સાથે જોડાવા માટે અમારી સાથે જોડાયા હતા. તેમની હાજરીએ સામૂહિક ભક્તિમાં વધારો કર્યો હતો, જે મેળાવડાને વધુ વિશેષ બનાવ્યો હતો.” આ કીર્તન માણતાં બંનેનો એક વીડિયો પણ સામે આવ્યો છે જે વાયરલ થઈ રહ્યો છે.
અગાઉ પણ કૃષ્ણદાસના કીર્તનમાં ભાગ લીધો હતો
આ પહેલીવાર નથી જ્યારે વિરાટ અને અનુષ્કાએ કૃષ્ણ દાસના કીર્તનમાં ભાગ લીધો હોય. આ વર્ષની શરૂઆતમાં આ કપલ લંડનમાં કૃષ્ણ દાસના કિર્તનમાં પણ જોવા મળ્યું હતું. ક્રિકેટના મોરચે, વિરાટ કોહલીએ છેલ્લે ન્યુઝીલેન્ડ સામે બેંગલુરુમાં પ્રથમ ટેસ્ટ રમી હતી, જેમાં ભારતનો આઠ વિકેટે પરાજય થયો હતો.
વિરાટ કોહલી પુણે જવા રવાના થયો
ઉલ્લેખનીય છે કે મુંબઈમાં કીર્તનનો આનંદ માણ્યા બાદ વિરાટ કોહલી હવે સીધો પુણે જવા રવાના થઈ ગયો છે. ભારત અને ન્યુઝીલેન્ડ વચ્ચે બીજી ટેસ્ટ મેચ અહીં રમાશે. આ મેચ 24 ઓક્ટોબર 2024ના રોજ મહારાષ્ટ્ર ક્રિકેટ એસોસિએશન સ્ટેડિયમમાં શરૂ થવાની છે. સિરીઝમાં 1-0થી પાછળ રહ્યા બાદ ભારતીય ટીમ ત્રીજી ટેસ્ટ માટે મુંબઈમાં પ્રવેશતા પહેલા સિરીઝ બરોબરી કરવાનો પ્રયાસ કરશે.
અનુષ્કા શર્માની આગામી ફિલ્મ
જો અનુષ્કા શર્માના વર્ક ફ્રન્ટ વિશે વાત કરીએ તો, તે ઝુલન ગોસ્વામીની બાયોપિક ‘ચકડા એક્સપ્રેસ’થી કમબેક કરવા જઈ રહી હતી. જો કે અભિનેત્રી ફરી માતા બન્યા બાદ તેની ફિલ્મની રિલીઝ ડેટ હજુ જાહેર કરવામાં આવી નથી. અનુષ્કા છેલ્લે ‘ઝીરો’માં જોવા મળી હતી, જેમાં શાહરૂખ ખાન લીડ રોલમાં જોવા મળ્યો હતો. આ પછી તે ‘કાલા’ના એક ગીત ‘ઘોડે પે સવાર’માં જોવા મળી હતી.
આ પણ વાંચો : દિવાળી પહેલા ઘરમાંથી કાઢી નાખજો આ વસ્તુઓ, નહીં તો પૈસાની થશે તંગી
