તહેવારોની સિઝન માટે Toyota Taisorનું લિમિટેડ એડિશન લોન્ચ, ખરીદનારાઓને મોટો ફાયદો
- મર્યાદિત સમય માટે અર્બન ક્રુઝર ટાઈસરની નવી આવૃત્તિ તરીકે લિમિટેડ એડિશનને લોન્ચ કરવામાં આવ્યું
નવી દિલ્હી, 16 ઓકટોબર: ક્રોસ ઓવર SUV Toyota Taisorની લિમિટેડ એડિશન જાપાની ઉત્પાદક ટોયોટા દ્વારા આજે બુધવારે લોન્ચ કરવામાં આવ્યું છે, જે ભારતીય બજારમાં ઘણા સેગમેન્ટમાં વાહનોનું વેચાણ કરે છે. મર્યાદિત સમય માટે ક્રોસઓવર SUV સેગમેન્ટમાં ઓફર કરાયેલી Urban Cruiser Taisorની નવી આવૃત્તિ તરીકે લિમિટેડ એડિશનને લોન્ચ કરવામાં આવ્યું છે. ખાસ વાત એ છે કે, SUVની આ નવી એડિશન માત્ર 31 ઓક્ટોબર સુધી જ વેચાણ માટે ઉપલબ્ધ રહેશે.
વિશેષતા શું છે?
Toyota Urban Cruiser Taisor કારના લિમિટેડ એડિશનમાં કેટલીક એક્સેસરીઝ કોમ્પ્લીમેન્ટરી તરીકે આપવામાં આવી રહી છે. આ માટે કંપની દ્વારા કોઈ વધારાનો ચાર્જ લેવામાં આવશે નહીં. આવી સ્થિતિમાં SUV સાથે 20, 160 રૂપિયાની છ એસેસરીઝ આપવામાં આવશે. તેમાં ગ્રે અને રેડ કલરમાં ફ્રન્ટ અને રિયર અન્ડર સ્પોઇલર્સ, પ્રીમિયમ ડોર સિલ ગાર્ડ્સ, હેડલેમ્પ્સ અને ફ્રન્ટ ગ્રિલ માટે ક્રોમ ગાર્નિશ, બોડી સાઇડ મોલ્ડિંગ, ડોર વિઝર પ્રીમિયમ અને ઓલ-વેધર 3D મેટ્સ સાથે વેલકમ ડોર લેમ્પનો સમાવેશ થાય છે.
અધિકારીઓએ આ માહિતી આપી
Toyotaના સેલ્સ સર્વિસ બિઝનેસના વાઇસ પ્રેસિડેન્ટ સબરી મનોહરે જણાવ્યું કે, “ટોયોટામાં, અમારા પ્રયાસો હંમેશા અમારા ગ્રાહકોના ખાસ અવસરો અને ઉજવણીનો ભાગ બનવા પર કેન્દ્રિત રહ્યા છે, જે આનંદદાયક, ગ્રાહક-કેન્દ્રિત અનુભવો બનાવવા પ્રત્યેની અમારી પ્રતિબદ્ધતાને પ્રતિબિંબિત કરે છે. અર્બન ક્રુઝર હાઈડર ફેસ્ટિવ એડિશનના તાજેતરના લોન્ચ બાદ, અમે અર્બન ક્રુઝર ટૈસર ફેસ્ટિવ એડિશન રજૂ કરવા માટે ઉત્સાહિત છીએ, જે આ તહેવારની સિઝનમાં કંઈક નવું અને રોમાંચક લાવવા માટે ડિઝાઇન કરવામાં આવ્યું છે.
કેટલી છે કિંમત?
Toyota પોતાની આ SUVને પેટ્રોલ, CNG અને ટર્બો એન્જિનના વિકલ્પ સાથે વેચાણ માટે ઉપલબ્ધ કરાવે છે. તેની એક્સ-શોરૂમ કિંમત રૂ. 7.73 લાખથી શરૂ થાય છે અને તેનું ટોપ વેરિઅન્ટ રૂ. 12.87 લાખની એક્સ-શોરૂમ કિંમતે ઉપલબ્ધ કરાવવામાં આવે છે. આ માટે 11,000 રૂપિયામાં ઓનલાઈન અથવા ઓફલાઈન મોડમાં બુકિંગ કરાવી શકાય છે.
કોની સાથે છે સ્પર્ધા?
ભારતીય બજારમાં આ કારને ક્રોસઓવર SUV તરીકે Toyota દ્વારા લાવવામાં આવી છે. તેની સીધી સ્પર્ધા Maruti Fronx, Nissan Magnite, Renault Kiger, Hyundai Venue, Kia Sonet, Maruti Brezza જેવી SUV સાથે છે.
આ પણ જૂઓ: Googleએ Android 15 રિલીઝ કર્યું, કયા ફોનમાં મળશે આ અપડેટ? જાણો
