હરિયાણાના નવા CMના શપથ ગ્રહણ સમારોહની તૈયારીઓ પૂરજોશમાં, આજે થશે બેઠક

• કેન્દ્રીય ગૃહ મંત્રી અમિત શાહની અધ્યક્ષતામાં યોજાનારી બેઠકમાં ધારાસભ્ય દળના નેતાની પસંદગી કરવામાં આવશે

પંચકુલા, 16 ઓકટોબર: હરિયાણાના નવા સીએમના શપથ ગ્રહણ સમારોહની તૈયારીઓ પૂરજોશમાં ચાલી રહી છે. આ દરમિયાન ગઇકાલે મુખ્ય પ્રધાન નાયબ સિંહ સૈનીએ 17 ઓક્ટોબરે નવા મુખ્ય પ્રધાનના શપથ ગ્રહણ સમારોહ પહેલાં વ્યવસ્થાનું નિરીક્ષણ કર્યું હતું. આ સમયે પંચકુલાના ડીસી ડૉ. યશ ગર્ગ પણ હાજર હતા. ત્યારે આજે બુધવારે ધારાસભ્ય દળની બેઠક મળશે, જેમાં ધારાસભ્ય દળના નેતાની પસંદગી કરવામાં આવશે. ઉલ્લેખનીય છે કે, તેની અધ્યક્ષતા કેન્દ્રીય ગૃહ મંત્રી અમિત શાહ કરશે.

#WATCH | Panchkula DC Dr Yash Garg says, “The preparations are going on in full swing ahead of the swearing-in ceremony of the New Haryana CM. Chief Ministers, Deputy Chief Ministers, Governors of various states and Central Ministers are expected to attend the ceremony. PM Modi… https://t.co/OKcQWShjYl pic.twitter.com/kGIz9HMceJ

— ANI (@ANI) October 15, 2024

ધારાસભ્ય દળની બેઠકનું આયોજન

મળતી માહિતી અનુસાર, ગૃહમંત્રી અમિત શાહ અને મધ્યપ્રદેશના CM મોહન યાદવ કેન્દ્રીય નિરીક્ષક તરીકે વિધાનસભા પક્ષની બેઠકમાં હાજરી આપશે. ભાજપના પ્રદેશ અધ્યક્ષ મોહનલાલ બડોલીએ કહ્યું કે, આ બેઠક પંચકુલામાં પાર્ટી કાર્યાલયમાં યોજાશે, જેમાં પાર્ટી વિધાયક દળના નેતાની પસંદગી કરવામાં આવશે અને વિધાયક દળના નેતા રાજ્યના આગામી મુખ્યમંત્રી હશે.

ત્રણ સ્તરીય સુરક્ષા કોર્ડન હશે

મળતી માહિતી મુજબ, શપથ ગ્રહણ સમારોહમાં વડાપ્રધાન નરેન્દ્ર મોદી મુખ્ય અતિથિ હશે. PM મોદીના આગમન માટે શપથ ગ્રહણ સમારોહમાં વડાપ્રધાન મોદી ઉપરાંત કેન્દ્રીય ગૃહમંત્રી અમિત શાહ પણ હાજર રહેશે. PMની આસપાસ ત્રણ સ્તરીય સુરક્ષા કોર્ડન રહેશે અને સ્ટેજની નજીક સુરક્ષા વ્યવસ્થામાં કોઈ બેદરકારી રાખવામાં આવશે નહીં. આ ઉપરાંત આરોગ્ય વિભાગ દ્વારા ઘણી એમ્બ્યુલન્સ પણ તૈનાત કરવામાં આવશે અને તબીબોની ટીમો પણ એલર્ટ મોડ પર રહેશે.

પંચકુલાના DCએ તૈયારીઓ અંગે માહિતી આપી હતી

પંચકુલાના ડીસી ડો. યશ ગર્ગે તૈયારીઓ અંગે મીડિયા સાથે વાત કરી. તેમણે કહ્યું હતું કે, “હરિયાણાના નવા સીએમના શપથ ગ્રહણ સમારોહની તૈયારીઓ પૂરજોશમાં ચાલી રહી છે. ઘણા રાજ્યોના મુખ્યમંત્રીઓ, નાયબ મુખ્યમંત્રીઓ, રાજ્યપાલો અને કેન્દ્રીય મંત્રીઓ આ સમારોહમાં હાજરી આપે તેવી અપેક્ષા છે. વડાપ્રધાન મોદી પણ શપથ ગ્રહણ સમારોહમાં સામેલ થશે, યોગ્ય વ્યવસ્થા કરવામાં આવી છે.”

કયા-કયા નેતાઓને આમંત્રણ મોકલી શકાય છે?

આ શપથ ગ્રહણ સમારોહને લઈને ભાજપ વિપક્ષી નેતાઓને પણ આમંત્રણ મોકલશે. આ પૈકી પૂર્વ મુખ્યમંત્રી ઓમપ્રકાશ ચૌટાલા, પૂર્વ મુખ્યમંત્રી ભૂપેન્દ્રસિંહ હુડ્ડા, પૂર્વ મંત્રી રણજીત ચૌટાલા, પૂર્વ મંત્રી બિરેન્દ્ર સિંહ, પૂર્વ નાયબ મુખ્યમંત્રી દુષ્યંત ચૌટાલા, પૂર્વ ધારાસભ્ય અભય ચૌટાલાને પણ કોલ મોકલવામાં આવશે. ઉલ્લેખનીય છે કે, 17 ઓક્ટોબરે વર્તમાન કાર્યકારી મુખ્યમંત્રી નાયબ સિંહ સૈની હરિયાણાના મુખ્યમંત્રી તરીકે શપથ લેશે.

આ પણ જૂઓ: ધો.10 અને ધો.12 બોર્ડની પરીક્ષાની તારીખ જાહેર, જૂઓ આખું શેડયૂઅલ