સુરતમાં 200 કિલો વજન ધરાવતા વ્યક્તિએ કર્યો આપઘાતનો પ્રયાસઃ પછી શું થયું જાણો
સુરત, 14 ઓકટોબર : ગુજરાતના સુરતમાંથી એક ચોંકાવનારો કિસ્સો સામે આવ્યો છે. અહીં 200 કિલો વજનના વ્યક્તિએ ચોથા માળે આત્મહત્યા કરવાનો પ્રયાસ કર્યો હતો. પરંતુ આ વ્યક્તિને નીચે લાવવા માટે લગભગ એક ડઝન લોકોને આટા આવી ગયા.
શું છે સમગ્ર મામલો?
સુરતના અમરોલીમાં એક એપાર્ટમેન્ટના ચોથા માળે રહેતા યુવકે આત્મહત્યા કરવા માટે પોતાના બંને હાથની નસો કાપી નાખી હતી. 200 કિલો વજન ધરાવતા યુવકને એપાર્ટમેન્ટમાંથી સારવાર માટે નીચે લાવવાનો હતો પરંતુ પાડોશીઓના તમામ પ્રયાસો છતાં તે તેમ કરી શક્યા ન હતા.
માણસનું વજન વધારે હોવાને કારણે તેને નીચે લાવી શકાયો ન હતો. આવી સ્થિતિમાં યુવકને નીચે લાવવા માટે પોલીસ અને ફાયર બ્રિગેડના જવાનોને મદદ માટે બોલાવવામાં આવ્યા હતા. 11 જેટલા પોલીસકર્મીઓ અને ફાયરમેનોએ મળીને કપડાની મોટી થેલી બનાવી યુવકને વચ્ચે બેસાડી ચોથા માળેથી નીચે ઉતાર્યો હતો.
પોલીસે શું કહ્યું?
પોલીસના જણાવ્યા અનુસાર અમરોલી ક્રોસ રોડ સ્થિત સતાધાર સોસાયટી એપાર્ટમેન્ટના ચોથા માળે રહેતા કલ્પેશ ભટ્ટે રવિવારે સાંજે અગમ્ય કારણોસર પોતાના બંને હાથની નસો કાપીને આપઘાત કરવાનો પ્રયાસ કર્યો હતો. તેને લોહીલુહાણ જોઈને પરિવારજનો ગભરાઈ ગયા હતા. તેણે આજુબાજુના લોકોની મદદથી કલ્પેશને નીચે ઉતારવાનો પ્રયાસ કર્યો હતો પરંતુ નિષ્ફળ રહ્યો હતો.
પરિવારે ઘટના અંગે પોલીસને જાણ કરી હતી. પોલીસની ટીમ પણ ઘટનાસ્થળે પહોંચી ગઈ હતી અને કલ્પેશને નીચે ઉતારવાનો ભરપૂર પ્રયાસ કર્યો હતો. યુવકનું વજન એટલું ભારે હતું કે તેઓ સફળ ન થયા. આખરે થાકી જતાં ફાયર બ્રિગેડના જવાનોની મદદ લેવી પડી હતી. ફાયર કર્મીઓએ જણાવ્યું હતું કે યુવકનું વજન ઘણું વધારે હતું. તેના બંને કાંડામાંથી લોહી વહી રહ્યું હતું. આથી મજબુત કાપડની થેલી બનાવી યુવકને બેગમાં મુક્યા બાદ 11 લોકોએ તેને ઉપાડીને ચોથા માળેથી નીચે ઉતાર્યો હતો. વ્યક્તિને નીચે લાવવા માટે 7 ફાયરમેન અને 4 પોલીસ કર્મચારીઓએ ભારે જહેમત ઉઠાવવી પડી હતી.
આ પણ વાંચો : લગ્ન કે છૂટાછેડાનાં સોગંદનામાં નોટરી કરી જ ન શકેઃ સરકારે પરિપત્ર દ્વારા કરી સ્પષ્ટતા, જાણો પૂરી વિગત
