સલમાન ખાનના ઘરની સુરક્ષા વધારાઈ, બાબા સિદ્દીકીની હત્યા પાછળ લોરેન્સ બિશ્નોઈ

મુંબઈ – 13 ઓકટોબર :  NCP નેતા બાબા સિદ્દીકીની આઘાતજનક હત્યાએ મુંબઈમાં હેબતાઈ ગયા છે. સોશિયલ મીડિયા પર બાબા સિદ્દીકી હત્યા સાથે જોડાયેલા સમાચારોનું પૂર છે. શનિવારે ત્રણ હુમલાખોરોએ તેમની ઓફિસની બહાર ગોળી મારી હત્યા કરી હતી.લોરેન્સ બિશ્નોઈ ગેંગે આ ઘટનાની જવાબદારી સ્વીકારી છે, ત્યારે મુંબઈ પોલીસે સલમાન ખાનના ગેલેક્સી એપાર્ટમેન્ટની બહાર સુરક્ષા વધારી દીધી છે.

સોશિયલ મીડિયા પર એક વીડિયો વાયરલ થયો છે, જેમાં ગેલેક્સીની બહાર સારી એવી સુરક્ષા જોઈ શકાય છે. બાબા સિદ્દીકીની હત્યાથી મુંબઈ પોલીસ પરેશાન છે. એક અહેવાલમાં, એક સ્ત્રોતે જણાવ્યું હતું કે “યોગ્ય પગલાં લેવામાં આવી રહ્યા છે.” ANI દ્વારા શેર કરવામાં આવેલા વીડિયોમાં, બાંદ્રામાં સલમાનના ગેલેક્સી એપાર્ટમેન્ટની બહાર કેટલાય સતર્ક પોલીસ કર્મચારીઓને
જોઈ શકાય છે.

 

View this post on Instagram

 

A post shared by Viral Bhayani (@viralbhayani)

સલમાન ખાનના ઘરે સુરક્ષા વધારી દેવામાં આવી
એવા પણ સમાચાર છે કે સલમાન ખાનની ટીમે બાબા સિદ્દીકીની હત્યાના સમાચાર મળતા જ બિગ બોસ 18નું શૂટિંગ રોકાવડાવી દીધું હતું. અભિનેતાને હોસ્પિટલમાં જવાની મનાઈ હતી, પરંતુ સલમાન તેની સુરક્ષા સાથે લીલાવતી હોસ્પિટલ પહોંચ્યો હતો. થોડા સમય પહેલા બાબા સિદ્દીકીને ધમકી મળી હતી. સલમાન ખાનને પણ ઘણી વખત ધમકીઓ પણ મળી છે.

આટલું જ નહીં, શુભુ લોંકર નામની વ્યક્તિની પોસ્ટ ફેસબુક પર શેર કરવામાં આવી છે. આ પોસ્ટમાં લખ્યું છે કે, સલમાન ખાન, અમે આ યુદ્ધ ઇચ્છતા ન હતા, પરંતુ તમે અમારા ભાઈને નુકસાન પહોંચાડ્યું… આજે બાબા સિદ્દીકીની શાલીનતાના બતાવી રહ્યા છે, એક સમયે દાઉદ મકોકા એક્ટ હેઠળ હતો. તેના મૃત્યુનું કારણ અનુજ થાપન અને દાઉદને બોલિવૂડ, રાજકારણ, પ્રોપર્ટી ડીલિંગ સાથે જોડવાનું હતું. આ પોસ્ટમાં ઘણું બધું લખ્યું છે.

આ પણ વાંચો : બાબા સિદ્દીકીની હત્યાથી બોલિવૂડમાં માતમ, સંજય દત્ત-શિલ્પા શેટ્ટી સહિતના સ્ટાર પહોંચ્યા હોસ્પિટલ