આખરે Air India નું ફ્લાઈટનું સુરક્ષિત બેલી લેન્ડિંગ કરાયું, તમામ 141 મુસાફરોએ લીધો રાહતનો શ્વાસ
- ત્રિચી એરપોર્ટ ઉપર લેન્ડ કરાયું
- એરક્રાફ્ટનું હાઇડ્રોલિક ખરાબ થઈ જતા ઈમરજન્સી લેન્ડ કરાયું
- વિમાનમાં ઈંધણ બાળવા ત્રણેક કલાક સુધી હવામાં રહ્યું
- આખરે 8.15 કલાકે બેલી લેન્ડિંગ કરાયું
ત્રિચી, 11 ઓક્ટોબર : ગંભીર ટેકનિકલ ખામી બાદ એર ઈન્ડિયાના વિમાને સફળતાપૂર્વક બેલી લેન્ડિંગ કર્યું. આ પ્લેનમાં 141 લોકો સવાર હતા. વિમાન કેરળના ત્રિચીથી શારજાહ જઈ રહ્યું હતું. રિપોર્ટ અનુસાર પ્લેનના પૈડા ખૂલી રહ્યા ન હતા. આ કારણોસર બેલી લેન્ડિંગ કરવામાં આવ્યું હતું. લેન્ડિંગ પહેલા પ્લેન લગભગ બે કલાક હવામાં ચક્કર મારતું રહ્યું જેથી તેનું ઈંધણ બળી જાય.
જ્યારે એરક્રાફ્ટનું વ્હીલ ખુલતું નથી ત્યારે બેલી લેન્ડિંગ કરવામાં આવે છે. આવી સ્થિતિમાં પ્લેનને તેના પેટ પર લેન્ડ કરવામાં આવ્યું હતું. આ પ્રક્રિયામાં બે કલાકથી વધુ સમય લાગ્યો હતો. આ સમય દરમિયાન, પ્લેનમાં સવાર તમામ મુસાફરો અને ક્રૂ મેમ્બર્સનો જીવ જોખમમાં રહ્યો હતો. પરંતુ પાયલોટે ભારે ડહાપણ દાખવ્યું અને પ્લેનનું સફળ લેન્ડિંગ કરાવ્યું.
#WATCH | Tamil Nadu: Air India flight from Trichy to Sharjah faced a technical problem (Hydraulic failure) and is rounding in air space to decrease the fuel before landing at Trichy airport. More than 20 Ambulances and fire tenders are placed at the airport to make sure no big… pic.twitter.com/rEiF6mSZz2
— ANI (@ANI) October 11, 2024
આ ક્રમમાં આકાશમાં વિમાનના ઈંધણને બાળવાનો પ્રયાસ કરવામાં આવી રહ્યો હતો. બેલી લેન્ડિંગ એ ખૂબ જ ખતરનાક પ્રક્રિયા છે. ટેક્નિકલ ખામી બાદ પ્લેનને ત્રિચી પરત બોલાવવામાં આવ્યું હતું. વિમાન બળતણ સમાપ્ત થવા માટે ત્રિચીના આકાશમાં ચક્કર લગાવી રહ્યું હતું. આ ઘટના સાંજે 5.45 કલાકે બની હતી. જે બાદ રાત્રે લગભગ 8.15 કલાકે બેલી લેન્ડિંગ સફળતાપૂર્વક કરવામાં આવ્યું હતું. આ દરમિયાન એરપોર્ટ પર તમામ ઈમરજન્સી વ્યવસ્થા કરવામાં આવી હતી. 20 એમ્બ્યુલન્સ અને 18 ફાયર બ્રિગેડની ગાડીઓ તૈનાત કરવામાં આવી હતી.
બેલી લેન્ડિંગ કેવી રીતે કરવામાં આવે છે?
બેલી લેન્ડિંગ દરમિયાન, પાયલોટ વિમાનને ખૂબ જ કાળજીપૂર્વક નિયંત્રિત કરે છે જેથી તે ધીમે ધીમે અને સુરક્ષિત રીતે ઉતરી શકે. રનવે સાથેનો સંપર્ક એરક્રાફ્ટના પેટના નીચેના ભાગ સાથે કરવામાં આવે છે અને પાઈલટ રનવેની મોટાભાગની લંબાઈનો ઉપયોગ કરીને વિમાનને ધીમી ગતિએ લાવવાનો પ્રયાસ કરે છે. બેલી લેન્ડિંગ એરક્રાફ્ટના અંડરકેરેજને નુકસાન પહોંચાડી શકે છે, પરંતુ જો યોગ્ય રીતે કરવામાં આવે તો તે મુસાફરો અને ક્રૂ માટે સલામત છે.
આ પરિસ્થિતિઓમાં હાઇડ્રોલિક નિષ્ફળતા થાય છે
એરક્રાફ્ટમાં હાઇડ્રોલિક નિષ્ફળતા ત્યારે થાય છે જ્યારે લેન્ડિંગ ગિયર, બ્રેક્સ અને ફ્લૅપ્સ જેવા મહત્વપૂર્ણ ભાગોને નિયંત્રિત કરવા દબાણયુક્ત પ્રવાહીનો ઉપયોગ કરતી સિસ્ટમ યોગ્ય રીતે કામ કરવાનું બંધ કરે છે. ત્રિચી જિલ્લા કલેક્ટરે આજ તકને જણાવ્યું હતું કે એરપોર્ટ ડિરેક્ટરે જણાવ્યું હતું કે ચિંતા કરવા જેવું કંઈ નથી અને વિમાન સુરક્ષિત રીતે ઉતરી ગયું છે. સાવચેતી તરીકે, અમે એમ્બ્યુલન્સ અને બચાવ ટીમોને સ્ટેન્ડબાય પર રાખી હતી. જિલ્લા કલેક્ટરે જણાવ્યું હતું.
