મુલતાન ટેસ્ટ : 147 વર્ષના ઇતિહાસમાં પાકિસ્તાનની સૌથી ખરાબ હાર, જાણો શું થયું મેચમાં

મુલતાન, 11 ઓક્ટોબર : ઈંગ્લેન્ડે ટેસ્ટ શ્રેણીની પ્રથમ મેચમાં પાકિસ્તાનને એક દાવ અને 47 રને હરાવ્યું હતું.  પાકિસ્તાનની આ સૌથી શરમજનક હાર છે. આ હારની સાથે જ તેના કપાળ પર કલંક પણ લાગી ગયું છે. ટેસ્ટ ક્રિકેટના 147 વર્ષ જૂના ઇતિહાસમાં પાકિસ્તાનને સૌથી મોટી હારનો સામનો કરવો પડ્યો છે. આ માટે એક મહત્વપૂર્ણ કારણ છે. આ પ્રથમ વખત બન્યું છે કે જ્યારે કોઈ ટીમ પ્રથમ દાવમાં 500થી વધુ રન બનાવ્યા બાદ ઇનિંગ્સ અને રનના તફાવતથી હારી હોય.

પાકિસ્તાને પ્રથમ દાવમાં 556 રન ફટકાર્યા હતા

ટેસ્ટ ક્રિકેટમાં અત્યાર સુધી એવું ક્યારેય બન્યું નથી કે કોઈ ટીમ પ્રથમ દાવમાં 500થી વધુ રન બનાવતી હોય અને ઇનિંગ્સના માર્જિનથી હારી હોય. પરંતુ મુલ્તાન ટેસ્ટમાં આ રેકોર્ડ તૂટી ગયો હતો. આ રીતે પાકિસ્તાનના નામ સાથે શરમજનક હારનો ઉમેરો થયો છે. પાકિસ્તાને પ્રથમ દાવમાં 556 રન બનાવ્યા હતા. પરંતુ બીજા દાવમાં ટીમ 220 રનના સ્કોર પર પડી ભાંગી હતી. બીજી ઈનિંગમાં ઈંગ્લેન્ડના બોલરોનો સંપૂર્ણ દબદબો રહ્યો હતો.

પાકિસ્તાનના પ્રથમ દાવમાં ત્રણ સદી ફટકારી હતી

પાકિસ્તાને પ્રથમ દાવમાં 556 રન બનાવ્યા હતા. આ દરમિયાન શફીક, શાન મસૂદ અને આઘા સલમાને સદી ફટકારી હતી. શફીકે 184 બોલનો સામનો કરીને 102 રન બનાવ્યા હતા. શાન મસૂદે 151 રનની ઇનિંગ રમી હતી.  તેણે 13 ચોગ્ગા અને 2 છગ્ગા ફટકાર્યા હતા. આઘા સલમાન 104 રન બનાવીને અણનમ રહ્યો હતો. 119 બોલનો સામનો કરીને તેણે 10 ચોગ્ગા અને 3 છગ્ગા ફટકાર્યા હતા.

ઈંગ્લેન્ડે પ્રથમ દાવમાં તોડ્યા ઘણા રેકોર્ડ

ટીમ માટે હેરી બ્રુકે ત્રેવડી સદી ફટકારી હતી. તેણે 317 રનની ઇનિંગ રમી હતી. બ્રુકે 317 રનની જોરદાર ઇનિંગ રમી હતી.  322 બોલનો સામનો કરતા તેણે 29 ચોગ્ગા અને 3 છગ્ગા ફટકાર્યા હતા. જો રૂટે બેવડી સદી ફટકારી હતી.  તેણે 262 રન બનાવ્યા હતા. આ રીતે ઈંગ્લેન્ડે 823 રન બનાવીને પ્રથમ દાવ ડિકલેર કર્યો હતો. જવાબમાં પાકિસ્તાનની ટીમ બીજા દાવમાં 220 રન બનાવીને ઓલઆઉટ થઈ ગઈ હતી.

સૌથી વધુ સદી ફટકારી પરંતુ હજુ પણ હારી ગયા 

મુલ્તાન ટેસ્ટમાં પાકિસ્તાન માટે સૌથી વધુ સદી ફટકારી હતી. પરંતુ તેમ છતાં ટીમ હારી ગઈ. આ ત્રીજી વખત છે જ્યારે કોઈ ટીમે સૌથી વધુ સદી ફટકારી હોય અને હારનો સામનો કરવો પડ્યો હોય. 1992માં શ્રીલંકા અને ઓસ્ટ્રેલિયા વચ્ચે કોલંબોમાં રમાયેલી મેચમાં 3 સદી ફટકારવામાં આવી હતી.  પરંતુ આમાં શ્રીલંકાને હારનો સામનો કરવો પડ્યો હતો.  પાકિસ્તાને મુલતાન ટેસ્ટમાં પણ 3 સદી ફટકારી હતી અને હારનો સામનો કરવો પડ્યો હતો. અગાઉ 2022માં પણ પાકિસ્તાન સાથે આવું જ કંઈક થયું હતું.

આ પણ વાંચો :- ટાટા ટ્રસ્ટના નવા ચેરમેન હશે નોએલ ટાટા, બેઠકમાં લેવાયો મહત્ત્વનો નિર્ણય