જુનિયર ડોક્ટરોની ભૂખ હડતાળ પર IMAએ મમતા બેનરજીને લખ્યો પત્ર, કહ્યું: ‘વિશ્વાસ છે કે…’

• ઈન્ડિયન મેડિકલ એસોસિએશન જુનિયર ડોક્ટરોની વાજબી માંગણીઓને સમર્થન આપે છે

કોલકાતા, 11 ઓકટોબર: ઈન્ડિયન મેડિકલ એસોસિએશન (IMA)એ પશ્ચિમ બંગાળના મુખ્યમંત્રી મમતા બેનરજીને જુનિયર ડોક્ટરોની ચાલી રહેલી ભૂખ હડતાળને લઈને પત્ર લખ્યો છે. ઈન્ડિયન મેડિકલ એસોસિએશને CMને લખેલા પત્રમાં કહ્યું છે કે, ‘બંગાળના યુવા ડોક્ટરો આમરણાંત ઉપવાસ કરી રહ્યા છે તેમને લગભગ એક સપ્તાહ થઈ ગયું છે. ઈન્ડિયન મેડિકલ એસોસિએશન તેમની વાજબી માંગણીઓને સમર્થન આપે છે. ભારતનો સમગ્ર તબીબી સમુદાય ચિંતિત છે અને વિશ્વાસ છે કે તમે તેમનો જીવ બચાવી શકશો. જો ઈન્ડિયન મેડિકલ એસોસિએશનની ઓફિસો કોઈપણ રીતે મદદ કરી શકે તો અમે રાજીખુશીથી મદદ કરીશું.”

Indian Medical Association (IMA) writes a letter to West Bengal CM Mamata Banerjee regarding the ongoing hunger strike of Junior doctors.

“It is almost a week since the young doctors of Bengal are on a fast-unto-death struggle. Indian Medical Association supports their just… pic.twitter.com/CO4yBsHDhd

— ANI (@ANI) October 11, 2024

ડોકટરોના પ્રશ્નો ઉકેલવા અપીલ

આ સાથે IMAએ કહ્યું કે, ‘જુનિયર ડૉક્ટર તમારું (CM મમતા બેનર્જી) તાત્કાલિક ધ્યાન મેળવવાના હકદાર છે. પશ્ચિમ બંગાળ સરકાર તમામ માગણીઓ પૂરી કરવા માટે સંપૂર્ણ રીતે સક્ષમ છે. શાંતિપૂર્ણ વાતાવરણ અને સુરક્ષા એ લક્ઝરી નથી. તેઓ એક પૂર્વશરત છે. અમે તમને એક વડીલ અને સરકારના વડા તરીકે ડોક્ટરોની યુવા પેઢી સાથેના પ્રશ્નોના ઉકેલ માટે અપીલ કરીએ છીએ.

40 ડોક્ટરોએ રાજીનામું આપ્યું

ઉલ્લેખનીય છે કે, કોલકાતાની સરકારી SSKM હોસ્પિટલના 40 ડોક્ટરોએ ગુરુવારે સામૂહિક રાજીનામું આપી દીધું હતું. તેમની માંગણીઓને લઈને 5 ઓક્ટોબરથી ભૂખ હડતાળ પર બેઠેલા જુનિયર ડોકટરો સાથે આ ડોકટરોએ એકતા દર્શાવી છે.

વિરોધમાં ડોક્ટરોએ રાજીનામા પર કરી હતી સહી 

આ ઘટના એવા સમયે બહાર આવી છે જ્યારે થોડા દિવસો પહેલા વિવિધ હોસ્પિટલોના ઘણા સિનિયર ડોકટરોએ રાજીનામા પર હસ્તાક્ષર કર્યા હતા. ત્યારબાદ તબીબોએ સ્પષ્ટતા કરી હતી કે, તે પ્રતીકાત્મક છે. ભવિષ્યમાં પણ રાજીનામું આપશે.

9 જુનિયર ડોક્ટર આમરણાંત ઉપવાસ પર

સાત કોલકાતા અને બે ઉત્તર બંગાળના સહિત નવ જુનિયર ડોકટરો આમરણાંત ઉપવાસ પર છે. SSKM હોસ્પિટલના ડૉક્ટર ગૌતમ દાસે કહ્યું કે, ‘અમે વિરોધ કરી રહેલા ડૉક્ટરોના સ્વાસ્થ્યને લઈને ખૂબ જ ચિંતિત છીએ.’

આ પણ જૂઓ: PM મોદીના લાઓસ પ્રવાસનો બીજો દિવસ, પૂર્વ એશિયા સમિટમાં લેશે ભાગ