રણબીર સાથે બોલ્ડ સીન આપનારી તૃપ્તિ ડિમરી ‘એનિમલ’ની રીલીઝ બાદ ધ્રુસકે ધ્રુસકે કેમ રડતી હતી?

• તૃપ્તિ ડિમરી હવે ખૂબ જ લોકપ્રિય થઈ ગઈ છે.  તેને સૌથી વધુ સ્ટારડમ સંદીપ વાંગા રેડ્ડીની એનિમલથી મળ્યું હતું, આ ફિલ્મમાં બોલ્ડ પાત્રને લીધે તે ટ્રોલ પણ થઈ હતી

9 ઓક્ટોબર, મુંબઈઃ બોલિવૂડમાં લૈલા મજનુ (2018) ફિલ્મથી લીડ એક્ટ્રેસ તરીકે ડેબ્યૂ કરનાર તૃપ્તિ ડિમરી હવે ખૂબ જ લોકપ્રિય થઈ ગઈ છે. મોમ, પોસ્ટર બોયઝ અને બુલબુલ જેવી ફિલ્મોમાં કામ કર્યા પછી, તૃપ્તિને સૌથી વધુ સ્ટારડમ સંદીપ વાંગા રેડ્ડીની એનિમલ (2023)થી મળ્યું હતું. આ ફિલ્મમાં તેના બોલ્ડ પાત્રને કારણે તેને ખૂબ ટ્રોલ પણ કરવામાં આવી હતી.

તૃપ્તીએ એનિમલમાં આપ્યા હતા બોલ્ડ સીન્સ

એનિમલમાં તૃપ્તિનું કેમિયો કેરેક્ટર હતું, પરંતુ આ ફિલ્મને કારણે તે રાતોરાત ફેમસ થઈ ગઈ હતી. તેણે ફિલ્મમાં ઝોયાની ભૂમિકા ભજવી હતી અને રણબીર કપૂર સાથે ઘણા ઈન્ટિમેટ સીન આપ્યા હતા. જેના કારણે તેને ઘણી ટીકા સહન કરવી પડી હતી. ઈન્ટીમેટ સીન્સના કારણે તે ખૂબ જ ટ્રોલીંગનો શિકાર બની હતી. હવે તેણે આ વિશે ખુલ્લેઆમ વાત કરી છે અને કહ્યું છે કે તે આ ટ્રોલિંગને કારણે ખૂબ રડતી હતી.

પોતાની જાતને રૂમમાં બંધ કરીને રડતી હતી તૃપ્તિ

રણવીર અલ્લાહબાદિયાના પોડકાસ્ટમાં સામેલ થયેલી તૃપ્તિ ડિમરીએ પોતાના શરૂઆતના સંઘર્ષ, ફેમ અને ‘એનિમલ’ બ્લોકબસ્ટર બન્યા બાદ ટીકાઓનો શિકાર બનવા અંગે પોતાના અનુભવો શેર કર્યા છે. તેણે કહ્યું કે તે આ પગલા માટે તે પહેલેથી જ તૈયાર હતી, છતાં પણ 2-3 દિવસ સુધી પોતાની જાતને રૂમમાં બંધ કરીને તે ખૂબ રડતી હતી. તૃપ્તિએ કહ્યું, હું ખૂબ રડતી હતી… લોકો શું લખે છે તે વિચારીને મારું મગજ ખરાબ થઈ જતું હતું. કેટલાક લોકો તો કેટલું ખરાબ અને અભદ્ર લખતા હતા.

તૃપ્તિએ આગળ જણાવ્યું છે કે તેની બહેને તેને આ ટ્રોલિંગમાંથી બહાર આવવામાં મદદ કરી હતી. અભિનેત્રીને તેની બહેન દ્વારા કહેવામાં આવ્યું હતું કે તેણે તેની આ જર્નીની જવાબદારી પોતે જ લેવી પડશે અને તેણે એ પણ યાદ કરાવ્યું કે તેણે આ સફળતા મેળવવા માટે તેણે કેટલી મહેનત કરી છે. તૃપ્તિએ કહ્યું, “ક્યારેક રોની તમને આઘાતમાંથી બહાર આવવામાં મદદ કરે છે. આ પછી હું અંદરથી ઘણી સારી લાગવા લાગી.”

તૃપ્તિનું વર્ક ફ્રન્ટ

તૃપ્તિ હાલમાં જ ફિલ્મ બેડ ન્યૂઝમાં જોવા મળી હતી. જોકે, ફિલ્મ બોક્સ ઓફિસ પર સરેરાશ રહી હતી. હવે તે આગામી ફિલ્મ વિકી ઔર વિદ્યા કા વો વાલા વીડિયોમાં જોવા મળશે. રાજકુમાર રાવ તેમાં મુખ્ય અભિનેતા છે. આ ફિલ્મ 11 ઓક્ટોબર 2024ના રોજ થિયેટરમાં રીલીઝ થશે.

આ પણ વાંચોઃ મને નથી લાગતું કે તું સારી સિંગર છે, નણંદ કરીના કપૂરે આલિયા ભટ્ટને ટોન્ટ માર્યો