કેટરિના, કૃતિ સેનન, મલાઈકા અરોરા સહિત સેલિબ્રિટી પહોંચ્યાં ગરબે ઘૂમવાઃ જૂઓ વીડિયો
મુંબઈ, 5 ઓકટોબર, નવલા નોરતાની રાત આવી ગઈ છે અને ખેલૈયાઓનો હરખ આસમાને છે. ત્યારે જ્વેલરી બ્રાન્ડના નવરાત્રિ સેલિબ્રેશનમાં ભાગ લેવા માટે ઘણી અભિનેત્રીઓ પહોંચી રહી છે. જેમાં ગુરુવારે નવરાત્રી 2024ની શરૂઆત થતાં જ કેટરિના કૈફ, કૃતિ સેનન, મલાઈકા અરોરા, શિલ્પા શેટ્ટી, અજય દેવગણ, રશ્મિકા મંદન્ના, બોબી દેઓલ અને સૈફ અલી ખાન સહિત અનેક હસ્તીઓ કલ્યાણ જ્વેલર્સ દ્વારા આયોજિત આજે કોચીમાં પૂજા સમારોહમાં હાજરી આપતા જોવા મળ્યાં હતાં.
View this post on Instagram
નવરાત્રિનો તહેવાર દેશભરમાં ધામધૂમથી ઉજવવામાં આવી રહ્યો છે. નવરાત્રીનું આજે ત્રીજું નોરતું છે. સૌ કોઈ નવ દિવસ માતાજીની આરાધનાના અવસરની ઉજવણી કરે છે, જેમાં બોલીવુડના કલાકરોએ પણ નવરાત્રિની ધૂમ મચાવી છે. કલ્યાણ જ્વેલર્સ બ્રાન્ડના માલિક કલ્યાણરામન દર વર્ષે નવરાત્રી પૂજાનું આયોજન કરે છે, જેમાં બોલિવૂડ અને દક્ષિણના સ્ટાર્સ હાજરી આપે છે. નાગા ચૈતન્ય, ટોવિનો થોમસ, દિલીપ, કાવ્યા માધવન, અન્ના બેન, અનારકલી મેરીકર અને પ્રભુ સહિત દક્ષિણના સ્ટાર્સે પણ આ કાર્યક્રમમાં હાજરી આપી હતી. સ્ટાર્સે અદભૂત ટ્રેડિશનલ આઉટફિટ પહેરીને ઉત્સવની ભાવના અપનાવી હતી.
View this post on Instagram
સુંદર સાડીઓમાં અભિનેત્રીઓ દેખાઈ અદભુત
અભિનેત્રી કેટરિના કૈફ, કૃતિ સેનન અને શિલ્પા શેટ્ટી સુંદર સાડીઓમાં અદભુત દેખાતી હતી. તેઓ કોચી તેમજ મુંબઈના કાલીના એરપોર્ટ પર ઈવેન્ટ માટે જતા હતા. શિલ્પાએ આકર્ષક ગ્રીન સાડી પહેરી હતી, જ્યારે કૃતિ અને કેટરિનાએ લાલ કલરના શેડ્સ પસંદ કર્યા હતા. આ દરમિયાન મલાઈકાએ એક સુંદર સફેદ લહેંગા પસંદ કર્યો હતો. તેણે સરસ રીતે બાંધેલા બન અને સ્ટેટમેન્ટ જ્વેલરી સાથે તેનો લુક કંપ્લીટ કર્યો હતો. રશ્મિકાએ ભારે શોભાવાળા લાલ સૂટમાં જોવા મળી હતી. બોલિવૂડ સ્ટાર્સ સૈફ અલી ખાન અને અજય દેવગણ પણ ઉજવણીમાં જોડાયા હતા આ ઇવેન્ટ માટે સ્ટાઇલિશ કુર્તા સેટમાં પહોંચ્યા હતા.
View this post on Instagram
તમિલ અભિનેતા પ્રભુએ તેની પત્ની પુનિતા પ્રભુ સાથે આ કાર્યક્રમમાં હાજરી આપી હતી. મલયાલમ એક્ટર દિલીપે પણ તેની પત્ની કાવ્યા માધવન સાથે સેલિબ્રેશનમાં હાજરી આપી હતી. મિનલ મુરલીનો સ્ટાર ટોવિનો થોમસ તેની પત્ની લિડિયા ટોવિનો સાથે હતો. અન્ના બેન અને અનારકલી મેરીકર પણ નવરાત્રીની ઉજવણીમાં હાજરી આપી હતી, તેઓ તેમના ટ્રેડિશલ આઉટફિટમાં ભવ્ય દેખાતા હતા.
આ પણ વાંચો…કેજરીવાલે છોડ્યું સીએમ આવાસ, પરિવાર સાથે બહાર નીકળ્યા; જાણો તેમનું નવું સરનામું
