નવસારી, 5 ઓક્ટોબર : નેશનલ હાઈ સ્પીડ રેલ કોર્પોરેશન લિમિટેડ (NHSRCL) એ મુંબઈ-અમદાવાદ બુલેટ ટ્રેન પ્રોજેક્ટ સંબંધિત નવી માહિતી શેર કરી છે. NHSRCL મુજબ, મુંબઈ-અમદાવાદ બુલેટ ટ્રેન પ્રોજેક્ટ પર કામ ઝડપી ગતિએ ચાલી રહ્યું છે અને હવે નવસારી ખાતે NH48 પર 210 મીટર લાંબા પ્રેસ્ટ્રેસ્ડ કોંક્રીટ (PSC) બ્રિજનું નિર્માણ કાર્ય પૂર્ણ થઈ ગયું છે. NHSRCLએ આ બ્રિજનો વીડિયો પણ શેર કર્યો છે. PSC બ્રિજ 40, 65, 65 અને 40 મીટરના સ્પાન્સ સાથે, દિલ્હી-ચેન્નઈ નેશનલ હાઈવે (NH 48) ના સૌથી વ્યસ્ત વિભાગમાંથી પસાર થાય છે. આ પુલ ગુજરાતના નવસારીમાં બુલેટ ટ્રેન પ્રોજેક્ટના સુરત અને બીલીમોરા સ્ટેશન વચ્ચે આવેલો છે.
A 210-meter-long PSC bridge with spans of 40, 65, 65, and 40 meters has been completed. This bridge crosses one of the busiest sections of the Delhi-Chennai National Highway (NH 48) and is located at Navsari, Gujarat, between the Surat and Bilimora #BulletTrain stations. pic.twitter.com/eql9WamNMG
— NHSRCL (@nhsrcl) October 3, 2024
ઉલ્લેખનીય છે કે આ બીજો પીએસસી બેલેન્સ્ડ બ્રેકેટ બ્રિજ છે જે હાઈવે પર સ્પાન બાય સ્પાન (એસબીએસ) ટેકનિકનો ઉપયોગ કરીને પૂર્ણ કરવામાં આવ્યો છે. 210 મીટરની કુલ લંબાઇ ધરાવતો આ પુલ ચાર સ્પાનમાં ગોઠવાયેલા 72 પ્રીકાસ્ટ સેગમેન્ટનો સમાવેશ કરે છે જેમાં 40 મીટરના બે અને 65 મીટરના બેનો સમાવેશ થાય છે. આ બ્રિજ હાઇવેની બંને તરફ ટ્રાફિક લેન પર બનાવવામાં આવ્યો છે. NHSRCLએ જાહેરાત કરી કે બ્રિજ પરનું કામ હવે પૂર્ણ થઈ ગયું છે.
NHSRCLએ તેના નિવેદનમાં જણાવ્યું હતું કે, ‘ગુજરાત અને મહારાષ્ટ્રમાંથી પસાર થતી મુંબઈ-અમદાવાદ બુલેટ ટ્રેન કોરિડોર, ગુજરાતના નવસારી જિલ્લાના સિસોદરા ગામમાં એલિવેટેડ વાયડક્ટ દ્વારા NH-48ને પાર કરી રહી છે. આ 210 મીટર લાંબો સંતુલિત કેન્ટીલીવર બ્રિજ હાઇવે પર પૂર્ણ થયેલો બીજો PSC બોક્સ-સેગમેન્ટલ બ્રિજ છે. આ બ્રિજ બીલીમોરા અને સુરત બુલેટ ટ્રેન સ્ટેશન વચ્ચે આવેલો છે. નોંધનીય છે કે અગાઉ ઓગસ્ટમાં NHSRCLએ નવસારીના આમદપુર ગામમાં PSC બ્રિજનું કામ પણ પૂર્ણ કર્યું હતું.
આ પણ વાંચો :- ગાંધીનગર દક્ષિણનાં પૂર્વ ધારાસભ્ય શંભુજી ઠાકોરનું થયું અવસાન
