બધી ફરિયાદો ભૂલીને કાશ્મીરા શાહ મામા ગોવિંદાને મળવા પહોંચી હોસ્પિટલ, જુઓ વીડિયો

• ગોવિંદાના ભત્રીજા કૃષ્ણા અભિષેકની પત્ની કાશ્મીરા શાહ તેમના પારિવારિક મતભેદોને ભૂલીને મામા સસરા ગોવિંદાને જોવા હોસ્પિટલ પહોંચી હતી

1 ઓક્ટોબર, મુંબઈઃ બોલિવૂડ સુપરસ્ટાર ગોવિંદા મંગળવારે સવારે ગંભીર અકસ્માતનો શિકાર બન્યા હતા. સવારે ગોવિંદાને પોતાની જ રિવોલ્વરથી પગમાં ગોળી વાગી હતી, ત્યારબાદ તેને તાત્કાલિક મુંબઈની ક્રિટી કેર હોસ્પિટલમાં દાખલ કરવામાં આવ્યો હતો. પ્રાથમિક સારવાર બાદ અભિનેતાના પગમાંથી ગોળી કાઢી લેવામાં આવી છે અને હવે તે ખતરાની બહાર છે. આ દરમિયાન કોમેડી અભિનેતા કૃષ્ણા અભિષેકની પત્ની અને અભિનેત્રી કાશ્મીરા શાહ તેના મામા સસરા ગોવિંદાની ખબર પૂછવા માટે હોસ્પિટલ પહોંચી છે.

#WATCH | Mumbai: Actress Kashmera Shah reaches CritiCare Asia in Mumbai to meet actor and Shiv Sena leader Govinda who has been admitted here after he was accidentally shot in the leg by his own revolver. pic.twitter.com/7sTkKOMgfE

— ANI (@ANI) October 1, 2024

પુત્રવધૂ કાશ્મીરા શાહ ગોવિંદાને મળવા આવી

ગોવિંદા અને તેના ભત્રીજા કૃષ્ણા અભિષેક વચ્ચેનો પારિવારિક વિવાદ હવે જાહેર થઈ ચૂક્યો છે. ગોવિંદાની પત્ની સુનીતાએ પણ ઘણી વખત ઈન્ટરવ્યુમાં આ વાતનો ઉલ્લેખ કર્યો છે, પરંતુ પારિવારિક મતભેદો ભૂલીને આ મુશ્કેલ સમયમાં કાશ્મીરા શાહ તેના મામા સસરા ગોવિંદાને મળવા હોસ્પિટલ પહોંચી હતી. મંગળવારે સવારે સોશિયલ મીડિયા પર એક વીડિયો સામે આવ્યો જેમાં કાશ્મીરા કડક સુરક્ષા વચ્ચે હોસ્પિટલમાં દાખલ થતી જોવા મળી રહી છે.

જો કે આ દરમિયાન કૃષ્ણા અભિષેક તેની સાથે જોવા મળ્યો ન હતો. હાલમાં કૃષ્ણા કામ માટે ઓસ્ટ્રેલિયામાં છે જેના કારણે તે આ સમયે હાજર નહોતો. ગોવિંદાની પત્ની સુનીતા આહુજા પણ કોલકાતાથી મુંબઈ જવા રવાના થઈ ગઈ છે.

ગોવિંદાને તેની જ રિવોલ્વરથી વાગી ગોળી

ગોવિંદા મંગળવારે સવારે કોલકાતા જવાની તૈયારીમાં હતો. તે ઘરમાંથી નીકળતા પહેલા તેની રિવોલ્વર કબાટમાં મુકી રહ્યો હતો, પરંતુ આ દરમિયાન બંદૂક નીચે પડી અને લોક ખુલી ગયું અને ગોળી ચાલી ગઈ. ગોળી અભિનેતાના પગમાં વાગી હતી. અકસ્માત બાદ તેને તાત્કાલિક હોસ્પિટલમાં દાખલ કરવામાં આવ્યો હતો. અભિનેતાએ વોઈસ મેસેજ દ્વારા એ પણ માહિતી આપી છે કે ડોક્ટરોએ તેના પગમાંથી ગોળી કાઢી નાખી છે અને હવે તે ખતરાની બહાર છે.

આ પણ વાંચોઃ બાળકોના મગજ પર ખરાબ અસર પાડી શકે છે માતા-પિતાની આ આદતો