વડાપ્રધાન નરેન્દ્ર મોદીએ PM નેતન્યાહુ સાથે કરી વાત, જાણો બંને નેતાઓ વચ્ચે શું ચર્ચા થઈ
નવી દિલ્હી, 30 સપ્ટેમ્બર : ભારતના વડાપ્રધાન નરેન્દ્ર મોદીએ ઈઝરાયેલના પીએમ બેન્જામિન નેતન્યાહુ સાથે ફોન પર વાત કરી છે. પીએમ મોદીએ પોતે સોશિયલ મીડિયા પ્લેટફોર્મ પર આ વિશે માહિતી આપી છે. તેમણે કહ્યું કે ભારત શાંતિ માટે પ્રતિબદ્ધ છે અને આપણી દુનિયામાં આતંકવાદ માટે કોઈ સ્થાન નથી.
Spoke to Prime Minister @netanyahu about recent developments in West Asia. Terrorism has no place in our world. It is crucial to prevent regional escalation and ensure the safe release of all hostages. India is committed to supporting efforts for an early restoration of peace and…
— Narendra Modi (@narendramodi) September 30, 2024
ઈઝરાયેલના પીએમ સાથે વાત કરવાની માહિતી આપતા પીએમએ ઈન્સ્ટાગ્રામ પર લખ્યું કે, ઈઝરાયેલના વડાપ્રધાન બેન્જામિન નેતન્યાહુ સાથે પશ્ચિમ એશિયામાં થઈ રહેલી તાજેતરની ઘટનાઓ પર ચર્ચા થઈ હતી. આપણી દુનિયામાં આતંકવાદ માટે કોઈ સ્થાન નથી. આ વિસ્તારમાં તણાવને રોકવા અને તમામ બંધકોની સુરક્ષિત મુક્તિની ખાતરી કરવી મહત્વપૂર્ણ છે. ભારત શાંતિ અને સ્થિરતાની વહેલી પુનઃસ્થાપના માટેના પ્રયાસોને સમર્થન આપવા પ્રતિબદ્ધ છે.
આ પહેલા સોમવારે ઈઝરાયેલના વડાપ્રધાન બેન્જામિન નેતન્યાહુએ ઈરાનના લોકોને સીધું સંબોધિત કરતા ઈરાનના શાસનની આકરી ટીકા કરી હતી. તેણે કહ્યું, ‘દરરોજ, ઈરાનનું શાસન તમને દબાવી રહ્યું છે અને સમગ્ર પ્રદેશને યુદ્ધ અને અંધકારમાં ધકેલી રહ્યું છે. ઈરાનના નેતાઓની પ્રાથમિકતા લોકોનું કલ્યાણ નથી, પરંતુ લેબનોન અને ગાઝામાં નકામા યુદ્ધો પર પૈસા વેડફવાની છે. કલ્પના કરો કે ઈરાનના નેતાઓ જે પૈસા પરમાણુ હથિયારો અને વિદેશી યુદ્ધો પાછળ વેડફી રહ્યા છે તે તમારા શિક્ષણ, આરોગ્ય અને દેશના વિકાસમાં રોકાણ કરવામાં આવે તો તમે શું કરી શકો.
