રૂ. 500ની નોટ પર ગાંધીજી કે અનુપમ ખેર? ગઠિયાઓની કરતૂત જોઈ અભિનેતા પણ મૂકાયા આશ્ચર્યમાં

અમદાવાદ, 30 સપ્ટેમ્બર, આજકાલ ટેક્નોલોજીના યુગમાં કંઈ પણ શક્ય છે. ખાસ કરીને જ્યારથી આ AI આવ્યું છે ત્યારથી વસ્તુઓ વધુ ખરાબ થઈ રહી છે. આ દરમિયાન સેલેબ્સના ડીપ ફેક વીડિયો વાયરલ થઈ રહ્યા હતા. અને હવે 500 રૂપિયાની નોટ પર મહાત્મા ગાંધીની જગ્યાએ અનુપમ ખેરનો ફોટો છપાયો છે. જેનો વિડિયો ખુદ અભિનેતાએ ઈન્સ્ટાગ્રામ પર શેર કરીને આશ્ચર્ય વ્યક્ત કર્યું છે. ચાહકો આ વિડિયો પર અલગ અલગ પ્રતિક્રિયા આપી રહ્યા છે. અમદાવાદના એક વેપારી સાથે 1.30 કરોડની ડુપ્લીકેટ નોટો આપી ઠગાઈ થતાં પોલીસ ફરિયાદ નોંધાવી છે. ત્યારે પોલીસે તપાસમાં જાણવા મળ્યું છે કે આરોપીઓ સોનું પડાવવા માટે સીજી રોડ પર આંગડિયા પેઢીના નામે બનાવટી ઓફિસ પણ શરૂ કરી હતી. આ અંગે નવરગપુરા પોલીસે ગુનો નોંધીને તપાસ શરૂ કરી છે.

વાંચો આ – અમદાવાદમાં નકલી આંગડિયા પેઢી ખોલી ગઠિયાઓએ કરોડો રૂપિયાની છેતરપિંડી કરી

અભિનેતાએ  પોતાના એક્સ હેન્ડલ પર વીડિયો પોસ્ટ કર્યો

અમદાવાદમાંથી છેતરપિંડીનો ચોંકાવનારો કિસ્સો સામે આવ્યો છે. એક છેતરપિંડી કરનારે એક બિઝનેસમેનને અનુપમ ખેરની તસ્વીર સાથે છપાયેલી ચલણી નોટો આપીને કરોડો રૂપિયાની છેતરપિંડી કરી છે. સોશિયલ મીડિયા પર એક વીડિયો વાયરલ થયો હતો, જેમાં રાષ્ટ્રપિતા મહાત્મા ગાંધીના ફોટાને બદલે 500 રૂપિયાની નોટ પર અભિનેતા અનુપમ ખેરનો ફોટો છપાયો હતો. આ વીડિયો જોઈને અભિનેતા પોતે પણ ચોંકી ગયો હતો અને તેણે પોતાના એક્સ હેન્ડલ પર એક વીડિયો પોસ્ટ કર્યો હતો અને એક ટ્વિટ લખ્યું હતું. તેણે લખ્યું,  500 રૂપિયાની નોટ પર ગાંધીજીના બદલે મારો ફોટો? કંઈપણ થઈ શકે છે’! આ સાથે અભિનેતાએ આશ્ચર્યજનક ઇમોજીસ બનાવી છે.

જાણો અસલી નકલીમાં શું છે તફાવત ?

છેતરપિંડીની નવી રીતો બહાર આવી રહી છે. એક અનોખો કિસ્સો પ્રકાશમાં આવ્યો છે, જ્યાં એક છેતરપિંડી કરનારે એક બિઝનેસમેન સાથે કરોડોની છેતરપિંડી કરી છે. છેતરપિંડી કરનારે વેપારીને નકલી નોટોના બંડલ આપ્યા, જેના પર મહાત્મા ગાંધીની નહીં પણ અભિનેતા અનુપમ ખેરની તસવીર છપાયેલી હતી. પરંતુ તેને જોઈને જ તમે કહી શકો છો કે તે નકલી છે. આ નોટ બનાવવા માટે કાગળનો ઉપયોગ કરવામાં આવ્યો છે. અસલી નોટ પર SBI અને તેનું ફુલ ફોર્મ સ્ટેટ બેંક ઓફ ઈન્ડિયા લખેલું છે, પરંતુ આ નકલી નોટ પર સ્ટેટ બેંક ઓફ ઈન્ડિયાને બદલે Start Bank of India લખેલું છે.

જાણો સમગ્ર મામલો

માણેકચોક વિસ્તારમાં મેહૂલ નામના બુલિયનના વેપારી સાથે લક્ષ્મી જ્વેલર્સના મેનેજર પ્રશાંત પટેલ વચ્ચે 2100 ગ્રામ સોનાની ડિલિવરી આપવા માટે 1.60 કરોડમાં ડિલ થઈ. સોનુ તેમણે સીજી રોડ પર એક આંગડિયા પેઢીની ઓફિસ પર મગાવ્યુ જેની સામે રૂપિયા 500 ની દરની 1.30 કરોડની રકમ પણ આપી અને બાકીના 30 લાખ રૂપિયા ઓફિસેથી જવાનું કહીને બે ગઠિયાઓ ફરાર થઇ ગયા હતા. વેપારીએ તપાસ કરી તો જાણવા મળ્યું કે આ 1.30 કરોડની જે રકમ તેમણે ચુકવી હતી એ તમામ 500 ના દરની નોટો નકલી હતી. ગાંધીજીના બદલે અનુપમ ખેરનો ફોટો હોવાનું સામે આવ્યું હતું અને સ્ટેટ બેંકના બદલે સ્ટાર્ટ બેંક લખેલા રેપરમાં આ નોટ લપેટાયેલી હતી. વેપારી સાથે 1.30 કરોડની ડુપ્લીકેટ નોટો આપી ઠગાઈ થતાં પોલીસ ફરિયાદ નોંધાવી છે. ત્યારે પોલીસે તપાસમાં જાણવા મળ્યું છે કે આરોપીઓ સોનું પડાવવા માટે સીજી રોડ પર આંગડિયા પેઢીના નામે બનાવટી ઓફિસ પણ શરૂ કરી હતી. આ અંગે નવરગપુરા પોલીસે ગુનો નોંધીને તપાસ શરૂ કરી છે.

આ પણ વાંચો….અભિનેતા મિથુન ચક્રવર્તીને દાદાસાહેબ ફાળકે લાઇફટાઇમ એચિવમેન્ટ એવોર્ડથી સન્માનિત કરવામાં આવશે