બાંગ્લાદેશી મહિલાએ ચોપસ્ટિકથી ચોખાના 37 દાણા ખાઈને બનાવ્યો વર્લ્ડ રેકોર્ડ, જૂઓ વીડિયો
- ગિનીસ વર્લ્ડ રેકોર્ડ્સે ઇન્સ્ટાગ્રામ પર આ મહિલાનો વીડિયો શેર કર્યો
HD ન્યૂઝ ડેસ્ક, 30 સપ્ટેમ્બર: ચોખાના ઘણા દાણા ખાવા અને તે પણ ચોપસ્ટિકથી એ એક અશક્ય લાગતું કામ છે. 17 ફેબ્રુઆરી 2024ના રોજ, બાંગ્લાદેશી મહિલા સુમૈયા ખાને ચોપસ્ટિક્સ વડે ચોખાના દાણા ખાવાનું આ પડકારજનક કાર્ય કર્યું હતું. ગિનીસ વર્લ્ડ રેકોર્ડ્સે તાજેતરમાં જ ઇન્સ્ટાગ્રામ પર વીડિયો મૂક્યો છે જેમાં આ મહિલાનો રેકોર્ડ બતાવવામાં આવ્યો છે. વીડિયોમાં સુમૈયા ખાન ચોપસ્ટિક્સનો ઉપયોગ કરીને એક મિનિટમાં 37 ચોખાના દાણા ખાય છે. કાર્ય પૂર્ણ કર્યા પછી, તેણી તેની આ સિદ્ધિની ઉજવણી કરતી જોવા મળી હતી. “સુમૈયા ખાન દ્વારા ચોપસ્ટિક્સનો ઉપયોગ એક મિનિટમાં 37 ચોખાના દાણા ખાઈને ગિનિસ વર્લ્ડ રેકોર્ડ બનાવવામાં આવ્યો. “
GWRની વેબસાઈટ અનુસાર, સુમૈયા ખાને ચોપસ્ટિક્સનો ઉપયોગ કરીને એક મિનિટમાં ચોખાના 27 દાણા ખાનાર ટેલેન્ડ લાનો રેકોર્ડ તોડ્યો હતો, જે કેલિફોર્નિયાના સ્ટેનફોર્ડમાં એપ્રિલ 2022માં સેટ કરવામાં આવ્યો હતો.
જૂઓ આ વર્લ્ડ રેકોર્ડનો વીડિયો
View this post on Instagram
અગાઉના અદ્ભૂત વર્લ્ડ રેકોર્ડ
આ પહેલીવાર નથી જ્યારે વિશ્વભરના લોકોએ તેમની રેકોર્ડ-બ્રેકિંગ ક્ષણોથી બધાને આશ્ચર્યચકિત કર્યા હોય. અગાઉ, ફ્રેન્કફર્ટ સ્થિત એક વ્યક્તિ ફેલિક્સ વોન મેઇબોમે વીજળીની ઝડપે એક કપ કોફી પીને ગિનિસ વર્લ્ડ રેકોર્ડ બનાવ્યો હતો. જેણે માત્ર 3.12 સેકન્ડમાં આ કેફીનયુક્ત પીણું પીધું હતું, જે અગાઉના રેકોર્ડ ધારક કરતાં 0.05 સેકન્ડ વહેલું હતું. આ નોંધપાત્ર સિદ્ધિ સપ્ટેમ્બર 2023માં નોંધાઈ હતી.
આ પહેલા લેહ શટકેવરે સૌથી ઝડપી સ્પીડે એક બાઉલ પાસ્તા ખાઈને વર્લ્ડ રેકોર્ડ બનાવ્યો હતો. ગિનીસ વર્લ્ડ રેકોર્ડ્સના સત્તાવાર ઇન્સ્ટાગ્રામ હેન્ડલ પર તેણીની સિદ્ધિ દર્શાવતી ટૂંકી ક્લિપ શેર કરવામાં આવી છે. GWRની વેબસાઈટ અનુસાર, બ્રિટિશ મહિલાએ ઓગસ્ટ 2023માં લંડનમાં આ રેકોર્ડ બનાવ્યો હતો. તેણીનો ઉલ્લેખ સ્પીડ ઈટિંગ માટે સીરીયલ ગિનિસ વર્લ્ડ રેકોર્ડના ખિતાબ ધારક તરીકે પણ કરવામાં આવ્યો હતો. વીડિયોમાં, લેહએ માત્ર 17.03 સેકન્ડમાં ટામેટા આધારિત ચટણી જેવી દેખાતી સ્પેગેટીનો સ્વાદ ચાખ્યો હતો.
આ પણ જૂઓ: આ કાફેમાં ગાળો અને જૂતાંનો માર ખાવા માટે આપે છે લોકો નાણાં? જાણો શું છે હકીકત
