બાંગ્લાદેશ સામે T20 સીરીઝ માટે ભારતીય ટીમની જાહેરાત, આ ખેલાડીને ફરી બહાર રખાયો
- 150ની સ્પીડથી બોલ ફેંકતા મયંક યાદવની એન્ટ્રી
નવી દિલ્હી, 29 સપ્ટેમ્બર : બાંગ્લાદેશ સામેની ત્રણ મેચની T20 શ્રેણી માટે ભારતીય ટીમની જાહેરાત કરવામાં આવી હતી. ભારતીય ક્રિકેટ કંટ્રોલ બોર્ડ (BCCI) એ 28 સપ્ટેમ્બર (શનિવાર)ના રોજ ટીમની જાહેરાત કરી હતી. 15 સભ્યોની ભારતીય ટીમનું નેતૃત્વ સૂર્યકુમાર યાદવ કરશે. હાર્દિક પંડ્યા પણ ટીમનો ભાગ છે. જ્યારે ઝડપી બોલર મયંક યાદવે ટીમમાં આશ્ચર્યજનક રીતે એન્ટ્રી કરી છે પણ ઈશાન કિશન ફરી નિરાશ થયો છે અને તેને ભારત અને બાંગ્લાદેશ વચ્ચે T20માં સામેલ કરવામાં આવ્યો નથી. T20 સીરીઝ 6 ઓક્ટોબરથી શરૂ થઈ રહી છે.
મયંક પાસે 150ની સ્પીડથી બોલ ફેંકવાની ક્ષમતા
મયંક યાદવનો પ્રથમ વખત ભારતીય ટીમમાં સમાવેશ કરવામાં આવ્યો છે. મયંકે IPL 2024માં લખનૌ સુપર જાયન્ટ્સ માટે તોફાની બોલિંગ કરી હતી. મયંક 150 કિમી પ્રતિ કલાકની ઝડપે બોલિંગ કરવાની ક્ષમતા ધરાવે છે. જો કે મયંક ઈજાના કારણે આઈપીએલની સીઝનની મધ્યમાં બહાર થઈ ગયો હતો, પરંતુ હવે તે સંપૂર્ણપણે ફિટ છે. ભારતીય ટીમમાં સંજુ સેમસન અને જીતેશ શર્માને વિકેટકીપર તરીકે સ્થાન આપવામાં આવ્યું છે.
ત્રણ વર્ષ બાદ વરુણ વાપસી, નીતીશ પણ ટીમમાં
સનરાઈઝર્સ હૈદરાબાદના ક્રિકેટર અભિષેક શર્મા અને નીતિશ કુમાર રેડ્ડી પણ શ્રીલંકા સામેની ટી20 શ્રેણીમાંથી બહાર થયા બાદ ટીમમાં પરત ફર્યા છે. અભિષેકની શ્રીલંકા સામેની ત્રણ મેચની T20 શ્રેણી માટે પસંદગી કરવામાં આવી ન હતી. રસપ્રદ વાત એ છે કે, 15 સભ્યોની ટીમમાં અભિષેક એકમાત્ર ઓપનિંગ બેટ્સમેન છે, જેનો અર્થ છે કે તે સંજુ સેમસન સાથે ઓપનિંગ કરી શકે છે. દરમિયાન, સ્પિનર વરુણ ચક્રવર્તી ત્રણ વર્ષ બાદ ભારતની T20 ટીમમાં પરત ફર્યો છે. વરુણ છેલ્લે 2021માં યોજાયેલા T20 વર્લ્ડ કપમાં ભારત તરફથી રમ્યો હતો.
NEWS 🚨 – #TeamIndia’s squad for T20I series against Bangladesh announced.
More details here – https://t.co/7OJdTgkU5q #INDvBAN @IDFCFIRSTBank pic.twitter.com/DOyz5XGMs5
— BCCI (@BCCI) September 28, 2024
3 T20 મેચો માટે ભારતની ટીમ
સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટકીપર), રિંકુ સિંહ, હાર્દિક પંડ્યા, રિયાન પરાગ, નીતિશ કુમાર રેડ્ડી, શિવમ દુબે, વોશિંગ્ટન સુંદર, રવિ બિશ્નોઈ, વરુણ ચક્રબોર. શર્મા (વિકેટકીપર), અર્શદીપ સિંહ, હર્ષિત રાણા, મયંક યાદવ.
ભારત-બાંગ્લાદેશ T20 શ્રેણીનું શેડ્યૂલ
1લી T20- ગ્વાલિયર- 6 ઓક્ટોબર
બીજી T20- દિલ્હી- 9 ઓક્ટોબર
ત્રીજી T20- હૈદરાબાદ- 12 ઓક્ટોબર
(તમામ ટી20 મેચ ભારતીય સમય અનુસાર સાંજે 7 વાગ્યે શરૂ થશે)
