કોહલીને મેદાન પર જતો જોઈ ગ્રાઉન્ડ સ્ટાફકર્મી પગે લાગવા પહોંચ્યો, જૂઓ વાયરલ વીડિયો
- ભારત અને બાંગ્લાદેશ વચ્ચે બીજી ટેસ્ટ કાનપુરમાં રમાઈ રહી છે, જે વરસાદના કારણે મોડી શરૂ થઈ
કાનપુર, 27 સપ્ટેમ્બર: ભારત અને બાંગ્લાદેશ વચ્ચે બીજી ટેસ્ટ કાનપુરમાં રમાઈ રહી છે. વરસાદના કારણે આ મેચ મોડી શરૂ થઈ હતી. આ મેચમાં ભારતીય ટીમના કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય કર્યો હતો. આ મેચની શરૂઆત પહેલા ભારતીય ખેલાડીઓ કાનપુરના ગ્રીન પાર્ક સ્ટેડિયમમાં પ્રેક્ટિસ કરી રહ્યા હતા. ગ્રાઉન્ડ સ્ટાફ મેચ માટે મેદાન તૈયાર કરવામાં વ્યસ્ત હતો. આ દરમિયાન વિરાટ કોહલીને મેદાન પર જતો જોઈને ગ્રાઉન્ડ સ્ટાફમાંથી એક પોતાના પર કાબુ ન રાખી શક્યો અને તે વિરાટ કોહલીના પગને સ્પર્શ કરવા પહોંચી ગયો. જેનો વીડિયો સોશિયલ મીડિયા પર વાયરલ થઈ રહ્યો છે.
જૂઓ આ વીડિયો
When Virat came out, a ground staff member touched his feet🥹❤️#ViratKohli | #IndvsBan pic.twitter.com/y35ADdW0Kx
— 𝙒𝙧𝙤𝙜𝙣🥂 (@wrognxvirat) September 27, 2024
વિરાટ કોહલી સાથે અવાર-નવાર બનતી ઘટના
વિરાટ કોહલી સાથે આવું ઘણી વખત બન્યું છે. ચાહકો તેને જોયા પછી પોતાને રોકી શકતા નથી અને તેને મળવા આવે છે. કેટલીકવાર ચાહકો સુરક્ષા કોર્ડનને પણ ઓળંગી જાય છે. વિરાટ કોહલી પણ પોતાના ફેન્સને ખૂબ જ સારી રીતે મળે છે. આ વખતે પણ કંઈક આવું જ જોવા મળ્યું. જ્યારે ગ્રાઉન્ડ સ્ટાફે તેના પગને સ્પર્શ કર્યો તો વિરાટ કોહલીએ ખૂબ જ સારી પ્રતિક્રિયા આપી. તેની પ્રતિક્રિયાએ ફરી એકવાર ચાહકોનું દિલ જીતી લીધું છે.
વિરાટ કોહલી બીજી ટેસ્ટમાં મેગા રેકોર્ડની નજીક
વિરાટ કોહલીએ આંતરરાષ્ટ્રીય ક્રિકેટમાં અત્યાર સુધીમાં 26 હજારથી વધુ રન બનાવ્યા છે. હવે તે 27 હજાર રન પૂરા કરવાથી થોડા જ રન દૂર છે. અત્યાર સુધી વિશ્વભરમાંથી માત્ર ત્રણ બેટ્સમેન આંતરરાષ્ટ્રીય ક્રિકેટમાં આ સિદ્ધિ હાંસલ કરી શક્યા છે. સચિન તેંડુલકર તો નંબર વન પર છે જ, સાથે શ્રીલંકાના કુમાર સંગાકારા બીજા અને રિકી પોન્ટિંગ ત્રીજા નંબર પર છે. કાનપુરના ગ્રીન પાર્ક સ્ટેડિયમમાં વિરાટ કોહલી વધુ 35 રન બનાવશે તો તે 27 હજારના આંકડાને સ્પર્શી જશે. આ સિવાય તે સૌથી ઝડપી 27,000 રન બનાવનાર બેટ્સમેન પણ બની જશે. આ રેકોર્ડ હાલમાં ભારતના સચિન તેંડુલકરના નામે એક નોંધાયેલ છે. સચિન તેંડુલકરે 623 ઇનિંગ્સમાં 27000 રન પૂરા કર્યા હતા.
આ પણ જૂઓ: CSK સાથે જોડાયેલા આ કેરેબિયન ખેલાડીએ T20માંથી પણ નિવૃત્તિ જાહેર કરી
