પશ્ચિમ રેલવેમાં 5 હજારથી વધુ જગ્યાઓ માટે ભરતી, જલ્દી કરો અરજી

• આ ભરતી અભિયાન દ્વારા રેલવેમાં કુલ 5066 એપ્રેન્ટિસની જગ્યાઓ ભરવામાં આવશે

નવી દિલ્હી, 26 સપ્ટેમ્બર: જો કોઈ રેલવેમાં કામ કરવા ઈચ્છે છે તો રેલવે રિક્રુટમેન્ટ સેલ (RRC) પશ્ચિમ રેલવેએ એપ્રેન્ટિસશિપ માટે ઘણી જગ્યાઓ માટે ભરતીનું નોટિફિકેશન બહાર પાડ્યું છે. આ ભરતી અભિયાન દ્વારા રેલવેમાં હજારો જગ્યાઓ પર ભરતી કરવામાં આવશે. આ ભરતી માટે ઉમેદવારે અધિકૃત સાઈટ rrccr.com પર જઈને અરજી કરવાની રહેશે. અરજી કરવા માટે, ઉમેદવારો અહીં દર્શાવેલ પદ્ધતિને અનુસરી શકે છે. ભરતી માટેની અરજી પ્રક્રિયા 23 સપ્ટેમ્બરથી શરૂ થઈ હતી જ્યારે અરજી કરવાની છેલ્લી તારીખ 22 ઓક્ટોબર છે. નોટિફિકેશન અનુસાર, આ ભરતી અભિયાન દ્વારા રેલવેમાં કુલ 5066 એપ્રેન્ટિસની જગ્યાઓ ભરવામાં આવશે. ત્યારે હવે પ્રશ્ન એ થાય કે આ પોસ્ટ્સ પર અરજી કરવા માટે જરૂરી યોગ્યતા શું?

આવશ્યક શૈક્ષણિક લાયકાત

અરજી કરવા ઈચ્છતા ઉમેદવારે માન્ય બોર્ડ અથવા સંસ્થામાંથી ઓછામાં ઓછા 50 ટકા માર્ક્સ સાથે 10મું ધોરણ પાસ કર્યું હોવું ફરજિયાત છે. આ સાથે સંબંધિત વેપારમાં ITI પાસ કરેલ હોવું જોઈએ.

શું છે વય મર્યાદા?

ઉમેદવારોની લઘુત્તમ ઉંમર 15 વર્ષ હોવી જોઈએ અને મહત્તમ ઉંમર 24 વર્ષથી વધુ ન હોવી જોઈએ. જ્યારે અનામત કેટેગરીના ઉમેદવારો અરજી કરનારને સરકારી નિયમો મુજબ વયમાં છૂટછાટ આપવામાં આવશે.

અરજી ફી કેટલા રૂપિયા?

આ ભરતીમાં અરજી કરવા માટે, ઉમેદવારે અરજી ફી ચૂકવવાની રહેશે. ઉમેદવારે અરજી ફી તરીકે રૂ. 100 ફી ભરવાની રહેશે. અરજી કરનાર અનામત વર્ગના ઉમેદવારોને અરજી ફી ભરવામાંથી મુક્તિ આપવામાં આવી છે. ઉમેદવારો ડેબિટ કાર્ડ/નેટ બેંકિંગ દ્વારા ફી ચૂકવી શકે છે.

મહત્ત્વપૂર્ણ તારીખો 

• અરજી કરવાની શરૂઆતની તારીખ: 23 સપ્ટેમ્બર 2024
• અરજી કરવાની છેલ્લી તારીખ: 22 ઓક્ટોબર 2024

કેવી રીતે કરવી અરજી?

આ ભરતીમાં અરજી કરવા માટે, ઉમેદવારોએ પહેલા સત્તાવાર વેબસાઇટની મુલાકાત લેવી આવશ્યક છે. ત્યાં તમારે “રજીસ્ટર કરવા માટે અહીં ક્લિક કરો” લિંક પર ક્લિક કરીને અને જરૂરી માહિતી ભરીને નોંધણી કરવી પડશે. આ પછી, તમારે લોગિન દ્વારા અન્ય જરૂરી વિગતો ભરીને એપ્લિકેશન પ્રક્રિયા પૂર્ણ કરવી પડશે. છેલ્લે, નિયત અરજી ફી ભર્યા બાદ, ભરેલા ફોર્મની પ્રિન્ટઆઉટ લેવાનું અને તેને સુરક્ષિત રાખવાનું ભૂલશો નહીં. વધુ વિગતો માટે, ઉમેદવારો સત્તાવાર સાઇટની મદદ લઈ શકે છે.

આ પણ જૂઓ: ‘ગરવી ગુજરાત’ ભારત ગૌરવ ટ્રેન થશે શરૂઃ દેશભરના પ્રવાસીઓ આવશે ગુજરાત