ઓવરવેઈટ જ નહીં, અંડરવેઈટ હોવું પણ છે ખતરનાક, આપે છે અનેક બીમારીને જન્મ
- અંડરવેઈટ એટલે કે જરૂર કરતા વધુ પાતળા હોવું એ પણ ખતરનાક બની શકે છે. જેના કારણે અનેક ગંભીર બીમારીઓ થઈ શકે છે
HD ન્યુઝ ડેસ્કઃ ઓવરવેઈટ હોવું એ 100 ટકા ગંભીર હેલ્થ સમસ્યા છે. ખરાબ ખાણીપીણી અને જીવનશૈલીના કારણે મેદસ્વીતાની સમસ્યા ખૂબ જ ઝડપથી વધી રહી છે. જેના કારણે અનેક ગંભીર બીમારીઓનો ખતરો વધી રહ્યો છે. મેદસ્વીતાને કારણે હૃદયરોગ, ડાયાબિટીસ, ફેટી લિવરની સમસ્યા થઈ શકે છે. આ રોગોના કારણે શરીરમાં અનેક તકલીફો જન્મે છે અને જીવનભર દવાઓ લેવી પડે છે. જો કે તેનાથી ઊલટું અંડરવેઈટ એટલે કે જરૂર કરતા વધુ પાતળા હોવું એ પણ ખતરનાક બની શકે છે. જેના કારણે અનેક ગંભીર બીમારીઓ થઈ શકે છે.
શરીર કેટલું જાડું હોવું જરૂરી છે?
બોડી માસ ઇન્ડેક્સ (BMI)ની ગણતરી શરીરની ઊંચાઈ અને વજનના આધારે કરવામાં આવે છે. સેન્ટર ફોર ડિસીઝ કંટ્રોલ એન્ડ પ્રિવેન્શન મુજબ, તંદુરસ્ત વ્યક્તિનો BMI કાઉન્ટ 18.5 થી 24.9 ની વચ્ચે હોવો જોઈએ, જો તે આનાથી ઓછું હોય, તો વ્યક્તિ અંડરવેઈટની શ્રેણીમાં આવે છે. જેના અનેક ગેરફાયદા હોઈ શકે છે.
પાતળા હોવાને કારણે થાય છે 5 ગંભીર સમસ્યાઓ
1. કુપોષણની સમસ્યા
જો કોઈ વ્યક્તિ વધુ પડતી પાતળી હોય તો તે પોષણની ઉણપથી પીડાય છે અને કુપોષણનો શિકાર બને છે. જેના કારણે નબળાઈ, થાક, ટાલ પડવી, શુષ્ક ત્વચા અને દાંતની સમસ્યા થઈ શકે છે.
2. નબળી ઈમ્યુનિટી
ઘણા સંશોધનોમાં જાણવા મળ્યું છે કે ઓછું વજન હોવાને કારણે વ્યક્તિની રોગપ્રતિકારક શક્તિ નબળી પડવા લાગે છે અને શરીરમાં વારંવાર બીમારીઓ થવા લાગે છે. નબળી રોગપ્રતિકારક શક્તિ અનેક પ્રકારની સમસ્યાઓનું કારણ બની શકે છે.
3. નબળા હાડકાં
જ્યારે શરીરમાં પોષણની ઉણપ હોય છે, ત્યારે વિટામિન ડી અને કેલ્શિયમની ઉણપ પણ થઈ શકે છે. આવી સ્થિતિમાં ઓસ્ટિયોપોરોસિસની સમસ્યા પણ થઈ શકે છે. આ રોગમાં હાડકાંની જાડાઈ ઓછી થવા લાગે છે. તેનાથી હાડકાં નબળાં પડે છે અને હાડકામાં ઈજા કે ફ્રેક્ચરનું જોખમ અનેક હદ સુધી વધી જાય છે.
4. ઈનફર્ટિલિટીની સમસ્યા
જો વ્યક્તિ અંડરવેઈટ હોય તો તેના શરીરમાં હોર્મોન્સ અસંતુલિત થઈ શકે છે. તેનાથી ઈનફર્ટિલિટીની સમસ્યા થઈ શકે છે. આ બાબત ખૂબ જ ખતરનાક સાબિત થઈ શકે છે.
5. હાઈટ વધતી નથી
પોષણના અભાવે અને અંડર વેઈટ હોવાને કારણે બાળકોનો વિકાસ અટકી જાય છે. તેની ઊંચાઈ ઓછી રહે છે. તેથી વજન વધારવા માટે ફળો, શાકભાજી, દૂધ અને ઈંડાનો આહારમાં સમાવેશ કરવો જોઈએ.
આ પણ વાંચોઃ ઘરને સુગંધિત રાખવા તમે શેનો ઉપયોગ કરો છો? જો જો ફેફસાને નુકસાન ન થાય
