30 ટુકડા કરીને ફ્રીઝમાં મૂક્યો મૃતદેહ, પોલીસે આ મામલે તપાસ માટે 8 સ્પેશિયલ ટીમો બનાવી
બેંગલુરુ – 22 સપ્ટેમ્બર : ભારતની સિલિકોન વેલી તરીકે ઓળખાતા બેંગલુરુમાં એક હત્યાના કિસ્સાએ લોકોને હચમચાવી દીધા હતા. અહીં ફ્રિજમાંથી મહિલાના મૃતદેહના 30 ટુકડા મળી આવ્યા હતા. મહિલાની લાશ ચારથી પાંચ દિવસ જૂની હોવાનું કહેવાય છે. મહિલાની હત્યા ક્યારે, કોણે અને શા માટે કરી તે જાણવા હાલ પોલીસ સમગ્ર મામલાની તપાસમાં વ્યસ્ત છે. હાલ મહિલાના મૃતદેહના ટુકડાઓનું પોસ્ટમોર્ટમ કરવામાં આવી રહ્યું છે. આ મામલાની તપાસ માટે આઠ વિશેષ ટીમો બનાવવામાં આવી છે. મહિલાનું સીડીઆર સ્કેન પણ કરવામાં આવી રહ્યું છે. કોઈ પરિચિત વ્યક્તિએ આ ઘટનાને અંજામ આપ્યો હોવાની આશંકા છે.
મહિલા નેપાળની રહેવાસી
બેંગલુરુના વાયાલિકાવલ પોલીસ સ્ટેશન વિસ્તારના વીરન્ના રોડ પર એક ઘરમાંથી મહિલાના શરીરના ટુકડા મળી આવ્યા હતા. મહિલાના શરીરના ત્રીસ ટુકડા કરી રેફ્રિજરેટરમાં રાખવામાં આવ્યા હતા. દુર્ગંધ આવતાં પોલીસને જાણ કરવામાં આવી હતી, જે બાદ પોલીસ ઘટનાસ્થળે પહોંચી હતી અને મામલાની માહિતી મેળવી હતી. મામલો સામે આવ્યા બાદ પોલીસ આ મામલે તપાસ કરી રહી છે. પોલીસના જણાવ્યા અનુસાર મહિલા મહાલક્ષ્મીના મૃતદેહના 30 ટુકડા કરી રેફ્રિજરેટરમાં રાખવામાં આવ્યા હતા પોલીસનું કહેવું છે કે મહિલા મૂળ નેપાળની હતી અને ઘણા વર્ષોથી બેંગલુરુમાં રહેતી હતી.
સહકાર્યકરોની પૂછપરછ
પોલીસે જણાવ્યું હતું કે મહિલા ઘરમાં એકલી રહેતી હતી અને તેનો પતિ બેંગલુરુ પાસેના એક આશ્રમમાં કામ કરતો હતો. હાલ બોરિંગ હોસ્પિટલમાં મહિલાના મૃતદેહનું પોસ્ટમોર્ટમ થઈ રહ્યું છે. આ મામલાની તપાસ માટે આઠ વિશેષ ટીમો બનાવવામાં આવી છે. મહિલાનું સીડીઆર સ્કેન કરવામાં આવી રહ્યું છે. પોલીસનું માનવું છે કે કોઈ પરિચિતે મહિલાની હત્યા કરી છે. આ સિવાય પોલીસ ટીમ વિસ્તારના તમામ સીસીટીવી ફૂટેજની તપાસ કરી રહી છે. મહિલા જે મોલમાં કામ કરતી હતી ત્યાં તેની સાથે કામ કરતા લોકોની પણ પૂછપરછ કરવામાં આવી રહી છે.
આ પણ વાંચો : ચેન્નઈ ટેસ્ટમાં ભારતની બાંગ્લાદેશ સામે શાનદાર જીત, રવિચંદ્રન અશ્વિનની ડબલ ધમાલ
