દુલીપ ટ્રોફી : આ ખેલાડીએ રમી એવી આતિશી ઈનિંગ કે T20 મેચ પણ ઝાંખી પડે

મુંબઈ, 19 સપ્ટેમ્બર : દુલીપ ટ્રોફી 2024ના ત્રીજા તબક્કામાં ભારત Bનો મુકાબલો ભારત D સામે છે. આ મેચમાં રમતના પ્રથમ દિવસે પ્રથમ દાવમાં બેટિંગ કરતા ઇન્ડિયા ડીએ 5 વિકેટે 306 રન બનાવ્યા છે. ઈન્ડિયા ડી માટે આ મેચમાં કેપ્ટન શ્રેયસ અય્યર શૂન્ય પર આઉટ થયો હતો પરંતુ દેવદત્ત પડિકલ, એએસ ભરત, રિકી ભુઈએ અડધી સદી ફટકારી હતી, જ્યારે સંજુ સેમસન અડધી સદી સાથે ક્રિઝ પર રહ્યો હતો જ્યારે સરંશ જૈન તેને સપોર્ટ કરી રહ્યો હતો.

સંજુ સેમસન સદીની નજીક

સંજુ સેમસને પોતાની ટીમ માટે પ્રથમ દિવસે રમતના પ્રથમ દાવમાં T20 શૈલીમાં બેટિંગ કરી હતી. સંજુએ પહેલા દિવસે 83 બોલમાં 89 રનની ઇનિંગ રમી હતી અને તે અણનમ રહ્યો હતો. તેની ઇનિંગ દરમિયાન તેણે 3 સિક્સર અને 10 ફોર ફટકારી હતી અને તે તેની સદી પૂરી કરવામાં માત્ર 11 રન દૂર છે. જો સંજુ સેમસન આ સદી પૂરી કરે છે તો તે તેની ફર્સ્ટ ક્લાસ ક્રિકેટ કારકિર્દીની 11મી સદી હશે.

દેવદત્ત, કેએસ ભરત અને રિકી ભુઈએ અડધી સદી ફટકારી

ઈન્ડિયા ડી માટે આ મેચની પ્રથમ ઈનિંગમાં કેપ્ટન શ્રેયસ પહેલા દિવસે પોતાનું ખાતું પણ ખોલાવી શક્યો ન હતો, પરંતુ ટીમના બંને ઓપનર બેટ્સમેન દેવદત્ત પડિકલે 50 રનની ઈનિંગ રમી હતી જ્યારે બીજા ઓપનર બેટ્સમેન કેએસ ભરતે 52 રન બનાવ્યા હતા. આ મેચમાં દેવદત્ત અને કેએસ ભરતે ઈન્ડિયા ડી માટે દાવની શરૂઆત કરી હતી. ત્રીજા નંબરે બેટિંગ કરવા આવેલા રિકી ભુઈએ પણ પ્રથમ દિવસે પ્રથમ દાવમાં 56 રનની ઇનિંગ રમી હતી. ઈન્ડિયા B તરફથી રમતના પહેલા દિવસે રાહુલ ચહરે પ્રથમ દાવમાં સૌથી વધુ વિકેટ લીધી હતી અને 3 ખેલાડીઓને આઉટ કર્યા હતા.